Marku 8:34 - O Mikanda Ikola

³⁴ Bhenhobho Jezú anga u ixana o mundu, u a ambela kumoxi ni jixibulu je, uixi: Se muthu uambe kuiza ku dima diami, kikale u jimba ku di xinganeka muene, a zangule dikulusu die, nʼa ngi kaiele.

Marku 8:34 ပူးပေါင်းရင်းမြစ်များ

I Jisobha 14:8

Nga tandula o ungana monzo ia Davidi, eme nga kubhana-ku mbandu imoxi eie-phe nguaié kukala kala ngunza iami Davidi, ua bhakele o ijila iami anga u ngi kaiela ni muẋima uê uoso mu kubhanga ngoho kia iukila ku mesu mami,

Dialuilu 14:24

Kale ngó mubhikʼami Kalebe, mukonda uala ni muxima uengi, ua ngi kaiela sè ngó kufula, muene ngó ngi mu bheka mʼoxi iele mu ku londa, an-ê a kà i lundula.

Matesu 10:38

Uoso ue u kamba kuzangula dikulusu diê, ni ku ngi kaiela mu ngala ku ila, ió ka ngi tokala eme.

Matesu 16:24

Kienhókio Jezú u ambela jixibulu jê, uixi: Se muthu ua mesena ku ngi kaiela eme, a di fule o kudibanza muène-muene, a zangule dikulusu diê, a ngi kaiele.

Matesu 27:32

Kia kala mu tunda, a takana ni muthu, mukua Silene, dijina diê Ximá. Muenhú anga a mu bhinjika kuia-nâ, ni ambate dikulusu dia Jezú.

Marku 10:21

Jezú ua muʼixi sui, ua mu zolo. Anga u mu ambela, uixi: Eie kima kimoxi ngo kia ku kambe-ku: Ndé, ka sumbise ioso i uavu, o kitadi u ki uanene jingadiama, mbe u kale ni jimbongo ku diulu; nda uize kiua, u ngi kaiele.

Marku 7:14

Jezú anga u ixana dingi o kifuẋi, he ua ambela, uixi: Ivenu enu oso kioso ki nga-nda kuzuela nda mu ijiie:

Luka 13:24

Bangamenenu o kubokuena bhu muelu ua phophama. Mukonda ngi mi ambela, sai-ku avulu a kà sota kubokona, maji a kà ki lémbua.

Luka 14:33

Kiene ue, uoso mudienu u kamba ku di tuna ima ioso iala na-iu, ka tena kukala xibulu iami.

Luka 18:22

Kia kʼivu, Jezú u mu ambela, uixi: Kua ku kambe hanji kima kimoxi: Sumbisa ioso i uala na-iu, o kitadi u ki uanene o jingadiama, phala u kale ni jimbongo mu diulu. Nda uize kiua, u ngi kaiele eme.

Luka 20:45

Bhenhobho Jezú kioso mundu uoso ia a muívua, uambela jixibulu jê, uixi:

Luka 9:23

Anga ua ambela ene oso, uixi: Se sai muthu uandala kuiza ku dima diami, ehe kudibanza muène, a zangule dikulusu diê izuua ioso, ni a ngi kaiele.

Nzuá 10:27

O jimbudi jami, jʼívua dízui diami. Eme ngi jʼijiia, o jene ue ji ngi kaiela.

Nzuá 19:17

Bhenhobho Jezú, anga u tunda, muène uambata o dikulusu diê. Enda, anga a bhixila bhu kididi a kʼ ixana bhu Kibolongonho, (o mu Hebeleu, exi: Ngolongota.)

Jipoxolo 14:22

Ene anga a kala mu kukolesa o miẋima ia jixibulu ni ku a longesa kujijila o kuxikana. A kala ue mu longa kuma tu bhinga tu bokona mu Utuminu ua Diulu mu kubhita ni malebhu mavulu.

Loma 6:6

Kuma tua kʼ ijiia kuamba o muthu Uòkulu a mu batelele kiá ku dikulusu kumoxi ni Kristu, phala o mukutu uetu ua ituxi u jime, mbé ki tu kale dingi mú bhikila o ituxi.

