Marku 9:42 - O Mikanda Ikola

⁴² Uoso ue ku tuana tutu tua ngi xikana, u bhangesa kamona kamoxi ku di bhala, ni ku ngi xisa eme, muthu io kia mu tokala o ku mu nhenga kiditadi kia kuhuhila mu xingu, ni ku mu bobesa mu ʼalunga.

Marku 9:42 ပူးပေါင်းရင်းမြစ်များ

Matesu 17:27

Phala-phe ka kale ni diba dia ku tu longolola-na-diu, ndeie ku kizanga, ua kà te nzolo mu menha, u kuate mbiji ioso i dianga kubanda. O ki u i jikula mu kanu diê, ua ká sanga-mu kitadi ki soka kufuta o mibhaku ietu. Tambula-kiu, ua kà a bhane phala eme ni eie.

Matesu 18:10

Alukenu, ki mu tènde kamona ku tuana tutu. Mbata ngi mi ambela kuma, o ji-anju jâ mu diulu jene mù mona o pholo ia Tata iami uene mu diulu. [

Matesu 18:6

Uoso-phe ku tuana tutu, tua ngi xikana, u fudisa-ku kamona kamoxi ku ngi kaiela Eme, kia mu tokala o ku mu nhenga kiditadi mu xingu, ni ku mu bobesa muʼalunga mua zongo.

Jipoxolo 9:4

Muene ua di bhale bhoxi, anga u ivua dizui dia mu ambela, dixi: Saúlu, Saúlu, eme ualù ngi zukutisila-hi?

Loma 14:13

Uila kiki, ki tu kuate-phe dingi ku di longolola mudietu. Inda mu di tetulula kiki, kana muthu u ta kidibhukanu mu njila ia phangʼ iê, mba kima ki mu di bhalesa mu kituxi.

Loma 15:21

Kala kia ki soneka mu Mikanda Ikôla, exi: Oso ka a tudila-kiu, a ká ki mona. Oso ka kʼ ivile, a kà kʼ ijiia.

Loma 16:17

Nga mi diondo-phe, jiphange, di langienu ni enʼió oso ala kubheka o makudimuanga ni kutondalesa akuâ mu kuxikana o ulongelu uâ uengi, ki uene u mua di longo enu. Enʼiá muenda ni ku a ebha.

II Kolindo 6:3

Kana kubhanga kima kioso-kioso ki bhangesa mukuenu ku di bhala, phala o ungunza uetu ki u kale ni malebhu.

Filipe 1:10

phala mu tene kusola o ima ioso iauabha, nda mu kale sé kadia, sé ngó kima ki mi fudisa, katé bhu kizuua kia Kristu.

I Timote 5:14

Mukonda dia kiki, nginda-phe atudi oso kiluua a kuka, a sakane, a kale ni ana, ongeke mabhata mâ, phala o nguma jetu ka a bhane bhuma bhua tu tela môndo ni ku tu zuela kiaiibha.

II Phetele 2:2

Kuandu kala ue athu avulu, a kaiela midimu iâ ia ufusa; o mukonda dia ene, Njila ia Kidi ia kà lebhuka.