Marku 9:14 - O Mikanda Ikola

¹⁴ O kieza bhua xedi o jixibulu, a sange kifuẋi kia dikota kia a bhongolokela, ni jimesene ja kulonga o Kitumu, a kuata-nâ jiphata.

Marku 9:14 ပူးပေါင်းရင်းမြစ်များ

Marku 11:28

anga a mu ambela, exi: Ungana uahi u uala na-u, phala kubhanga ima iíi? Ungana iú nanhi ua ku bhana-u ua kubhanga imʼii?

Marku 12:14

O kia zubha kutula, exi: Mesene, etu tua kuijiia kuila u mukua kidi, ku lenge muthu uoso-uoso. Mukonda eie ku suu jipholo ja athu, u longa kidi o njila ia Nzambi. O kiki tu tangele hanji: Tua tokala kubhana lubhaku lua Sézalu, inga kana? Tu lu bhana, inga ki tu lu bhana?

Marku 2:6

Bhu kala-phe amoxi ku jimesene ja kulonga Kitumu, a xikama bhenhobho, a kuata ku longolola ku muẋima, exi:

Marku 9:13

Nga mi ambela-phe kuma Elija uejile kia; maji ene a mu bhange ioso ia mesena, kala kia mu soneka mu Mikanda ia Nzambi.

Jipoxolo 19:8

Phaulu anga u kala mu bokona mu dilombe dia Jijudé, u bhua uôma ni kutanga o maka mu thembu ia mbeji jitatu, u jingununa ima ia tokala ku Utuminu ua Nzambi, u sota ku a xikanesa.

Jihebeleu 12:3

Muène mu xinganekienu, ua kolokotele ni kuẋinuka kuosuʼ oko kua mu idikiza akua ituxi. Uila kiki, enu ki mua tokala kubhuila, mba mu lémbua hé mu takuila bhoxi.