Marku 9:10 - O Mikanda Ikola

¹⁰ Ene, kizuelu kienhiki anga a ki lunda, ni kudibhudisa mudia mba kufukunuka ku ʼalunga kua lombolola kiebhi?

Marku 9:10 ပူးပေါင်းရင်းမြစ်များ

Dimatekenu 37:11

Jiphange jê anga a mu kala ni luma; maji o tatʼâ-phe ua bhake maka enhá ku muxima uê.

Matesu 16:22

Phetele anga u kuata ku mu funhisa, uixi: Lu ku suke, Ngana! Kienhiki ki ki ku bhite.

Marku 9:11

Anga a mu ibhula, exi: O asoneki, ala kuila kiebhi kuma ki bhinga Elija u dianga kuiza?

Marku 9:32

Ene-phe, hundu iíi ia a jinganena, o ku mu ibhula-iu ala ni uoma.

Marku 9:9

O kia kala mu tuluka ku mulundu, muene ua a tendelela kuma ima ioso ia mono, ka i tangele muthu, kate muene kia ka fukunuka ku ʼalunga.

Nzuá 12:16

Mu kithanganʼokio, imʼiíi jixibulu jê ka ʼijidile luua. Maji kia zubha Jezú kutambula ungana uê, mu kufukunuka ku ʼalunga, ene kiene kiua kia lembalala kuma imʼiíi a mu soneka-iu mʼ okulukulu, ene ue iene ima ia mu bhangele.

Jipoxolo 17:18

Anga ku kala jindongixi ja akua kisoko kia Epikulu, ni kia Jistoiku, a takana-nê. Amoxi exi: Muenʼiú ua kambe o kuijiia, uala kusabhula kiebhi? Amukuâ exi: Uedi kala uala ku tu tangela mahamba a jixi jengi. Ene a kexi mu zuela kiokio mukonda Phaulu ua tumbula Jezú ni difukunukinu.