Matendelelu 1:27 - O Mikanda Ikola

²⁷ Mua kuata kungonga mu jibalaka jenu, muexi: Jihova ua tu bhange-kiu mukonda dia ku tu zemba, ua tu katula ku Ijito phala ku tu tula bhu maku ma akua Mamodi mbé nʼa tu buikisa.

Matendelelu 1:27 ပူးပေါင်းရင်းမြစ်များ

Jisálamu 106:25

A hina-hina ngó ni kulongolola mu jifundu jâ muala; o kuívua dízui dia Jihova, a ditunu.

Makatukilu 16:3

Anʼa Izalaiele anga a zuela kua ene, exi: Tamano tua fuile ku lukuaku lua Jihova, mʼoxi ia Ijitu, kioso ki tua kexile mu xikama bhu mbanduʼa jímbia ja xitu, anga tu dia o mbolo, hé tu i lémbua; enu-phe mua tu katula, enu mua tu bheka mu kikangalakatʼumu, phala kujibha o mundu uosʼú ni nzala.

Makatukilu 16:8

Mozé anga u kumbulula dingi, uixi: Mu ki mona, Jihova kianda ku mi bhana kúdia xitu mu ngoloxi, ki kukia anga mu dia mbolo katé muekuta; mukonda Jihova ua mʼivu o kuzuela kuenu, ku mua mu longolola na-ku muene. Mbata etu, etu akua-hi? Ki etu mua tu longolola, kuma mua longolola Jihova.

Dialuilu 14:3

Jihova ua tu bhekela-hi kʼoxi kunu, phala ni tu fuile ngó ku xibhata? Ni ahatuʼetu ni anʼetu nʼa di bhange mbole; manhi ki kota tu vutukila mu Ijitu?

Dialuilu 21:5

Kifuẋi anga a longolola Nzambi ni Mozé, exi: Mukonda diahi ua tu katula mu Ijitu, ni tu fuile ngó mu kikangalakatʼumu? Ki mu moneka mbolo, ki mu moneka menha; ima ia maná iii ia tu kumu!

Matesu 25:24

Mukuá ue, ua tambuile talendu imoxi, uiza, uixi: Ngana, eme nga kuʼijiia u muthu ua bhonzo! Bhuma kua kuu-bhu, bhene bhu u muna; o bhuma kua phaphe-bhu, bhene bhu u bhongolola.

Luka 19:21

Mbata nga ku kuatela uôma, mukonda eie u muthu uatema. U katula ku akuenu o kima ki kia ku tokala, u kanza bhuma kua kuinine-bhu idima.

Matendelelu 9:28

Mukonda kia-nda kubhangesa-phe, akua-jixi, ku ua tu takanʼoko, enda ni kuzuela, exi: Jihova ua lémbua ku a bhiẋidisa mʼoxi ia a tangelele, mbe muene ue ua di-kumu-nâ, iú ua a takana kunu phala ku a jibhila mu kikangalakata.