Marku 9:12 - O Mikanda Ikola

¹² Kuala muene: Kidi kiene, Elija u dianga kuiza, he u bheka ima ioso mu uiukilu ue. Maji a ki soneka-phe kiebhi mu Mikanda ia Nzambi kuma Monʼa Muthu u tokala u bhita mu jiphaxi javulu, ni ku mu tobhesa?

Marku 9:12 ပူးပေါင်းရင်းမြစ်များ

Jisálamu 74:22

Balumuka, Ngana Nzambi, u funde o mulonga ué; xinganeka o kioua kiala ku ku tobhesa kumbi ni kumbi.

Izaía 49:7

Jihova, Mubhuludi ua Izalaiele, Dilemba diê Ukôla, uambela muthu uoso a mu buangidika, a mu zemba kuala o mundu, o mubhika ua atumini, uixi: Muenhó a-nda ku mu balumukina bhu iandu kuala o jisobha, kia mu mona, ni ilamba uê, anga a kà diunda bhu pholo iê, mukonda dia henda ia Jihova, mukua kitongola, Dilemba Dikola dia Izalaiele, muthu ua ku tungula (ua ku sola).

Izaía 50:6

O dikunda diami ngi di bhakuila ió oso a ngi beta, oso a ngi vuza o muezu eme ngʼa ehela o matama; bhu kala o ku ngi tembula ni ku ngi thuthuina mathe, pholo iami ki ngi i sueka, kana.

Izaía 52:14

Kala kia sasumuka athu a vulu mu ku mu mona, kuma o pholo iê ia kitulukile kiavulu, kedi ngó kala kiene o athu nʼakuá, kidifua kiê ku ki fikisa ni kia anʼa athu mu ngongo.

Zakadiia 11:13

Bheneʼobho, Ngana ua ngʼambela, uixi: O suilu iii, ia ngi fika ene kuila iene i nga te, takuila-iu kua mumbi-a-jímbia. Anga ngi zangula makuinhi a tatu a itadi ia phalata, ngi i takuila kua mumbi-a-jímbia, monzo ia Jihova.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Malakiia 4:6

Muene Ua kà bhangesa kuila o miẋima ia jitata i biluka ku anʼâ, o miẋima ia ana i biluka ku jitata jâ; Phala ki ki bhite, kuila ngʼiza ni ngi buidisa oxi ni mázui.

Matesu 16:21

Tunde bhu thembu ioio Jezú u kuata kuidikiza jixibulu jê kuma muène u bhinga kuia mu Jeluzaleme, kumona jiphaxi javulu ku adiakimi, ni ku jinganga ja makota ni asoneki, ni ku mu jibha, ni kufunuka mu kizuua kia katatu.

Matesu 26:24

Monʼa Muthu iú uia mu kúfua, kala kia mu soneka mu Mikanda Ikôla. Muthu ió-phe kokolo diê, ua-nda kuthelekala Monʼa Muthu! Kimuua, muenhó se ka mu vualele!

Marku 10:33

Talesenu, etu tu bandʼú ku Jeluzaleme, o kuenhoko, Monʼa Muthu a-nda ku mu bhakula ku makota ma jinganga ni ku jimesene ja Kitumu. Ene a-nda ku mu elesa phala ku mu jibha, anda ku mu bhakuila akua matumbu.

Marku 9:13

Nga mi ambela-phe kuma Elija uejile kia; maji ene a mu bhange ioso ia mesena, kala kia mu soneka mu Mikanda ia Nzambi.

Marku 9:31

Kuma u kala mu longa jixibulu je, uixi: Monʼa Muthu a-nda ku mu bhakula bhu maku ma athu, o ene a-nda ku mu jibha; o kia zubha ku mu jibha, kizuua kia katatu u fukunuka.

Luka 1:76

Eie-phe kamona, a-nda ku kuixana Polofeta ia Nzambi ia Diulu. Kuma ua kà tuamenena bhu pholo ia Ngana mu ku mu iudikila jinjila jê;

Luka 23:11

Helode-phe ni masoladi mê, hé a mu tobhesa, a mu bhanga kasèkelu, a mu zuika izuatu ia kukemba, hé a mu vutula dingi kua Pilatu.

Luka 23:39

O ifumbe ue a i nhengeneka bhenhabha; bhu kala kimoxi ki mu lebhula, uixi: Abha kʼeie muène u Kristu? Di bhulule hanji, ni etu uetu.

Jipoxolo 1:6

Kioso Jipoxolo enʼiá kia bhongoloka ni Jezú, a mu ibhula, exi: Ngana, thembu iíi iene eie i uanda kubheka-ku dingi o usobha ua Izalaiele?

Jipoxolo 4:11

Muenʼió Jezú, a mu tange kuala o Madivulu ma Ngana, kuila: Muène o ditadi di mua tènde enu mu jimesene, dia bhingi diene di kuatesa bhu thungi.