Matendelelu 1:10 - O Mikanda Ikola

¹⁰ Jihova Nzambi ienu ua mi sokolola kiá; xinganekenu kuma leluʼidi mua vulu kiá, muedi kiá kala mu jithéthembua bhulu.

Matendelelu 1:10 ပူးပေါင်းရင်းမြစ်များ

Dimatekenu 15:5

Anga u mu bheka bhu kanga, uixi: Tala-phe hanji ku diulu, u tange o jithéthembua, se u tena ku ji kuata konda; anga u mu ambela, uixi: Kiene kia kà kala o mbutu ié.

Dimatekenu 22:17

Nga-nda ku ku zediuisa kiavulu muene, ngi ku sokolola kinéne-nene, mbutu ié i vula kala jithéthembua ku diulu, mukuâ ni museke bhu mbandu ia kalunga; mbutu ié i tambula mielu ia jinguma jâ;

Dimatekenu 28:14

mbutu ié i sokoloka kala fufuta ia bhoxi, ia kà di zala ni ku luiji hi ku thunda, ni ku suku ni ku sulu; ko kué ni ku mbutu ié kuene kua kà bhandulukila miiji ioso mu ngongo.

I Malunda 27:23

O ió ka tenesene luua makuinhi aiadi a muvu, katé ku ana-ndenge bhoxi, sobha Davidi ka a tele mu konda, mbata Jihova ua tanga kuila o anʼ a Izalaiele uanda ku a sokolola kala jithéthembua ku diulu.

Nehemiia 9:23

Anga u sokolola anʼâ mukuâ ni jithéthembua ja diulu, anga u a bhiẋidisa mu ixi i ua tangelele o jitata jâ ku i bokona, nda a i tambula ni a ivue.

Jisálamu 107:38

Ku dibesá diê, a di sokolola muene kiavulu; o ibhaku iâ, ki i tebhunuka, lémbue!

Makatukilu 12:37

Anʼa Izalaiele anga a katuka bhu Lameseji, a ta kibangu bhu Sukote; o ku a alula a tena hama jisamanu ja jimidi; mala ngó akua kuenda bhoxi, o anʼa ndenge ka a te-mu.

Makatukilu 32:13

Xinganeka Mbalahamu, ni Izake ni Izalaiele, abhiké kioso ki ua a lokela mu dijina dié Eʼmuene, Eie ua a ambela, uixi: Ngi mi sokoluela o mbutu ienu, a vula kala théthembua ku diulu, ni ixi ioso i nga mi tangela, nga i bhana mbutu ienu, a kà i lundula mu mivu sé mbambe.

Izaía 51:2

Talenu Mbalahamu, dia tatʼenu, ni Sala, ua mi vuala; kuma kia kexi ubhekʼélele uê, eme nga mu ixana, nga mu zediuisa, eme nga mu sokolola.

Izekiiele 16:7

Eme nga ku bhangesa ku di vualulula kala luthangu lua ubhe ku muxitu, eie ua kulu, ua jingi, kuuabha kué kua tomboka dingi kiavulu; mele a nanuka a suku, o jindemba ku mútue ja kulu; maji ua kexidiʼé ngó tuẋi-a-thakala, ka ku zuika.

Dialuilu 1:46

dialuilu dia ene oso a a soneka, a tena hama jisamanu ja midi, ni midi jitatu, ni hama jitanu, ni makuinhi atanu.

Dialuilu 10:36

O kia i tula, uila uixi: Vutuka, u Jihova, u tunge ni jimidi ni makuinhi a jimidi ja Izalaiele.

Matendelelu 1:11

Jihova Nzambi ia jitata jenu a mi bandekeze muene, o ki mualʼokio a ki bhange dingi katé mu lumidi; ende ni ku mi zediuisa kala kia mi tangela-kiu kiá kuala muene.

Matendelelu 10:22

Jitata jenu kia kulumukine mu Ijito akexi ngó makuinhi sambuadi a muthu; o kiki-phe Jihova Nzambi ienu ua mi sokolola, kala mu jithéthembua ja diulu, mu kuvula.

Matendelelu 26:5

eie-phe anga u di hambelela kua Jihova Nzambi ié, uixi: Ku tanga o kidi, tatʼetu kia kexe mu Sídia, uakexe sébhue ngó, iú ua kulumukine mu Ijito, anga u kuata kubunganena muenhomo ni kafamília kófele ngó, kala nzuángiza ia hatu; o kuenhoko kuene kiá kua sokolokela, iú ua di bhange kifuẋi kiònene ni mu kusuína, ni mu kuvula.

Matendelelu 28:62

Mua-nda kuxala-phe kiá ngó mu tumbalumbalu tua athu, suke mʼokulu-phe muavudile kala jithéthembua ja diulu; mbata eie kua xikina kubhana mátui ku dízui dia Jihova Nzambi ié.

Matendelelu 7:7

Ki kuila-phe Jihova kifua ua mi sola mukonda mua uabha mba mukonda ifuẋi ioso mua i tunda mu kuvula, lémbue; kuma eiʼmuène u kasule ka ifuẋi ioso mu kutola.