Matendelelu 1:37 - O Mikanda Ikola

³⁷ Jihova bhenbhobho ua di vunza ue nʼeme, mukonda-phe dienuʼenu, uixi: Eie ue (u Mozé) mʼoxiʼomo kua ká bokona-mu.

Matendelelu 1:37 ပူးပေါင်းရင်းမြစ်များ

Dialuilu 20:12

Maji o Jihova uambela Mozé ni Alá, uixi; Tala, mukonda mua kambe ku ngi xikana eme, phala ku ngi kôlesa bhu mesu ma anʼa Izalaiele, mukonda dia kienhiki ki mua-nda kubokuesa dingi o kilombo kiki mu ixi i nga a bhana.

Dialuilu 27:18

Jihova anga u ambela Mozé, uixi: Kuata Josuué dia Nune, diiala uala ni Nzumbi moxi diê, u mu tule lukuaku lué ku thandu;

Matendelelu 3:27

Banda ngó ku thala dia mulundu ua Piska u zambule mesu mé ku luiji, ni ku suku ni ku sulu ni ku thunda, ioso u i tale ngó ni mesu mé, mbata eie o Njolodá ku tené ku mu zaúka.

Matendelelu 3:28

Longesa-phe kiambote Josuué, mu suinise, mu kolokotese; mukonda muene ua-nda kutuamenena o mundu iú, ni ku u lunduisa oxi i ua-nda ku kengelelʼii.

Matendelelu 31:2

uixi: Lelu nga tenesa kiá hamʼa mivu ni makuinhi aiadi. Ki nga-nda kutena dingi kuila ngi tunda ngi bokona. Katu-ku dia kienhiki, Jihova muene ue ua ngʼedi, uixi: Njolodá ku tenʼê ku mu zaúka dingi.

Matendelelu 32:52

Mukonda dia kienhiki, oxi ia ku kala ku pholo, i nga-nda ku bhana anʼa Izalaiele, u i mona muene mu kanga iná, maji ku tené kua kà bokona-mu.

Matendelelu 34:4

Jihova anga u mu ambela, uixi: Iii iene o ixi i nga lokela Mbalahamuʼii, ni Izake, ni Jakobo, kuila: Nga-nda ku i bhana o mbutu ié. Nga ku londekeza-iu-phe phala u i mone ngó ni mesu mé, maji kua-nda kubokona-mu.

Matendelelu 4:21

Eme ue Jihova ua ngi thathamena, mukonda dia uzuelelu uenu, anga uloka uixi: Eie ue Njolodá kutena ku mu záuka, oxi iauabha ia-nda ku ku bhana Jihova Nzambi ienu mu ubhinganu, eme ki nga-nda kubokona-mu.

Matendelelu 4:22

Mbata eme nga-nda fuila kiá mʼoxi iii, o Njolodá ki nga-nda ku mu záuka dingi; enu-phe mua-nda ku mu záuka, o ixi ia uabhʼoio mua-nda ku ivua muene.