Marku 9:43 - O Mikanda Ikola

⁴³ Ni lukuaku lue, se lu ku bhangesa ku di bhala, batula-lu! Mbata kota o kubokona ku muenhu ki uábua u kinema, kana o kukala ni maku maiadi anga uia-nâ mu ifernu, mu tubhia ki tuene dingi kujima. [

Marku 9:43 ပူးပေါင်းရင်းမြစ်များ

Jobe 20:13

Anga u ku bhaka, ka kuehela, maji o kutouala kuê u ku jijila,

Izaía 1:31

Anga o dizonda ua kà biluka kibhiaẋi, o kikalakalu kiê mukua ni soso ia túbhia, anga kiiadi kiâ a kà uamena bhuamoxi, u a jimina ka moneka.

Jelemiia 4:4

Di saiesienu phala Jihova, humbulenu o mabôlo ku miẋima ienu, enu mu mala ma Juda, nʼenu mua tunga mu Jeluzaleme, mua lengesa kuila o njinda iami hinu ki i bambuke kala tubhia, ni tu kuata kulema anga a lembua ku tu jima, mukonda dia usuéia ua ikalakalu ienu.

Matesu 17:27

Phala-phe ka kale ni diba dia ku tu longolola-na-diu, ndeie ku kizanga, ua kà te nzolo mu menha, u kuate mbiji ioso i dianga kubanda. O ki u i jikula mu kanu diê, ua ká sanga-mu kitadi ki soka kufuta o mibhaku ietu. Tambula-kiu, ua kà a bhane phala eme ni eie.

Matesu 25:41

Muène anga ua kʼàmbela iá ala ku kiasu: Tundenu bhu mbandu iami, enu a mi bhubhidila kuala Nzambi! Ndenu mu túbhia ki tuà jima, a tu iudikila Diabhu ni ji-anju jê!

Matesu 3:12

O mbangu iê ia kubhiatela uiza na-iu bhu maku, o kididi kiê kia kuvundila ua-nda ku ki zelesa katé kia zubha. O jimbutu jê u ji bhongolola hé u ji bheka mu kitula; o ibhiate-phe u ioha mu túbhia ki tuene dingi kujima.

Matesu 5:22

Eme-phe ngi mi ambela kuma, uoso u kuatela ngó mukuá njinda, u kala muêdi ua ku mu fundisa kuala afundixi. O uoso uâmba mukuá, uixi: U semenhi, u kala muêdi ku kionge kia jitata. Uoso-phe uila: U kiôua kia ngoho, u kala muêdi ua túbhia tua ifernu.

Marku 9:44

Mua bhingi dibhuka die ki di fu, o tubhia tuê ki tu xikina kujima.]

Luka 14:13

Ki u bhanga-phe fesa, exana jingadiama, ni inema, ni atenguna, ni ifôfo;

Luka 14:21

Mubhika anga uiza, u tudila ngana iê ima ioso iíi. Kienhókio mukua dibhata, kuma njinda ia mu kuata, uambela mubhikʼê, uixi: Tunda malusolo, u bhite mu jinzunga, ni mu ikanzu ia mbanza, u ngi bhekele bhabha jingadiama, ni inema, ni ifôfo, ni atenguna.

Luka 3:17

Muène, mbangu iê ua i kuata bhu maku phala kusèsa o jimbutu mu ibhiate. O dikanga diê dia kuvundila, u di zelesa kiambote. O mbutu u i bhongoluela mu kinganja kiê, o ibhiate-phe u ioha mu túbhia ki tu xikina dingi kujima.

Loma 8:13

Kuma se mua kaiela xitu, mua kinga kufua. Maji mu nguzu ia Nzumbi, se mua fuisa o imbamba i bhanga o mukutu, mu tambula muenhu.

I Kolindo 9:27

O mukutu uami-phe ngi u bhana jihuxi katé ki ngi u tolola, hé uenda ni kubelesela, mbé kuiengesa kuila, ku thandu dia kulonga athu o maka ma Njimbu Iambote, eme-muene hinu ngi dianguka.

Ngalásia 5:24

Oso-phe a tokala Kristu Jezú, o xitu a i fuisa kiá ku dikulusu, ni jingânji jê, ni jihanji ja uhabhu.

Kolose 3:5

Uila kiki, o jihânji jenu ja mu ngongo jala kukalakala moxi dienu, jibhenu-ju: ni undumbu, ni ufusa, ni hânji jaiibha, ni vondadi jabolo, ni luimbi, ku ma o luimbi lua soko ni kukaiela iteka.

Tito 2:12

O kiadi kienhiki ki tu longa kuma, tu ehe o kubhuma ni jihânji jaiibha ja mundu, phala tuende mu ngongo muenhumu ni kilunji, ni kuiuka, ni kuxila Nzambi.

Jihebeleu 12:1

Mukonda dia kiki, etu a tu bhake bhu ʼaxaxe kuala kifuẋi kionéne kia jimbangi javulu. Tu tudienu ioso i tu lalamesa, ni kituxi kioso kia tu naminina, tu lengienu ni kukolokota o dikanga dioso dia tu kala ku pholo.

I Phetele 2:1

Uila kiki-phe, ehenu o usueia uoso, ni makutu, ni mangonha, ni luma, ni kabódio, ka kulongolola athu.