Matendelelu 1:19 - O Mikanda Ikola

¹⁹ Kiene kiua ki tua katuka, mu kutunda ku Holebe, anga tuhuha kikangalakata kiosuʼokio ki mua di muena enu-enu; tua bhitila ku milundu ia akua Mamodi, kala kia tu tumina Jihova, Nzambi ietu; anga tu bhiẋila bhu Kadexe-Baneia.

Matendelelu 1:19 ပူးပေါင်းရင်းမြစ်များ

Jelemiia 2:6

Alembua kuila: Jihova uala kuebhi, ua tu tundisa kʼoxi ia Ijitu? Iú ua tuʼendesa mu ixi ia kisekele, ixi ia manhana ni makungu, mu ixi ia kukuta ia kitombe kia kalunga, oxi kana muthu ua kexi kubhita-mu, mua bhingi monʼa muthu ka tena kutunga-mu?

Dialuilu 10:12

Anʼa Izalaiele anga a katuka mu kikangalakata kia Sinai, enda ku kibuka-kibuka, katé dituta dia tula mu kikangalakata kia Palane.

Dialuilu 13:13

Ku muiji ua Asele, Setulu dia Mikaiele.

Dialuilu 13:26

Anga a tula kua Mozé ni kua Alá, ni kilômbo kioso kia anʼa Izalaiele, mu kikangalakata kia Palane, bhu Kadexi; anga a tula njimbu, ni ku kilômbo kioso, a edikiza ibundu iaʼxi.

Dialuilu 14:14

akua-xi mumu a-nda ku a tangela-kiu. A kʼivu kiá kuma eie, Jihova, ua tungu muʼaxaxi ka kifuẋi kienhiki, a kʼivu ue kuma, eie Jihova, uala ku a tukulukila pholo ni pholo, dituta diê diemana ku thandu diâ, u mukua ku a tuamenena mu philadi ia dituta mu muanha, ni philadi ia túbhia mu usuku.

Dialuilu 32:8

Kiene ue kia bhangele jitata jenu, ki nga a katuile bhu Kadexi-Baneia mu kulonda ixi iii.

Matendelelu 1:2

Tunde bhu Holebe, mu njila ia kubhitila ku mulundu ua Seíle, katé bhu Kadexe-Baneia, bhuala kuinhi dia fundu ni imoxi.

Matendelelu 1:20

Ngixi-phe; Mua bhiẋila kiá ku milundu ia akua mamodi ia-nda ku tu bhana kuala Jihova Nzambi ietu.

Matendelelu 1:7

Bilukenu, mu katuke, muie ku mulundu ua akua Mamodi, ni oso a zukama kuenhoko ni ku kiphenza, ni ku mulundu, ni mu dikôlo muná ni ku sulu, ni ku Nengabe ku mbanduʼa musanza, mʼoxi ia Kanana, ni ku Libano, katé kiá ku ngiji iadikota ia Ufâlate.

Matendelelu 2:7

Kuma Jihova Nzambi ié ikalakalu ioso ia maku mé ua i zediuisa muene; muene ua kʼijiia kiambote kuila eie u ngenjiʼa-thumba uala kuenda mu kikangalakata kia dikotʼiki; o mu makuinhi auana a mivu oso iá, Jihova Nzambi ié ua ku bande muene, ki kuala kima kia ku kambe.

Matendelelu 32:10

Ua mu sange mʼoxi ia kikangalakata kiahatu, ixi ia kukuta ia ngene ni ngene, muala kubuza ngó iama! Ua mu ongeka, ua mu lange, hé u mu sasa mukuâ ni mona diesu.

Matendelelu 8:15

Kuma Muene ua mi endesa mu kikangalakata kiosuʼokio, kikangalakata kia dikota ki kuatesa uoma, kiezala jinhoka ja uama túbhia ku maju, ni jinvuanga, ixi ia kikaku, ia bhingi menha ka moneka, anga a ku katuila menha ku ndanji mu ditadi phala eie kúnua.

Josuué 10:41

Josuué ua andekela ku Kadexi-baneia ni ku a tolola kandú mu Ngaza; oxi ioso ue ia Ngozene, katé mu Ngibiione tulʼé.