Marku 9:7 - O Mikanda Ikola

⁷ Anga kuiza dituta, dia a vungina ene oso; mu dituta anga mu tunda dízui, dʼixi: Muenhu Monʼami nga mu zola! Muene mu mu ívua.

Marku 9:7 ပူးပေါင်းရင်းမြစ်များ

Jisálamu 2:7

Ki ngʼedi ngi kola ngonge, Jihova ua ngʼambela, uixi: Eie u monʼami, lelu muene nga ku vuala.

Jisálamu 97:2

Ni matuta ni kitombe a mu bhaka mu kaẋi; kiandu kiê kia di fikidila mu kubatula mu kidi ni kukumbidila.

Makatukilu 24:16

O kubenha kua kizunda kia Nzambi-phe, kua xala ku thandu dia mulundu ua Sinai, dituta dia u vungina mu izuua isamanu, o mu kizuua kia kasambuadi-phe, Jihova anga u ixana Mozé, ua mu ixanena mu kaẋi ka dituta.

Makatukilu 40:34

Kia zubha kubhanga kiki, dituta dia vungina balaka ia kutakanena, balaka ioso iezala ni kubenha kua Jihova.

Daniiele 7:13

Talesa, eme-phe ki nga kuata muene kutala, mu isuma iami ia usuku, nga mono ku matuta ma diulu kua-lu tuluka kala Monʼa muthu ua mu kuiza; iú ua bhiẋi la kua Mukula-ua-Ndamba, anga a mu bhiẋidisa bhu pholo iê.

Matesu 27:43

Ua kexi mu kudielela Nzambi, kiki a mu kudile, se ua mu mesena; kuma uambe uixi: Ngi Monʼa Nzambi!

Matesu 27:54

Bhenhobho kabhitangu ni masoladi iá oso aia-nê mu langidila Jezú, kia mono oxi ia tunguta, ni ima ioso ia bhiti, a kala kiavulu ni uôma, exi: Kia kidi kiene, muenhú monʼa Nzambi!

Matesu 3:17

Tala, bhenhobho ni dízui di tunda mu diulu, dixi: Muenhú Monʼ ami a kazola, ua ngi uabhela kiambote.

Marku 1:11

Anga dízui di tunda ku diulu, dixi: Eie-muene u Monʼami nga ku zola, ua ngi uabhela kiambote.

Marku 9:6

Kuma Phetele kʼejiia dingi kia zuela, mbata maxibulu ene oso a bhuuama ni uoma.

Marku 9:8

Muʼanzanzʼomo, kia talesa, kana-bhu dingi muthu, Jezú ngo axala-nê.

Luka 3:22

O Nzumbi Ikôla anga u tuluka mu kikexilu kia mukutu, ua difangana diembe, anga u tula ku thandu diê. Ku diulu anga ku tunda dízui, dixi: Eiemuène u Monʼami nga ku zola, ua ngi uabhela kiambote.

Nzuá 1:34

Eme nga ki mono kiá, kiene ki nga bhela umbangi, kuma muenhú Monʼa Nzambi.

Nzuá 1:49

Natanaiele ua kumbulula, uixi: Mesene, eie u Monʼ a Nzambi! Eie Ngana, u sobha ia Izalaiele.

Nzuá 12:28

Tata, fumanesa o dijina dié! Kithanganʼ okio ku tunda dízui mu diulu, dixi: Nga di fumanesa kiá, hanji ngi di fumanesa jinga.

Nzuá 19:7

Jijudé a mu vutuila, exi: Etu tuala ni kijila, muène-phe kuma ua ki tondala, ua tokala kùfua, kuma ua di tange, uixi: Ngi Monʼ a Nzambi!

Nzuá 20:31

Maji imʼiíi-phe iòsoneke, phala enu ni mu xikane, kuma Jezú muène Kristu, Monʼ a Nzambi. Mbé o ki mu mu xikana, mu kale ni muenhu ki uábhua.

Nzuá 5:18

Mukonda dia kiki, Jijudé ji kala ku mu sota dingi ni nguzu ioso phala ku mu jibha; ki mukonda ngó dia kutondala o Sábhalu, maji mukonda ue dia kuixana Nzambi Tata iê, kifua ua di sokesa ni Nzambi.

Nzuá 5:37

Ni Tata muene ue ua ngi tumu, uala mbangi iami. Enu kana kizuua ki muevile dízui diê, kiluua mu mona o pholo iê.

Nzuá 6:69

Etu tua xikana, tua kʼijiia kuma eie u Muthu Ukôla ua tundu kua Nzambi.

Nzuá 9:35

Jezú ki evu kuma muthu ió mʼonzo ia kusambela Nzambi a mu kaiesa-mu, u takana-nê, hé u mu ambela, uixi: Eie ua xikana o Monʼa Nzambi?

Jipoxolo 1:9

O kia zubhile kuzuela imʼ iíi, kioso kia kexile hanji ene ni ku mu tala, Jezú ua zangumuka bhulu, anga bhu kala dituta dia tambula-nê ku mesu, a lémbua ku mu mona dingi.

Jipoxolo 7:37

Muene Mozé umoxiʼú u tangela anʼ a Izalaiele, uixi: Ngana hadia ua kà mi zangelekela mu ʼaxaxe ka jiphange jenu enu-enu, polofeta mukuâ ni eme.

Jipoxolo 8:36

O ki aia ni kuenda mu njila, a sanga kididi bhuala menha. Ngolambole, uixi: Talesa, menha iá! Ohi ki fudisa o ku ngi batizala? [

Loma 1:4

O mu kuidikiza kuzela kuê kua unzambi, o kufukunuka kuê kuene kua londekesa ni kutena kuonène, kuila Muène muene o Monʼ a Nzambi.

Jihebeleu 2:1

Uila kiki, tua fuama tu kuata dingi muanu ua ima ioso ia kidi i tuevu, sumba se tu di ehelela, tu kunguluka.

II Phetele 1:17

Kuma etu bhene bhu tua kexile, kia tambuile kua Nzambi, Tata, ujitu ni fuma. Dizui dia tundile mu kubenha kua Dikota, anga di mu tumbula, dixi: Muenhú Monʼami nga mu zola, uene mu ku ngi sangulukisa kiavulu.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.

Dijingunuinu 1:7

Talesenu, muène hinu uiza ku matuta! Ene oso a ka mu mona mesu, katé ni ió oso a mu kubuile. Miji ioso mu ngongo ia kà dila jingololo mukonda diê. Kiene muene. Amén!