Matendelelu 10:12 - O Mikanda Ikola

¹² Kiki-phe, eie u Izalaiele, ihi ia ku xindi Jihova Nzambi ié, oko ua ku edi ngó, uixi: Xila Jihova Nzambi ié, enda mu ikoka iê-muène, mu zole, enda jinga ni kusedivila Jihova Nzambi ié ni muxima ué uoso, ni muenhu ué uoso,

Matendelelu 10:12 ပူးပေါင်းရင်းမြစ်များ

I Jisobha 3:3

Solomá anga u zola Jihova, u kala mu kuenda mu ijila ia tatʼâ Davidi; inda kima kimoxi ngó; u kala mu satela ku matala, ni kuohela-ku o fumasa ia dizumba.

II Jisobha 10:31

Maji o Jehu-phe, ku kala ni muanu ua kuenda ni muxima uê uoso mu ngonge ia Jihova, Nzambi ia Izalaiele, ua ki tokoka, o ku di batuka ue ni ituxi ia Jelobouamu ua bhangesele Izalaiele o ku ta ituxi, ua ki lémbua.

II Jisobha 18:3

Iú ua bhanga jinga ima ia iuka bhu pholo ia Jihova, kala kioso kia i bhanga jinga Davidi, dia tatʼâ.

II Jisobha 18:6

Mukonda ua di-bande kua Jihova, o kuene ka tundu-ku dingi, iu uaiuka jinga o ijila ioso ia bhele (Jihova) kua Mozé.

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

II Malunda 15:12

Hé a bokona mu kikutu kia kusota Jihova, Nzambi ia jitata jâ, ni muẋima uâ uoso, ni muenhu uâ uoso.

Jobe 36:11

O kia muʼivua hé a mu bhikila, o izuua iâ a kà i zubhila mu kuzediua, o mivu iâ ia kà bhua ni mbote.

Jisálamu 119:2

A lungu ió aiuka o umbangi uê, a mu u sota muene ni muẋima uoso.

Jisálamu 128:1

Ua zediua o muthu ió uoso ua kuata uoma ua Jihova, mukua kuenda jinga mu ʼnjila jê.

Jisálamu 145:20

O Jihova u langa oso a mu zola; iá-phe a bhukumuka hádia u a buikisa.

Jisálamu 18:1

Eme ngi ku zola ni muẋima uoso, eie u Jihova, u nguzu iami.

Jisálamu 34:9

Jihova mu kuatedienu uoma, enu mu athuʼê ósole; ki kuene kubhindama kua iá a kala ni uoma uê.

Jisálamu 81:13

Uaué! Tamano o mundu uami a ẋikinine ku ngʼívua! tamano Izalaiele uendele mu njila jami!

Jisálamu 81:14

Kindala muene ngeje kutolola o jinguma jâ, lukuaku luami lueje ku a bhângela mu jimvunda ni jinguma jâ.

Makatukilu 23:25

Enu-phe mua kà bhikila ngoho Jihova Nzambi ienu, o muene-phe anga u ta o kizediuise kiê ku mbolo ienu, ni ku menha enu; o mahaxi muʼaxaxe kenu ngi a katula-mu.

Ndongixi 12:13

Ku ioso i uene mu kuívua, zubhilu diê dienhidi: Xila Nzambi, u aluke o ijila iê, mukonda kiene kia fuama athu oso ku ki bhanga.

Izekiiele 11:20

Mbhebhu aie ni kuenda mu jingonge jami, ni alunde o mabatuilu mami, nʼende ni ku a bhanga; ene hé a kà kala kiá mundu uami, eme ngi kala ngi Nzambi iâ.

Mikeia 6:8

Muene ka kuambela kiá, eie u muthu ua-kimi, kioso kia uabha, kia fuama, kia solo Ngana kuma kiene ki u bhanga, kuila ubhanga jinga kuiuka ni kubatula mu kidi, uzola kubhanga o mbote, ukala jinga mu kuenda bhu pholo ia Nzambi ié ni ku di tululula?

