Marku 9:24 - O Mikanda Ikola

²⁴ Kithanganʼokio, o tata uavu monʼe u di kola, uixi: Nga xikana, Ngana! Ngi kuatekese mu kukamba kuxikana kuami!

Marku 9:24 ပူးပေါင်းရင်းမြစ်များ

II Samuuele 16:12

Imoxi Jihova u suua o kutata kuami ni kulebhuka kuami, hé u ngi bhanga mbote mukonda dia jindaka jê ja ngi xingi kizuua kia lelu.

II Jisobha 20:5

Vutuka uambele Ezekiia, o mutumini ua mundu uami, kuila: O Jihova, Nzambi ia tatʼenu Davidi uambe kiki: O musambu ué nga uivu, ni masoxi mé nga a mono; tala-phe eme nga-nda ku ku sakula; o mu kizuua kia katatu ua-nda kubanda mʼonzo ia Jihova.

Jisálamu 126:5

Oso a kuua ni masoxi, hinu a kà bhongolola ni ngalasa.

Jisálamu 39:12

Ngʼivue Jihova, o musambu uami; bhana mátui uivue, Ngana, o kudikola kuami; ku kambe ku ngi suua o kisoxi kiami; kuma ngi musonhi ué, ngedi kala ngi nzuángiza, ngi ngenji ngó, kala kia kexile o jitata jetu enhoso.

Jelemiia 14:17

Uila kiki a tangele maka iâ: Muanha ni usuku mesu mami ma kuate kienhiki o ku lundulula kisoxi, ki ma zumbuke; mbata kilumba kia muzeletete, monʼa mundu uami, a mu kuama kiavulu, kilonda kiê kia xixima kinéne.

Marku 9:23

Kuala Jezú: Eie se u tena kuxikana! Kuma ima ioso i xikina kua io ua xikana.

Marku 9:25

Jezú kia mono bhuala ku di bhongolola mundu, u kidika o nzumbi iabolo, uixi: Eie u nzumbi ia dibubu, ni uxilu, nga ku tumu: Tunda mu mukutu ua mona iu, nuka dingi u mu bokona!

Luka 17:5

Jipoxolo anga jʼ ambela Ngana, exi: Tu vudise dingi o kuxikana kuetu.

Luka 7:38

anga u mu imanena bhu inama iê ni kudila, ua mu betesa inama ni masoxi, anga u i kondona ni kindemba kia mútue uê, u i nzobojola ni jibeju, anga u i xisa ni nguendu.

Luka 7:44

Jezú uixi: Ua batula kidi. Anga u lungulukila kuala o muhatu, hé uambela Ximá, uixi: Ua mono muhatu iú? Nga bokona mʼonzo ié, eie kua ngi bhana menha ma kusukula inama; muène-phe ua ngi betesa inama ni masoxi, ua i kondona ni kindemba kiê.

Jipoxolo 10:19

Kioso hanji kia kuata Phetele kuxinganeka o kisumua, Nzumbi Iambote ia mu ambela, iexi: Ivua! Talesa, mala atatu ió ala ku ku sota.

Jipoxolo 10:31

uixi: Koloneliu, misambu ié Nzambi ua ivu iú ua lembalala ioso i uene kubhanga mu kukuatekesa o jingadiama.

II Kolindo 2:4

Kuma hadi ia ngi vudile kumoxi ni kikote kia muẋima, thembu i nga mi sonekenʼoio ni masoxi mavulu. Inda ki nga mi sonekena mu ku mi kuatesa mukondo, maji phala ku mʼijidisa o henda i nga mi kala na-iu kiavulu enu oso.

Efezo 2:8

Kuma ku kiadi kia Nzambi ngó ku mua bhulukila mu kuxikana. Mukonda o kubhuluka, kima ki enu mua ki mono mu nguzu ienu, maji a mi bhana-kiu kuala Nzambi.

Filipe 1:29

Mukonda Nzambi muene ua mi bhana o ujitu ua kubhiẋila Kristu, kana ngó o ku mu xikana, maji ni ku mu talela ue hadi.

II Tesalonika 1:11

Kienʼ iki, kiene ki tuene ku mi sambela jinga phala Nzambi ietu a mi kite mu athu mua fuama o kixanu kia muenhu uobhe ua mʼixanena. Tua mu bhinga ue phala muène, mu nguzu iê a tenese o jivondadi jenu joso ja kubhanga o ima iambote, ni a mi zubhile o kikalakalu ki mualù bhanga mu kuxikana.

II Tesalonika 1:3

Etu tua tokala tu sakidila jinga Nzambi mukonda dienu, enu jiphange! Mukonda kia tu fuama muene ku ki bhanga, kuma o kuxikana kuenu kua mu kula dingi kiengi, ni henda ienu i mua di kuatela mudienu iavulu dingi.

II Timote 1:4

Nga mu kuinda ku ku mona kioso ki ngi xinganeka o masoxi mé, phala kioso ki ngi ku mona, ngʼizale ni ngalasa.

Jihebeleu 12:17

Kuma enu mua kʼijiia, kuila, muene kua sukʼuku, uendile kiua ku tambula o dibesá dia tatʼâ. Maji a mu ditunu, mukonda ka mono bhuma bhua tena kulungulukila, sumbala ua di soto ni muanu, ni kudila masoxi.

Jihebeleu 12:2

Tu jizienu ni kusuua ngó Jezú, kuma muène o musonguedi ua kuxikana kuetu, tundé bhu dimatekenu katé bhu dizubhilu. Kala muène mu kusuua o ngalasa ia mu idikiza, ua kolokota ni dikulusu, ua tende o sonhi, o kiki ua xikama ku madilu bhu kiandu kia Nzambi.

Jihebeleu 5:7

O muène kia kexile mu ngongo, u samba, u dionda, ni kudila masoxi, kua Nzambi u tena ku mu kudila mu kufua, anga a mu ivua, mukonda dia kudibha-kula kuê, ni kubatama.