Matendelelu 1:15 - O Mikanda Ikola

¹⁵ Nga kuatele-phe adienu mu miji ienu, mala a jinjimu, ende kiabhu o ngongo, eme nga a bhange makota phala ku mi tambula konda; o iá jikabhitangu ja kutumina jimidi, o iá jikabhitangu ja kutumina jihama, o iá jikabhitangu ja kutumina makuinhi atanu, o iá jikabhitangu ja kutumina dikuinhi; amoxi nga a bhange jinguvulu ja kuendesa ibuka ia miji ienu.

Matendelelu 1:15 ပူးပေါင်းရင်းမြစ်များ

Makatukilu 18:21

Sota mu mundu, oso athu a tena, ala ni kilunji, akua uoma ua Nzambi, akua kidi, ka ẋikina kúdia mangonha, u a tese ku pholo; iá a tambula konda ia jimidi, iá a tambula konda ia jihama, iá a tambula konda ia makuinhi atanu, o iá dikuinhi-dikuinhi;

Makatukilu 24:1

Anga u ambela Mozé, uixi: Banda kunu kua Jihova, ni eie ni Alá, ni Nabade ni Abihu, ni makuinhi sambuadi a adiakimi a Izalaiele; muà suke mu kanga ni kubheza;

Dialuilu 1:4

Ku muiji ni muiji ue, ku tunde muthu a kale mútue ua dibhata dia jitata jê, phala a kale nʼenu.

Dialuilu 31:14

Mozé anga u temena makesongo a kifuẋi, ni jithuame ja jimidi ni jithuame ja jihama, oso ala mu tunda ku kikalakalu kia ita.

Efezo 4:11

Muène ua uanena o maujitu ku athu. Amoxi-moxi ua a bhana kukala Jipoxolo; amoxi Jipolofeta; amoxi akunji a kutula o Njimbu Iambote; amoxi jipaxtolo; amukuâ jimesene ja kulonga mu Ngeleja.

Matendelelu 1:14

Enu-phe, mua ngi vutuila, muexi: Sembele kubhanga ki uazuela.

Matendelelu 1:16

Eme nga tendelela afundixi enu, ngixi: Endenu ni kuividila jiphange jenu, kioso kia di kuata milonga, mua a batuile mu kidi o madimanda ma phange ni phange, katé ni nzuá-ngiza uala kumoxi ni ene muʼaxaxe kâ.

Matendelelu 16:18

Mu mabhata moso ma-nda ku ku bhana Jihova Nzambi ié, ku ibuka, ibuka, mu ta-mu afundixi ni jifixiiadi, ende ni kufundisa o mundu ni ubatuilu ua tetuluka.

I Samuuele 17:18

O kuinhi dia hejuʼidi u di bhekela kaphitangu ka jimidi jâ, u kunde o makotʼé kioso kia zekele se ala kiambote, uize-ku ni njimbu iâ u tu tudile se a bhindamena ue kima.

I Samuuele 22:7

Saúlo anga u ambela akua mbèle a mu imanena, uixi: Ivenu, enu mu akua Bejamí; manhi monʼa a Jese ua-nda ku mi bhana mábhia ni mivide, u mi bhanga kukala mu jikabhjitangu ja jimidi, mu jikabhitangu ja jihama?

I Samuuele 8:12

Momuenu ua kà tumbika-mu jikabhitangu jitumina jimidi, ji tumina makuinhi atanu; amoxi ua a tuma kudima mavuʼê, ni kumuna jimbutu jê, kusula jifelu jê ja ita, ni jifelu jê ja makalu.