Matendelelu 1:17 - O Mikanda Ikola

¹⁷ O ki mu fundisa ki mu suue muthu; ua tolo mu muivua, o ua kulu mu mu ivua; ki bhu kale pholo i mi kuatesa uoma, kuma o kubatula milonga kima kia Nzambi; maji se bhu kala mulonga ua mi bhônzo, muiza-na-u kokuami, eme anga ngi uʼívua.

Matendelelu 1:17 ပူးပေါင်းရင်းမြစ်များ

Dimatekenu 18:25

Lu ku suke, Ngana, ki ki bhite kuila u bhanga kima kala kiki, uila ni iá alungu ni iá abhukumuka u a jibhila kumoxi, kifua ni iá alungu ni iá abhukumuka, a soka? Ki ki ẋikina Ngana; Kifua Mufundixi u fundisa ioso mu ngongo, u lémbua kubatula mu kidi, hé u bhanga o kima kia kukamba kulûnga?

II Samuuele 14:14

Kuma etu oso tua bhingi kúfua, tua di fuangana ni menha kia ẋamuka bhoxi ka xikina dingi ku a omona. Nzambi ue kene kuandala muenhu u di bota; maji u sunga ilunji, phala muthu uê ua mu balakala kendelele.

II Malunda 19:5

Iú ua te afundixi mu ixi, mu jimbonge joso ja nguzu, mbonge ni mbonge.

II Malunda 19:6

Anga uambela afundixi, kuila: Talenu kiambote; ioso i mu bhanga kuma o kufundisa kuenu ki kua tundu ku muthu, maji kua tundu kua Jihova; o Muene-phe uala ni enu mu uenji uenʼiú ua kufundisa.

Jobe 31:34

Kuabhu-phe, eme ngi kale ni kimbulambula bhuezala o mundu ua dikota, o uoma ua ku ngi sebulula kuala o madiembu u ngi kuate, nda eme ngi di xibhe, ngi kambe ku tunda bhu muelu.

Jisálamu 82:2

Mu ki jijidila-hi o kufundisa ni mangonha, hé milonga mu i diodia mu kulungisa o isuéia?

Makatukilu 18:18

Anda ku ku bhuidisa kia vulu, ni eie muene ni mundu uene uala-nâ; kuma kimbamba kiki kiavulu phala eie ngó, ku ki tena ubheka ué.

Makatukilu 18:22

ene-phe a kale mu fundisa o mundu iú thembu joso. O maka a makota, a ku bhekela-nâ eie; maka ofele-phe, ene a a tetulule mudiâ; mu kubhanga kienhókio, ua-nda kubhebhulula o kimbamba kié, ene ni a ku kuatekese ku ki ambata.

Makatukilu 18:26

Anga enhá a kala mu fundisa o mundu mu thembu joso; maka abhonzo a a bheka kua Mozé, maka ofele-phe ene a a tetulula mudiâ.

Jisabhu 18:5

Ki kiauabha o kusuua kisuéia mu kufunda milonga, phala ku kundula o muthu ua iuka.

Jisabhu 24:23

Jiji ue jene o jisabhu ja jingijiie; exi: O kukala ni katungu ka athu bhu kibhuna kia kufundisa milonga, koko kuzanga.

Jisabhu 28:21

O kuxila athu mukonda ngó dia jipholo, ki kiauabha; kuma mukua katungu ka athu, ua soko-bho kuta kituxi, mukonda ngó dia kakibhasu ka mbolo.

Jisabhu 29:25

O kukala ni uoma ua muthu, ki di bhanga mubhetu u fuisa muthu; maji uoso u dielela kua Jihova, uala ditala dia di leka, ka mu tena.

Jelemiia 1:17

Eie-phe ndoko u di kute phonda mu mbunda, nda u balumuke u a tangele ioso i ngi ku tuma: kana ngó ku kala ni kekenha bhu pholo iâ, kuma eme nga kà bhangesa kuila eie kukala ni uoma bhu pholo iâ.

Ijila 19:15

Kana kufundisa ni mangonha; o ki mu fundisa kana kuzamena ngadiama, mba kusuua muthu uonéne; mukuenu mu batuile mulonga uê kala kia fuama mu kidi.

Malakiia 2:9

Kiene-phe uami kia ngi bhangesa ku mi sebulula ni ku mi sekalesa bhu pholo ia mundu uoso, mukonda jinjila jami mua ditunu ku jʼenda, maji, mu kukumbidila o kitumu, mua bhange katungu kʼathu.

