Marku 9:23 - O Mikanda Ikola

²³ Kuala Jezú: Eie se u tena kuxikana! Kuma ima ioso i xikina kua io ua xikana.

Marku 9:23 ပူးပေါင်းရင်းမြစ်များ

II Malunda 20:20

Mu kimenemene kia selu anga a balumuka, hé a tunda mu kuia ku kikangalakata kia Tekoua; kioso ene kia mu tunda, Jozafate u nzongamana hé u handekela, uixi: Ngʼivienu, eie Juda, ni enu mua tunga mu Jeluzaleme; xikanenu kua Jihova, Nzambi ienu, nda mu kale bhua kondama; xikanenu ku jipolofeta jê mua kà zediue.

Matesu 14:29

Kuala muène: Izá! Phetele anga u tuluka mu bote, u kala mu kuenda ku thanduʼa menha, uala kuia kua Jezú.

Matesu 17:20

Muène ua ambela, uixi: Mukonda o kuxikana kuenu kua tolo. Kuma ngi mi ambela kidi, se mu kala ni kuxikana né kua sokoʼé ngó ni lumbundu lua mbutu ia mustarda, mua kʼàmbela mulundu iú, muixi: Sondoloka bhabha, uie bhaná! Uene ua kà sondoloka. Enu mu kala ni kutena, kana kima ki mu lémbua. [

Marku 11:23

Kidi kiene ngi mi ambela: Uoso ua kela mulundu iu: Zangumuka bhabha, ua ka di vike mu ʼalunga, o ku muẋima ka te-ku phata, maji u xikana kuma kioso kia tange ki bhata, ki mu bhita muene.

Marku 9:22

Sai luavulu i mu vubula mu tubhia, mba mu menha, phala ku mu jibha. Eie-phe, Ngana, se u tena kubhanga kima, tu kuatele henda, u tu kudile.

Marku 9:24

Kithanganʼokio, o tata uavu monʼe u di kola, uixi: Nga xikana, Ngana! Ngi kuatekese mu kukamba kuxikana kuami!

Luka 17:6

Ngana uixi: Se mua kexile ni kuxikana kua soko ni lumbundu lua masangu, mueji kuambela muxi iú ua mukuzu: Tukuka bhabha, ua kà di phaphe mu ʼalunga! Uene-phe uejú mi tumaka.

Nzuá 11:40

Jezú ua mu ambela, uixi: Abha, eme ki ngi kuambela, kuma se u xikana, ua-ndu mona o fuma ia Nzambi?

Jipoxolo 14:9

Muenʼ iú anga uivua Phaulu uala kuta maka. Phaulu kia mu edi sûi, ua mu mono kuma uala ni kuxikana kua kuiluka.

Jihebeleu 11:6

Muthu-phe ua kambe o kuxikana ka tena kuuabhela Nzambi. Kuma uoso uiza kua Nzambi ki kala u xikana kuila sai-ku Nzambi, kuma muène mukua kubhandulula oso a mu sota ni muanu.