Matendelelu 10:19 - O Mikanda Ikola

¹⁹ Kala kiki enu ue endenu ni kuzola o jinzuángiza, mukonda enu uenu muakexile mu jinzuángiza mʼoxi ia Ijito.

Matendelelu 10:19 ပူးပေါင်းရင်းမြစ်များ

Makatukilu 22:21

Nzuángiza kana ku mu bhanga phulu, kana ku mu bhikisa; kuma enu uenu mua kexile mu jinzuángiza mʼoxi ia Ijitu.

Izekiiele 47:22

Kia kà kala-phe kuila, mu ku i lundula, mu i tela muondona, phala ene ni athu engi a mu nhunganena muʼaxaxe kenu, hé a vualela ana mu kaxi kene; ene ue a kà mi kala kala athu òvuale ku anʼa Izalaiele; a kà bokuena kumoxi ni enu mu undundu, muʼaxaxe ka miji ia Izalaiele.

Izekiiele 47:23

Anga-phe mua kʼèla, o muthu uengi, muoso kiá mu muiji muala kunhunganena, muene mua kà mu bhana o dikànda dia undundu uê, Jihova Nzambi ua ki tange.

Luka 17:18

Kífua kana-bhu muthu u vutuka mù ximana Nzambi, kikale muenhú ngó mukua ʼxi iengi?

Luka 6:35

Zolenu-phe o jinguma jenu, a bhangienu o mbote. Sobhesenu, sé ngó kukakula muthu mba mu kinga ku mi vutuila ki mua sobhesa. O kisakidilu kienu anga ki kala kia dikota, hé mu kala mu anʼa Nzambi ia Diulu. Mukonda muène mukua kulendukila athu a kambe kusakidila, a bhukumuka.

Ngalásia 6:10

Uila kiki, bhuoso bhu tu muena o kithangana, tu bhangienu mbote athu oso, kota-kota-phe a tokala mu dianda dia kuxikana.

Matendelelu 23:7

Mukua Edomo kana ku mu zemba, ku mu mone uthu uengi, mbata phangʼié; mukua Ijito ue ku mu suekele pholo, kuma ua ku zalelele kiá mʼoxi iê.

Matendelelu 23:8

Alaula âene, a-nda kuvuala ku muiji ua katatu, hádia mu a ehela kubhiẋila jinga bhu kionge kia Jihova.