Matendelelu 1:30 - O Mikanda Ikola

³⁰ Jihova Nzambi ienu, uoso ua-nda ku mi tuamenena, muene ua-nda ku mi bhangela o mvunda, kala kia mi bhange mu ima ioso ia bhange kiá, ki mua di muena ku mesuʼenu mu Ijito;

Matendelelu 1:30 ပူးပေါင်းရင်းမြစ်များ

II Malunda 32:8

Muene uala ni lukuaku lua xitu, etu-phe tuala-nê, muene Jihova, Nzambi ietu, phala o ku tu kuatekesa ni ku tu luila o ita ietu. O mundu anga a tululuka kievu maka ma Ezekiia, sobha ia Juda.

Nehemiia 4:14

Eme-he ngixi suíin, o ki nga zubha kutonginina ioso, anga ngi balumuka, hé ngi tangela o jingana, ni afundixi, ni kifuxi kiamukuá; ngixi: Enu kana ku a kuata uoma; mu xinganeka ngó Ngana, muene Langala-ngongo, u kuata uoma, anga mu bhângela phange jenu, ni anʼenu, ni akajʼenu ni jinzo jenu.

Nehemiia 4:20

Bhu kididi bhuoso bhu muivuila mbungu ia xiki, bhene bhu tu di bhongoluela; o Nzambi ietu muene ua kà tu bhângela o mvunda.

Jisálamu 46:11

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Makatukilu 10:21

Jihova anga u ambela Mozé, uixi: Sunununa lukuaku lué, u lu talese mu diulu, phala kuize kitombe mʼoxi ioso ia Ijitu, kitombe kia kuila ni ku maku u ki babata.

Makatukilu 14:14

Jihova muene ua-nda ku mi bhangela, enu di xibhienu ngó.

Makatukilu 14:25

Anga u mbonjomona o malola ku makalu mâ, katé aia ni ku a kukila bhoxi, akua Ijitu anga a zuela, exi: Tu lengienu o pholo ia Izalaiele; kuma Jihova uala ku a bhangela, iú u a mu bhondeleka akua Ijitu.

Makatukilu 19:4

Mua mono ioso i nga bhange kua akua Ijitu, enu nga mi ambata kala ku mabhabha a holokoko, eme nga mi bhiẋidisa kokuami.

Loma 8:31

O kiki-phe, imʼ iii tu ila kiebhi? Nzambi se uala ku mbandu ietu, nanhi u tena ku tu tolola?

Loma 8:37

Né ngo! Mu ima ioso íii tuala tu atolodi, maji atolodi ndenge, mu nguzu ia Ió uoso ua tu zola!

Matendelelu 1:29

Eme ngixi: Ki mu tale hadi, enhó kʼathu a ku a kuatela uoma.

Matendelelu 11:3

Nuka amuene o ijimbuete iê ionéne ni ikalakalu ia madiuanu ia bhange muʼaxaxi ka Ijito, kua Falaó, sobha ia Ijito, ni oxi iê ioso;

Matendelelu 29:2

Mozé anga uixana Izalaiele ioso, u a ambela uixi: Mua di muena kioso kia bhange Jihova mʼoxi ia Ijitu, ku mesu menu, kua Falaó, ni ku jiselevende jê joso, ni mʼoxi iê ioso.

Matendelelu 3:22

Kana ku a kala-phe ni uoma; mbata Jihova Nzambi ienu, muene ua kà mi luila o ita.

Matendelelu 31:3

O Jihova Nzambi ié muene ua-nda ku ku tuamenena ku pholo. O akua jixi jiji, iá muene ua-nda ku ku jikinisina-u, nda eie u vue oxi iâ. Josuué muene u ku kala ku pholo ia ku ku endesa, kala kiambe Jihova.

Matendelelu 34:11

Ki kuala ue dingi mukuá a soka-nê mba kukala u di fuangana-nê mu ijimbuete ni madiuanu, a mu bhele Jihova phala ku ma bhangela mʼoxi ia Ijito, kua Falaó, ni ku jiselevende jê joso, ni mʼoxi iê ioso;

Matendelelu 4:34

Inga kua kexi kiá Nzambi ua xikina o kutambula kifuẋi phala muene nuʼaxaxe ka athu engi, ni jipolova ni isuma, ni madiuanu, ni kúlua mvunda, ni lukuaku lua suina, lua sununuka, ni ima iavulu i kuatesa uoma kala ia bhange Jihova Nzambi ienu, ku mesuʼenu, mu Ijito?

Matendelelu 7:18

Kana, kua a kuatela ngó uoma, Lembalala kioso kia bhange Jihova Nzambi ié kua Falaó ni ku Ijito ioso.

Josuué 10:14

Né mʼokulu ki kua kexi luua kizuua kinana kala kiki, o ki kia bhiti ue kiluua dingi kukala kia mukuá, kia bhingi Jihova nʼa kʼévua kiókio dízui dia muthu; mbata Jihova ua kexi mu zokela Izalaiele.

Josuué 10:42

Jisobha josuʼojo Josuué ua ji kuatela-bhu kiá muene ni jixi jâ, mu kithangana kimoxi, mbata Jihova Nzambi ia Izalaiele muene ua kexi kuluila Izalaiele o ita.

Josuué 23:3

Enu-phe mua di muena kiá o ima ioso-lolo Jihova Nzambi ienu ia bhange ku ifuẋi iii, mu ku mi banda enu; mbata Jihova Nzambi ienu, muene ua mi luila o ita.