Matesu 22:16

Anga a tumikisa kua muène jixibulu jâ, ni akua Helode, exi: Mesene, etu tuejiia kuma Eie u mukua kidi, u longa njila ia Nzambi sé makutu, sé uôma; ku tena kulenga pholo ia muthu.

Marku 12:14

O kia zubha kutula, exi: Mesene, etu tua kuijiia kuila u mukua kidi, ku lenge muthu uoso-uoso. Mukonda eie ku suu jipholo ja athu, u longa kidi o njila ia Nzambi. O kiki tu tangele hanji: Tua tokala kubhana lubhaku lua Sézalu, inga kana? Tu lu bhana, inga ki tu lu bhana?

Luka 20:21

Anga phombi jenhiji jiza, ji mu ibhudisa, jexi: Mesene, tuejiia kuma Eie o ima i u zuela, i u longa, ia kidi. Tuejiia ue kuila ku suu jipholo ja athu, maji u longa o njila ia Nzambi ku athu ni ku a londekeza o vondadi iê mu kidi.

Loma 2:11

Mukonda kua Nzambi ki kuene katungu ka athu.

Efezo 6:9

Enu uenu mu jingana, ima iene imoxi i mu bhanga o abhikʼ enu, kana kuia ni ku a kusa. Kuma mua kʼ ijiia kuila ku diulu sai-ku Ngana iâ, muene ue Ngana ienu, o muène kene ni katungu ka athu.

Matendelelu 10:17

Kuma o Jihova Nzambi ienu, muene o Nzambi ia jinzambi, muene Ngana ia jingana, muene Nzambi ngó Suke-ku, o uzonda uê uvula, ukuata uoma, ka moneka kathômbo kʼathu, ka xikina ku mu futila.

Matendelelu 16:19

Kana kudiodia dimanda; kana kubhanga katungu ka athu; kana kutambula kitadi kia diminhinu, mba kima kioso-kioso kia ku ku bhomba, kuma o kitadi kia diminhinu ki bheka ufofo ku akua mesu; kiselula uanji ua oso ejidile kutetulula mu kidi.

Matendelelu 24:17

Diba dia tokala kulungisa nzuángiza mba monʼa difundu, kana ku mu diodia na-diu hé u di lungulula; kana kutambula izuatu ia mutudi ua muhatu mu kikunji.

Matendelelu 25:1

Se bhu kala athu kiiadi a di kuata mvunda, anga eza kufunda, phala ku a batuila milonga, uoso ualungu mu lungise; o uêle a mu elêse muene.

Kolose 3:25

Uoso-phe u bhanga phulu, ua kà tambula dingi kia fuama mu phulu iê ia bhange. Mukonda athu oso Nzambi u a fundisa kiene kimoxi, mbata kuene kana-ku katungu kʼathu.

I Tesalonika 2:4

Inda tua mu tanga o Maka kala kia mesena Ngana. O Nzambi-phe, kia tu mono ni ufiiele, ua tu lundisa o Njimbu Iambote, phala tu i tange kuoso, kala ki tuene kiá mù zuela; kana mu kuuabhela athu, maji mu kuuabhela Nzambi u tena kulola miẋima ietu.

Tiiaku 2:9

Maji enu-phe, o ki mu kala mu suua jipholo ja athu, kituxi ki mua mu ta. O Kitumu-phe kia mi kuata, mu akua muiônga uê.

I Phetele 1:17

Se muedi mu hingila Nzambi, kuma Tata, mukua kufundisa oso sé ngó kathômbo ka athu, kala muthu kia tokala mu ikalakalu iê, thembu ioso i muala kunu mu inhunginu, mu enda ni uôma uê.

I Samuuele 16:7

Jihova-phe u ambela Samuuele, uixi: Kana kutala o pholo iê, mba o kitala kiê kialebha, mukonda eme nga mu ditunu. Kuma Jihova kene kutala kala ki tala o muthu; mbata o muthu u tala kidifua kia kanga, Jihova-phe u tala ku muẋma.

I Samuuele 2:25

Muthu se u ta kituxi kua mukuâ, Nzambi u mu fundisa; muthu-phe se u ta kituxi kua Jihova, u mu zuelela nanhi? Sumbala tatâ ua zuela kiki, maji ene kʼevu dízui dia tatʼâ, mukonda Jihova ua mesena kiá ku a jibha.