Marku 9:17 - O Mikanda Ikola

¹⁷ Kuala muthu mu kifuẋi, uixi: Mesene, nga ku bhekela monʼami, u mu tale. Uala ni nzumbi ia dibubu, ka tena kuzuela.

Marku 9:17 ပူးပေါင်းရင်းမြစ်များ

Matesu 12:22

Kienhiki a mu bhekela muthu uala ni dimonho, uala kifofo, uala dibubu, Muène anga u mu saka, o ua kexile kifofo, dibubu, u kala mu zuela, u kala mu mona.

Matesu 17:15

Ngana, monʼami mu kuatele henda! Kuma muène uene ni kikonha, ua kate kiaiibha, kua bhingi ua di bhale kiá luavulu mu túbhia, ua di bhale ue kiá luavulu mu menha.

Matesu 9:32

Enhá kia zubha ku tunda, a mu bhekela dibubu dia saluka ni dimonho.

Marku 10:13

Anga amoxi-mu a kala ku mu bhekela tuana tua ndenge, phala a tu tule maku mê ku thandu; maji jixibulu je anga a bazela oso eza na-tu, a a fudisa.

Marku 5:23

Anga u mu dionda kiavulu, uixi: Kamona kami, ka muhatu, ua kumbama! Ize, u Ngana, u mu tule maku mê ku thandu, mbe u mu sake, a bhuluke!

Marku 7:26

Muhatu iú-phe ngelèku, mukua muiji ua Silofenixa. Anga u mu dionda kuila a tundise o dimonho mu mukutu ua monʼe.

Marku 9:16

Muene ua ebhula, uixi: Mua kuata-nâ jiphata jahi?

Marku 9:18

Bhuoso-phe bhu i mu kuatela i mu vunda bhoxi, u thuthuma kifulu, u kokota ku mazu; muthu iu bhele ngohʼú! Jixibulu je nga zuela-nâ kuila a i tundise, ene-phe ka tena.

Marku 9:25

Jezú kia mono bhuala ku di bhongolola mundu, u kidika o nzumbi iabolo, uixi: Eie u nzumbi ia dibubu, ni uxilu, nga ku tumu: Tunda mu mukutu ua mona iu, nuka dingi u mu bokona!

Luka 11:14

Jezú anga u kala mù tundisa o dimonho dia bhangesele muthu kukala dibubu, kuma ki di muehelele kuzuela. Kia zubha dimonho kutunda, dibubu di zuela, ene oso anga a diuana!

Luka 9:38

Anga muthu umoxi mu kifuẋi u di kola, uixi: Mesene! Nga ku diondo, ngi talele monʼami, mukonda muène ngó umoxi ngala-nê!

Nzuá 4:47

Kievu kuila Jezú ua tundu kiá ku Judeia, ueza ku Ngalileia, muène ua mu kane ni ku mu dionda, phala a kulumuke mu Kafanau, nʼ a sake monʼê ua kumbama.