Sofoniia 3:9

Kuma kienhokio-phe ifuẋi ioso nga kà i bhana mizumbu ia zele, phala ene oso a tene ku hingila o dijina dia Jihova, phala ene oso a mu bhikile ni muẋima umoxi.

Matesu 22:37

Jezú ua mu vutuila, uixi: Zola Ngana, Nzambi iê, ni muẋima ué uoso, ni muenhu ué uoso, ni kilunji kié kioso.

Luka 10:27

Muéne u vutula, uixi: Zola Ngana Nzambi ié, ni muẋima ué uoso, ni muenhu ué uoso, ni nguzu ié ioso, ni kilunji kié kioso. O mukuenu u mu zola, kala ki ua di zola eiʼmuène.

Luka 11:42

Lamba dienu-phe, mu jifalizeu! Mukonda enu Nzambi mu mu futa o dijimu dia kizaka, ni dia sabhola, ni dia tu-idima tuoso, o kufundisa-phe, mu kidi, ni henda ia Nzambi, mua i xé bhoxi. Mua fuamene kuila o iíi mu i bhanga, o ioio-phe ue ki mu i xi dingi.

Jipoxolo 9:31

Uila kiki o Ngeleja mu Judeia, ni mu Ngalileia, ni mu Samádia, anga i kala ku paze, i di tunga; i enda mu uôma ua Ngana, ni mu kutululuka kua Nzumbi Ikôla, anga i sokoloka.

Loma 1:9

Mbata, o Nzambi ngene ku mu bheza ni muẋima uami uoso, mu kutula o Njimbu Iambote ia tokala Monʼ ê, uala mbangi iami kuila nga zuela kidi. Ngana Nzambi ua kʼijiia kuila izuua ioso ngene ku mi lembalala,

Loma 8:28

Kuma tua kʼ ijiia kuila mu ima ioso Nzambi u kalakala mu kubhanga o mbote kua iá oso a mu zola, oso kiá a exana mu vondadi ia muène.

Matendelelu 10:11

Maji-phe Jihova ua ngʼambela, uixi: Balumuka, u te makanda mu njila, u tuamenene o povo iii, nda abokone, avue oxi i nga lokela kubhana ku jitata jâ.

Matendelelu 10:13

nda u bhake ijiia ia Jihova, ni jingonge jê, ji ngala ku ku tendelela lelu, phala kubhanduluka kué eʼmuène?

Matendelelu 11:1

Zola-phe Jihova Nzambi ié, ukuate kualuka ni muanu o ima ioso ia ku tendelela, ni ijiia iê, ni mabatuilu mê, ni jingonge, ni itumu iê, izuua ioso.

Matendelelu 11:13

Kia kà kala kiki-phe kuila, se mu kuata muanu ua kutumaka ijiia iami i ngala ku mi bhana lelu iii, ia kuzola Jihova Nzambi ienu, ni ku mu sedivila ni muxima uenu uoso ni muenhu uenu uoso,

Matendelelu 26:16

Bhu kumbi dia leluʼabha Jihova Nzambi ié ua ku tumu ku kumbidila o jingonge jiji ni mabatuilu iá; lunda-ju-phe, uende muene ni ku ji bhanga, ni muxima ué uoso ni muenhu hé uoso.

Matendelelu 27:10

Kala kiki, enda ni kutumaka jinga o dízui dia Jihova Nzambi ié, o ijiia enda ni ku i kumbidila jinga, ni jingonge joso, ji ngala ku ku tendelela lelu.

Matendelelu 30:16

Kuma ngala ku ku tendelela lelu, ngixi: Zola Jihova Nzambi ié, endela mu ikoka iê, ijiia iê bhaka-iu kiambote, ni jingonge jê, ni mabatuilu mê; se kiene ki u bhanga, u kala ni muenhu, u di sokolola u kala u munéne; o Jihova Nzambi ié ua-nda ku ku zediuisa mu ixi i ua-nda kubokona mu ku i vua.

