Marku 8:35 - O Mikanda Ikola

³⁵ Kuma uoso uambe kubhulula o muenhu ue, ua-nda ku u texi. Maji uoso u texi o muenhu ue, mukonda diami eme ni dia Njimbu Iambote, uanda ku u bhulula.

Marku 8:35 ပူးပေါင်းရင်းမြစ်များ

Ndongixi 3:6

Sai thembu ia kusota, ni thembu ia kujimbidisa; thembu ia kubhaka ni thembu ia kutexi bhu kanga.

Matesu 10:22

Enu a kà mi zemba kuala athu oso mukonda dia dijina diami. Uoso-phe u kolokota katè bhu dizubhilu, muène uà bhuluka.

Matesu 10:39

Uoso, o muenhu uê ua u bhake, ua-nda ku u jimbidisa; uoso o muenhu uê ua u texi mukonda diami, ua-nda ku u bonga.

Matesu 16:25

Mukonda uoso ua mesena kubhulula muenhu uê, ua-nda ku u texi; o uoso u texi muenhu uê mukonda diami, ua-nda ku u bonga.

Matesu 19:29

Uoso ue u-xa jinzu, mba jiphange ja mala, mba jiphange ja ahatu, mba tata, mba mama, mba muhatu, mba ana, mba jixi, mu henda ia dijina diami, ioso ia-xi i mu vutukila luhâma, hé ua kà lundula ue ni muenhu ki uàbhua.

Marku 8:36

O muthu u bhanduluka-hi, se ua nganhala oxi ioso, nʼa i texila o muenhu ue?

Luka 17:33

Uoso u sota kukondeka o muenhu uê, ua-nda ku u texi. O uoso-phe u texi o muenhu uê, ua kà u bhulula.

Luka 9:24

Mukonda uoso uinda u bhulula o muenhu uê, ua-nda ku u texi. Maji uoso-phe u texi o muenhu uê mukonda diami-eme, uanda ku u bhulula.

Jipoxolo 20:24

Ki nga suu-phe kima. Né o muenhu uami ki ngʼ u jijila, kabasa ngi zubha o njila ia ngi xindi, ni ukunji ua ngi bhana Ngana Jezú. O ukunji uenʼ iú: O kubhana umbangi ua Njimbu Iambote ia kiadi kia Nzambi.

Jipoxolo 21:13

Kieniokio Phaulu ua kumbulula, uixi: Mu didila-hi kiki, anga mu ngi bhekela lamba diavulu ku muẋima? Kuma eme ngala polondo, ki ku ngi kuta ngó, maji katé ni ku ngi jibha mu Jeluzaleme mukonda dia dijina dia Ngana Jezú.

Jipoxolo 9:16

Eme-muène ngi mu longesa o jiphaxi javulu ja bhingi kuila muène u ji bhita mukonda dia dijina diami.

I Kolindo 9:23

Ima ioso iii ngi i bhanga mukonda dia Njimbu Iambote, phala ngi tambule ku mbote iê kumoxi ni akuetu.

II Kolindo 12:10

Uila kiki, nga sanguluka muene mu kubhuila ni kulebhuka, ni kubhindama ni ku ngi zukutisa, ni kukala mu ibhidi mukonda dia Kristu. Kuma kithangana ki nga mu bhuila, kiene kia mu ngʼ iza o nguzu.

II Timote 1:8

Uila kiki, ku kale ni sonhi ia kubhana umbangi ua Ngana ietu, mba sonhi iami eme ngi pelezu iê, a ngi kutu mukonda diê-Muène. Kolokota-phe mu kutala hadi ni Njimbu Iambote, kala kia ku bhana Nzambi o kutena.

Jihebeleu 11:35

O mu kuxikana, ahatu a tambula dingi o madifundu mâ mu ku a fukununa mu afi. Amukuâ a a jibha ni kibetu, maji a ditunu ku a jituna phala a fukunukine muenhu uengi ua beta ujitu.

Dijingunuinu 12:11

Jiphange jetu a tena-phe ku mu tolola mukonda dia manhinga ma Kambudi, ni mukonda dia maka ma umbangi uâ ua kidi ma tanga jinga. Ene a kexile polondo ia kubhakula o mienhu iâ phala ku a jibha.

Dijingunuinu 2:10

Ku kale ni uôma ua jiphaxi ji ua-nda kubhita na-ju. Talesenu, amoxi mudienu, Diabhu ua-nda ku mi ta muʼaleia phala ku mi lola. Mu tala hadi mu kuinhi dia izuua. Kala-phe u fiiele katé bhʼufilu, eme ngi ku bhana o kitundu kia muenhu.

Dijingunuinu 7:14

Nga mu ambela, ngixi: Eʼmuène, ngana, ua ejiia. Kuala muène: Enhá ene a tundu mu hadi ia dikota. Ene a sukula izuatu iâ, ia a i zelesa mu manhinga ma Kambudi.