Matendelelu 10:17 - O Mikanda Ikola

¹⁷ Kuma o Jihova Nzambi ienu, muene o Nzambi ia jinzambi, muene Ngana ia jingana, muene Nzambi ngó Suke-ku, o uzonda uê uvula, ukuata uoma, ka moneka kathômbo kʼathu, ka xikina ku mu futila.

Matendelelu 10:17 ပူးပေါင်းရင်းမြစ်များ

II Malunda 19:7

O kiki-phe, uoma ua Jihova u kale ni enu; alukenu-kiu, mu ki bhange; kuma kua Jihova, Nzambi ietu, ki ku moneka kituxi, mba kusuua jipholo ja athu, mba kuẋikina maujitu.

Nehemiia 1:5

Ngixi; Ngana tata, u Nzambi ia diulu, Nzambi ia dikota, u kuatesa uoma! Uene mu bhaka o kikutu ni kulendukila ió oso a kuzola anga a bhaka o ijila ié;

Nehemiia 4:14

Eme-he ngixi suíin, o ki nga zubha kutonginina ioso, anga ngi balumuka, hé ngi tangela o jingana, ni afundixi, ni kifuxi kiamukuá; ngixi: Enu kana ku a kuata uoma; mu xinganeka ngó Ngana, muene Langala-ngongo, u kuata uoma, anga mu bhângela phange jenu, ni anʼenu, ni akajʼenu ni jinzo jenu.

Nehemiia 9:32

O kiki-phe, eie u Nzambi ietu, eie u Nzambi Ionéne, Nzambi ia kutena, u kuatesa uoma, u bhaka o kikutu ni ufiiele uoso, hé ujiza ni kubhanga o mbote, kumone kutola o dilamba dioso lelu dia tu kuata etu, ni jisobha jetu, ni ilamba ietu, ni jinganga jetu, ni misesedi, ni jitata jetu, ni kifuxi kié kioso, tunde mu izuua ia jisobha ja Asídia, katé mu kizuua kia lelu.

Jobe 34:19

Kuambe dingi ió kene ni kubhanga katungu ka uthu ua ilamba, mba mvuama u beta ku mu bhana ujitu, o jingadiama nʼa kala ndenge; kuma enʼoso kikalakalu kia maku mê.

Jisálamu 99:3

A ximane dijina diê, dia jingi, di kuata uoma; kuma Muene u kôla.

Makatukilu 23:8

Kana kutambula kitadi kia ku ku bhomba, kuma kitadi ki bheka ufuófo ku akua mesu; ki bheka kuila, o maka a ió uaiuka, ela mu kubhengalala.

Izaía 37:16

Jihova dia Ilômbo Ieta, u Nzambi ia Izalaiele, ua tunga muʼaxaxi ka jixelubí, eie-muène ngó u Nzambi, Eiemuène ngó ubheka ué, uavu mautuminu moso mu ngongo; eie ua bhanga o diulu nʼoxi.

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Jelemiia 20:11

Maji-phe o Jihova uala ni eme, mukua ni dizonda dia manekena ita; kienhiki, o ió a ngi langata, a-nda ku di bhukana, ka-nda kutena kutolola; sonhi ja-nda ku a kuata kinéne; mukonda ka bhange ima ia kubhanduluka, a xikamena jisonhi ji nagenena ki ji xikina ku ji jimba.

Jelemiia 32:18

Eie jihenda jé uene muji kuatela jimidi ja vulu, anga u vutuila phonzo ia jitata bhu nzemba ia anʼâ anda ku a bhingana ene; Kutende! Nzambi ia kutena! Ua bhingi dijina diê muene Jihova dia Ilombo Ieta.

Daniiele 11:36

O sobha-phe ienhiʼii ua kà bhanga kioso ki mu tuma o vondadi iê; ua kà balumuka, anga u di kudisa ku thanduʼa nzambi joso; o Nzambi ia jinzambi joso ua kà âmba muene ue ima ia isunji ni madiuanu, ki kuiza kima! Inda muene-ku uia ni kubhanduluka dingi, katé kia kʼèla njinda ia Nzambi ia tenena ia suku; kuma, kioso kia tanga Nzambi, ki bhita muene.

Daniiele 2:45

Kiene ki ua muena kuila ku mulundu kua bamuka ditadi, maji ki maku ma di bamuna, dieneʼdi dia sasujula o felu, ni ngôndo, ni utuma, ni phalata, ni ulu, Nzambi, Kutende uadimuna sobha, phala ku kuijidisa ima ioso hádia ia-nda kuiza ku pholo ki zubha kubhita iosuʼiii; o nzoji ia kidi, o dijimbuluilu diê dia kidi.

