Matendelelu 1:38 - O Mikanda Ikola

³⁸ Josuué, monʼa Nune, uala kunanga bhu pholo ié, muene ua kà bokona-mu; mu suinise-phe muene, kuma muene ua-nda kua kà i lunduisa Izalaiele.

Matendelelu 1:38 ပူးပေါင်းရင်းမြစ်များ

Makatukilu 24:13

Mozé anga u balumuka bhenhobho, ni dikuenze diê Josuué, uene ku mu xibhidila; o Mozé kia mu banda mu mulundu kua Nzambi,

Makatukilu 33:11

Jihova anga u kala mu zuela ni Mozé, pholo ni pholo kala muthu uoso-uoso kia zuela ni kamba diê. Anga u vutuka kuia ku kibangu; maji o dikuenze diê-phe, Josuué, monʼa Nune, munzangala, ka kexile mu tunda-mu mu balaka.

Jisabhu 22:29

Eie ua mono muthu uala ni makidikidi mu kikalakalu kiê? Muenhó-phe hinu a-nda ku mu xikika bhu pholo ia jingana; ka tena ku mu tula ngó bhuamoxi ni athu ió a sebhuluka.

Jelemiia 40:10

Eme-phe nga tungu bhenhabha bhu Mixpa, nda ngi di lunge ni akua Kaldeia oso eza kokuetu; enu-phe endenu ni kubhongolola o vinhu, ni ibundu ia musonoko ua mvula, ni maji, mu i te mu itabhu ienu, nda mu tunge mu jimbonge joso ji mua bhundu.

Dialuilu 13:16

Enʼiá o majina a mala a a katula kuala Mozé mu kulonda ixi. Hoxeia dia Nune, Mozé anga u muixana Josuué.

Dialuilu 13:8

Ku muiji ua Ifalaíme, Hoxeia dia Nune.

Dialuilu 14:30

kidi muene, ki mua kà bokona dingi mʼoxi i nga lokela, ngixi: Ngi mi tungisa momo; kale ngó Kalebe dia Jefune ni Josuué dia Nune.

Dialuilu 14:38

Inda-phe Josuué dia Nune, ni Kalebe dia Jefune ene ngó a xala ni muenhu ku mala oso ele mu londa ixi.

Dialuilu 26:65

Mukonda Jihova ua ki ambele, uixi: Enhá kidi muene a kà fuila mu kikangalakata. Ni muthu ngó ka subhuka-ku, kale ngó Kalebe dia Jefune ni Josuué dia Nune; ene ngó a subhuka.

Dialuilu 34:17

Majina, enhá, a athu a tokala ku mi uanena ixi ia undundu uenu. Nganga Eleazale, ni Josuué dia Nune.

Matendelelu 3:28

Longesa-phe kiambote Josuué, mu suinise, mu kolokotese; mukonda muene ua-nda kutuamenena o mundu iú, ni ku u lunduisa oxi i ua-nda ku kengelelʼii.

Matendelelu 31:14

Jihova anga uambela Mozé, uixi: Talesa, izuua ié ia ku-bhu, kuma ia zukama kiá ku dizubhilu phala kufuʼé kiá. Ixana-phe Josuué, mu ize mu balaka ia kutakanena, nda ngi mu tendelele. Kienhókio ni Mozé ni Josuué aia mu balaka ia kutakanena, bhu pholo ia Jihova.

Matendelelu 31:23

Anga Jihova uambela Josuué, monʼa Nune, uixi: Kala u kindanda, u kole kiambote o muxima! Mbata eie ua-nda kubokuesa anʼa Izalaiele mʼoxi i nga a lokela Eme-muène nga-nda ku kala jinga nʼeie kumoxi.

Josuué 1:1

Kiki-phe Mozé, ngunza ia Jihova, kia zubha kúfua, Jihova u zuelesa Josuué dia Nune, mukalakadi ua Mozé, uixi:

Josuué 11:23

Kienhiki-phe, Josuué oxi ioso iii ua i tambula; kia bhiti muene kala kioso kia tangele Jihova kua Mozé; Josuué iu ua i bhana anʼa Izalaiele mu ubhinganu, ku jimbambe-jimbambe, ni ku miji-miji. Oxi hé i zumbuka kiua o ku dílua ita.

I Samuuele 16:22

Saúlo anga u tuma kuambela Jese, uixi: Nga ku diondo, Davidi a xale kunu bhu pholo iami, kuma ua ngi uabhela muene.