Matendelelu 1:28 - O Mikanda Ikola

²⁸ Tuia dingi kuebhi? Phange jetu ene a tu botomokesa o miẋima, exi: Athu ala koko a makota kulebha kuvula etu ndenge, a tu tundu; o jimbonge ue ja makota, imbaka iâ ia tuta muene ku maúlu. Exi dingi: Tua mono-ko ue o anʼa Anake, o mazonda.

Matendelelu 1:28 ပူးပေါင်းရင်းမြစ်များ

Dimatekenu 11:4

Exi: Ndokuenu, tu bhange mbonge, tu iudike ni kathôndo ka vula matala, ka tute ku diulu, tu fumane dijina; phala ki tu di muangene mu ngongo ioso.

Makatukilu 15:15

Mavunda a Idomo a diuana; mazonda a Mouabhe kua exa kìmbulambula; akuaʼaxi ia Kanana a botomoka.

Izaía 13:7

Kieneʼokio-phe o maku oso a kà botomoka, ni muẋima ua athu oso ua kà zonda.

Izekiiele 21:7

Anga kia kà bhita-phe kuila, kioso ene kia kuibhula, exi: Eie-phe ua mu di tudilaʼhi mienhu? Eie-phe ua ambela, kiki: Mukonda dia njimbu, mbata ia-nda kuiza muene; o miẋima ioso ia-nda kuambuka, o maku oso a kà bokotomoka, o mienhu ioso ia kʼèzala kikote, o phuma joso ja kà kituka menha; tala, imʼiii ia-nda kuiza hé ia kà bhita muene, Jihova ua ki tange.

Matendelelu 1:29

Eme ngixi: Ki mu tale hadi, enhó kʼathu a ku a kuatela uoma.

Matendelelu 2:10

(Adiangele kutunga-mu mu xahúlu o Mamimi, kifuẋi kiadikota, kia musoko-soko, alebha kala o anʼa Anake.

Matendelelu 20:20

Inda o miẋi ngó, ioso i uejiia kuma kʼene ku iʼdia, ioio kokela-iu bhoxi, u i jikinise; iene i u bhanga na-iu o imbaka ia kukonda o mbonge mu jimbandu katé eie ua i tolola.

Matendelelu 20:8

Jifixiiadi a kolokote muene ni kutendelela o kifuẋi ni kuibhula, kuamba: Mukuahi uene ni uoma, uala ni muxima ua botomoka? aie kiá, a vutukile ku bhata diê, tua lengesa kuila uavula kusambukisa akuá o muxima uê ua uoma, anga u botomokesa o muxima ua jiphange jê kala o uê-muène.

Matendelelu 7:17

Eie-phe, Izalaiele, o ki uila ma muxima ué uixi: O ifuẋi iii ia ngi tunda kiki mu kuvula, nga-nda ku i kaia kiebhi?

Josuué 11:22

Katé mu ixi ia anʼa Izalaiele ki mua subhukile kilebha, mukuá Anake, né ngó umoxi; a subhukile ngó mu Ngaza, ni mu Ngate ni mu Ajindode.

Josuué 14:8

Maji-phe, akuetu u ngele-nâ kumoxi, a bhangesa muẋima ua mundu kubotomoka; eme-phe nga jiji ni kukaiela Jihova Nzambi iami ni muẋima uami uoso.

Josuué 15:14

Kalebe-phe anga u kaia-mu ana kitatu a Anake, enhó: Sesai, ni Ahimane, ni Talamai, a a vuala kuala Anake.

Josuué 2:11

Tuedi tuívua ngó ima ioso iii, miẋima ia tu botomoka, kana-ku dingi diiala u tena kukola muxima bhu pholo ienu; kuma Jihova Nzambi ienu, muene Nzambi ni ku diulu ku thandu, ni mu ngongo bhoxi.

Josuué 2:24

Ambela Josuué, exi: O kutanga kidi, ixi ioso iii Jihova ua i bhana kiá bhu makuʼetu kuma akuaʼxi ene oso iá teketa kiá ni uoma mukonda dietu.

Josuué 2:9

anga u ambela mala, uixi: Eme ngejiia kuma, Jihova ua mi bhana muene ixi ienhiʼii, tua bhuuama kiá ni uoma uenu, akuaʼxi ene oso a botomoka bhu pholo ienu.

Afundixi 1:10

Juda anga uia mu kúlua ue ni Makanana a tungu mu Hebolone (Hebolone-phe dijina diê mʼokulu Kidiata-Halaba); anga a beta Sesai, ni Ahimane, ni Talamai.

Afundixi 1:20

Hebolone anga a i bhana Kalebe, kala kia zuela Mozé; muene anga u kaia-mu ana atatu a Anake.