Daniiele 2:47

Sobha anga ukumbulula Daniiele, uixi: Kia kidi kiene, Nzambi ienu muene Nzambi ia jinzambi, muene Ngana ia jisobha; muene ue o mukua kutukulula ni kujingununa o ijinganu; mukonda o kijinganuʼiki eie ua ki lende muene o ku ki tetulula.

Marku 12:14

O kia zubha kutula, exi: Mesene, etu tua kuijiia kuila u mukua kidi, ku lenge muthu uoso-uoso. Mukonda eie ku suu jipholo ja athu, u longa kidi o njila ia Nzambi. O kiki tu tangele hanji: Tua tokala kubhana lubhaku lua Sézalu, inga kana? Tu lu bhana, inga ki tu lu bhana?

Jipoxolo 10:34

Phetele anga u kuata kuzuela, uixi: Kia kidi kiene, nga mono kuma Nzambi kene ni kathombo ka athu.

Loma 2:11

Mukonda kua Nzambi ki kuene katungu ka athu.

Ngalásia 2:6

O ió-phe oso a fumana ku uadiakime, (hé a dianga, eme ki kia ngi kuatela kima kuma Nzambi kene ni katungu ka athu)—enʼió a fumana, ka ngi bandekezele kima kiengi kia ubhe.

Efezo 6:9

Enu uenu mu jingana, ima iene imoxi i mu bhanga o abhikʼ enu, kana kuia ni ku a kusa. Kuma mua kʼ ijiia kuila ku diulu sai-ku Ngana iâ, muene ue Ngana ienu, o muène kene ni katungu ka athu.

Matendelelu 1:17

O ki mu fundisa ki mu suue muthu; ua tolo mu muivua, o ua kulu mu mu ivua; ki bhu kale pholo i mi kuatesa uoma, kuma o kubatula milonga kima kia Nzambi; maji se bhu kala mulonga ua mi bhônzo, muiza-na-u kokuami, eme anga ngi uʼívua.

Matendelelu 16:19

Kana kudiodia dimanda; kana kubhanga katungu ka athu; kana kutambula kitadi kia diminhinu, mba kima kioso-kioso kia ku ku bhomba, kuma o kitadi kia diminhinu ki bheka ufofo ku akua mesu; kiselula uanji ua oso ejidile kutetulula mu kidi.

Matendelelu 24:17

Diba dia tokala kulungisa nzuángiza mba monʼa difundu, kana ku mu diodia na-diu hé u di lungulula; kana kutambula izuatu ia mutudi ua muhatu mu kikunji.

Matendelelu 27:25

Lamba dia ió uoso utambula nganhu phala kujibha muthu ua kambe kikuma. Mundu uoso-phe a kèla: Amén!

Matendelelu 7:21

Ku kale-phe ni u ô ma, anga u teketa mukonda dia ene, mbata o Jihova Nzambi ié uala muʼaxaxi ké, muene Nzambi ia dikota, u kuata uoma!

Kolose 3:25

Uoso-phe u bhanga phulu, ua kà tambula dingi kia fuama mu phulu iê ia bhange. Mukonda athu oso Nzambi u a fundisa kiene kimoxi, mbata kuene kana-ku katungu kʼathu.

I Timote 6:15

Mukonda Nzambi bhu thembu iê ioso ia mono, ua kà bhitisa imʼiii, Nzambi mukua mbote, muène ubheka uê, Diama, Sobha ia jisobha, Ngana ia jingana.

Josuué 22:22

Nzambi ia jinzambi, Muteni-a-Ioso, Jihova, ua kʼijiia; Nzambi ia jinzambi, Muteni-a-Ioso, Jihova muene a tume ku kʼijiia, ni Izalaiele ki mu tetulukile muene; se o ki tua bhangʼiki, kukituka kua tu bhangesa-kiu, mba kutulumbila Jihova kua tu kuata, ka tu ehele kukola muenhu lelu!

I Phetele 1:17

Se muedi mu hingila Nzambi, kuma Tata, mukua kufundisa oso sé ngó kathômbo ka athu, kala muthu kia tokala mu ikalakalu iê, thembu ioso i muala kunu mu inhunginu, mu enda ni uôma uê.

Dijingunuinu 17:14

Enhá a kà lua ita ni Kambudi, maji o Kambudi-phe ua kà a tolola, kuma muène Ngana ia jingana, Sobha ia jisobha. Muène ua kà a tolola kumoxi ni athuʼê ió ene ku mu nhenganana, ió a exana, a a tungula, o jifiiele.

Dijingunuinu 19:16

Ku kizuatu kiê, bhu ditabela, kuosoneke dijina, exi: Sobha ia jisobha, Ngana ia jingana.