Matendelelu 30:20

Kale-phe u zola Jihova Nzambi ié, u bhana mátui ku dízui diê, uenda ni ku mu naminina ngó Muene; mukonda kuala o kulaia kué; kuene kuala o divula dia izuua ié; nda u tene kutunga ni kuxalela mʼoxi ia lokela Jihova ku i bhana jitata jé Mbalahamu, ni Izake, ni Jakobo.

Matendelelu 4:29

Kienhokio-phe, kuenhoko ua kà sota Jihova Nzambi ié, anga u mu sanga, se u mu sota ni muxima uê uoso ua muvimba, ni muenhu uê uoso ua muvimba.

Matendelelu 5:29

Uaué, taté! tamanu akala ni muxima uenhó, ua ku ngi xila, nu kuate kualuka o ijiia iami ioso, ku makumbi moso! phala a tunge a some, a mone mbote ni ene ni anʼâ, ku mivu ni mivu ki iene kúbhua!

Matendelelu 5:33

Muendela mu njila ioso ia mi tumu Jihova Nzambi ienu, nda mu kole muenhu, mu bhanduluke kiasoko, o izuua ienu i vule mʼoxi i mua-nda kúvua.

Matendelelu 6:13

Enda ni kuxila jinga Jihova Nzambi ié, muene ngó u mu sedivila; o ki ki ku bhinga kuloka, kale ulokela ngó mu dijina dia Jihova.

Matendelelu 6:2

Mbé u kuate kuxila Jihova Nzambi ié, ni kualuka o jingonge ni ijiia iê ioso, i ngala ku ku tendelela, eie, ni monʼé ni mululu ni mulaulʼé, izuua ié ioso i ukala ni muenhu; o mu ku ki bhanga-phe ua kà laia izuua iavulu.

Matendelelu 6:24

O Jihova-phe iú ua tu tendelela kuila tua tokala tu kumbidila jinga o jingonge jiji, ni tu kuata kuxila Jihova Nzambi ietu, phala o kubhanduluka kuetu ku nangenene, nda a tu bhane muenhu, kala ki tuala leluʼiki.

Matendelelu 6:5

Zola-phe Jihova Nzambi ié ni muxima ué uoso, ni muenhu ué uoso, ni nguzu ié ioso.

I Timote 1:5

Mutendelelu iú-phe, mahezuʼê o henda i tunda mu muẋima uazele, ni mu kitongoluelu kiambote, ni mu kuxikana kua kidi ki kua kudibhangesa.

Jihebeleu 12:28

Uila kiki, tu kalienu ni kisakidilu, mukonda tua tambula Utuminu ki u tena kutunguta. Tu kalienu ni kisakidilu ki tu bhekela kubheza Nzambi kala kioso kia mu uabhela, ni ujitu ni uoma.

Josuué 22:5

Kima kimoxi-phe, kia mi fuama: kuatenu muanu ua kualuka kiambote o ngonge ni kitumu kia mi lekelela Mozé, ngunza ia Jihova; uixi; Zolenu Jihova Nzambi ienu, mu endele jinge mu jinjila jê muene, jingonge jê mu ji lange, mu zuame kua Muene, mu kuate jinge ku mu bhikila ni muẋima uenu uoso ni muenhu uenu uoso.

Josuué 24:14

Kiki-phe Jihova mu kuatedienu uoma, muende ni ku mu bhikila ni muẋima ua tenena ni kidi. Texenu o mahamba oso a xingidisa jinga o jitata jenu mu sámbua dia ngiji ia Ufalate ni ku Ijitu, nda mu bhikile Jihova.

I Nzuá 2:15

Kana kuzola o mundu, mba o ima iene ku mundu. Kuma enu se mu zola o mundu, Nzambi Tata ki mua mu zolo.

I Nzuá 5:5

Nanhi u tena kutolola o mundu? Kikale uoso ngó ua xikana kuma Jezú Monʼa Nzambi.

I Samuuele 12:20

Samuuele-phe u ambela o mundu, uixi: Ki mu kale ni uoma. Mua bhange kiá kiaiibha, kidi muene; kana-phe dingi kuabhuka mu kukaiela Jihova, bhikilenu kiá Jihova ni muẋima uenu uoso.