Matendelelu 1:7 - O Mikanda Ikola

⁷ Bilukenu, mu katuke, muie ku mulundu ua akua Mamodi, ni oso a zukama kuenhoko ni ku kiphenza, ni ku mulundu, ni mu dikôlo muná ni ku sulu, ni ku Nengabe ku mbanduʼa musanza, mʼoxi ia Kanana, ni ku Libano, katé kiá ku ngiji iadikota ia Ufâlate.

Matendelelu 1:7 ပူးပေါင်းရင်းမြစ်များ

Dimatekenu 12:9

Mbalamu anga u kuata dingi mu kuenda, u lunga ku mikáu ia sulu (ku Nengebe).

II Samuuele 8:3

Davidi anga u beta ue Hadadezele, monʼa Lehobo, sobha ia Zoba, kia sotele kusambukisa utuminu uê katé ku ngiji ia Eufalate.

I Malunda 18:3

Davidi ue ua jibha Hadale-Ezele, sobha ia Zoba, bhu mbandu ia Hamate, kioso muene kia mu-ia mu kuatesa dingi o ungana ua utuminu uê ku honga ia Eufalate.

I Malunda 27:29

O ku jingombe ja dila jinga mu makèla ku milundu ia Salone, a tele-ku Sitalai, mukua Salone. O ku jingombe ja dila jinga mu ibonda, Safate dia monʼ a Adalai.

I Malunda 5:9

Uatungu ue ku mbandu ia thunda, bhu kididi kia kukutukila mu kikangalakata, tunde ku ngiji ia Eufalate. Mukonda o ibhaku iê ia divualele kiavulu mu ixi ia Ngiliiade.

Makatukilu 23:31

Ngi ta mbambe ienu tunde mu Kalunga Kakusuka katé mu Kalunga ka akua Fidíxia, tunde mu kikangalakata katé mu honga ia Eufalate; mbata akuaʼxi ioso a tungu mumu, ngʼa a bhakula bhu maku menu, phala enu-phe muende ni ku a kaia katé kia bhua-mu.

Amoji 2:9

Sumbala kiene, eme o mamodi nga a jikinisa bhu pholo iâ ene, athu a bhingile o kulebha mukuâ ni muẋi ua musédulu ua Libano, o ku nguzu mukuâ ni mukaluvádiu; maji-phe, o ibundu iê ku thandu nga i jimisa, ni jindanji jê bhoxi.

Dialuilu 10:12

Anʼa Izalaiele anga a katuka mu kikangalakata kia Sinai, enda ku kibuka-kibuka, katé dituta dia tula mu kikangalakata kia Palane.

Matendelelu 1:19

Kiene kiua ki tua katuka, mu kutunda ku Holebe, anga tuhuha kikangalakata kiosuʼokio ki mua di muena enu-enu; tua bhitila ku milundu ia akua Mamodi, kala kia tu tumina Jihova, Nzambi ietu; anga tu bhiẋila bhu Kadexe-Baneia.

Matendelelu 11:11

Maji Oxi i mua-nda kuvuʼiii ixi ia milundu ni makôlo; menha ê u mu nua, mvula iê i tunda ku diulu kuene,

Matendelelu 11:24

Kididi kioso kiá ki diata o kànda dienu dia kinama, kikala kiá kienu; tunde kiá ku kikangalakataʼoko ni ku Libano, tunde ku honga ia Eufalate, katé ku musanza ua luiji ku mbandu ia mufuila-kumbi iene kiá ikala o mbambe ienu.

Josuué 1:4

Tunde ku kikangalakata, ni ku mulundu ua Libano, katé ku ngiji ia dikota ia Ufalate, ixi ioso ia Mahiti, katé ku musanza ua kalunga ku mbandu i fuila dikumbi, kuene ku mbambe ienu.

Josuué 10:40

Kala kiki, Josuué oxi iosuʼoio ua i tolola ni mu milundu, ni oxi ioso ia sulu, ni mu iphenza, ni mu jihonga ja menha, ni jisobha jê, buí; ka xisa-ku kima ki subhuka ni muenhu; inda ima ioso ibhuima ua i jikinisa muene, kala kia mu tumu Jihova Nzambi ia Izalaiele.

Josuué 24:15

Maji-phe, se kia mi ibhila ku mesu menu o kubhikila Jihova, leluʼidi-phe Solenu kiá uoso mua fuama o ku mu bhikila: se muedi mu xingidisa o mahamba a xingidisa jinga o jitata jenu kia kexi mu sámbua dia ngiji ia Ufalate, mba-phe mu xingidisa o mahamba ma akua Mamodi avu o ixi iii mu mua tungʼumu, enu kiá! Maji eme-phe ni dibhata diami, tu bhikila Jihova.

Josuué 9:1

Anga kibhita kiki, jisobha joso ja kexi ku sámbua kunu dia Njolodá, ku mulundu, ni mu jingânga, ni ku kibumu kioso kia musanza uónene ua kalunga bhu dilulamenu dia Libano, ni Mahiti, ni Mamodi, ni Makanana ni Mapelezi, ni Mahivi, ni Majebuzi, kia zubha ku kʼivua,

Dijingunuinu 9:14

Dízui hé di ambela anju ia kuata o koloneta ia kasamanu, dixi: Jituna o anju jiuana ja kuikila mu honga bhu mbandu ia ngiji ia dikota ia Eufalate!