Loma 8:17

O ki tu kala tu ana, tuala tu alundudi a mabesá oso a bhakela o mundu uê. Kristu mulundudi ni mukuetu, etu uê tua kà lundula-nê kumoxi mu ima ioso ia mu bhakela Nzambi. Kabasa tu bhita-nê kumoxi mu hadi, tua kà kala-nê kumoxi mu fuma iê.

I Kolindo 15:31

Phange jami, eme o kalunga ka ngi zukama izuua ioso! O kienʼ iki se nga ki ambe, nga ki ambela o kuzangalala ku ngala na-ku mukonda dienu enu, mu kisangela ni Jezú Kristu Ngana ietu.

I Kolindo 8:13

Uila kiki, se xitu i bhangesa phange iami kudibhala, eme nuka dingi nga kà dia xitu, phala o phange iami ki ngi mu bhangese kudibhala.

I Kolindo 9:19

Sumbala eme ngala ngi fôlo, ka ngi vu kuala muthu! Maji nga di bhange ngi mubhika ua ene oso, phala ngi tene kukombola ni kunganhala kilunga kia dikota kia athu, kioso ki nga tena.

Ngalásia 2:20

Kiki ki eme dingi ngala ku muenhu, maji Kristu uala ku muenhu moxi diami. O kiki o muenhu u ngala na-u mu xitu, nga u muena mu kuxikana Monʼa Nzambi, ió ua tenene ku ngi zola ni ku di bhakula mukonda diami.

Ngalásia 5:24

Oso-phe a tokala Kristu Jezú, o xitu a i fuisa kiá ku dikulusu, ni jingânji jê, ni jihanji ja uhabhu.

Ngalásia 6:14

Eme-phe kuta thathe nga ki tokoka, kikale ngi di thathela ngó o dikulusu dia Ngana ietu Jezú Kristu. Kuma o dikulusu dia Kristu diene dia fuisa mundu iú phala eme, diene ue dia ngi fuisa eme phala o mundu iú.

Filipe 3:10

Mukonda ngendi ngó kuila Kristu ngi mu ijiia muene, ni nguzu ia kufukunuka kuê, ni ngi kale mu kisangela kia jihadi jê, ngende ni kudifangana-nê mu kufua kuê;

Filipe 3:7

Maji-phe o ima ioio, ia ngi kexile kijingo, nga i kiti kingoho mukonda dia Kristu.

Kolose 1:24

Kiki nga sanguluka mu jihadi joso ji ngala ku mi talela enu. Mukonda nga kuata kutala hadi ioso ia ngi xindi ku jingongo ja Kristu ja xedi-ku; ngi ji bhita mu xitu iami, mu kubhangela o mukutu uê-muene, muène, o Ngeleja.

Kolose 3:5

Uila kiki, o jihânji jenu ja mu ngongo jala kukalakala moxi dienu, jibhenu-ju: ni undumbu, ni ufusa, ni hânji jaiibha, ni vondadi jabolo, ni luimbi, ku ma o luimbi lua soko ni kukaiela iteka.

II Tesalonika 3:11

Kuma tuevu-ku a moxi mudienu asonde, kuma ala kuenda ngó ulalu, kene kukalakala, a kala ngó itoka mu imbamba ia akuá.

Tito 2:12

O kiadi kienhiki ki tu longa kuma, tu ehe o kubhuma ni jihânji jaiibha ja mundu, phala tuende mu ngongo muenhumu ni kilunji, ni kuiuka, ni kuxila Nzambi.

Jihebeleu 13:13

Uila kiki-phe, tu tundienu mu kilombo, tu kane Jezú muène, ku kangʼoko, ni kuambata o dilebhu diê.

I Phetele 4:1

Ki tualʼiki-phe kuma Kristu mu xitu ua tale hadi, enu uenu kuatenu kilunji kimoxi ni kia muène, mu kutala hadi uila kia i tale muène. Kuma ió uoso ua tale hadi mu xitu, ua zumbuka kiá ku ituxi.

I Phetele 4:13

Inda kiosuʼiki-phe a mi bhana-ku mbandu ku jiphaxi ja Kristu, tanenu-ku, phale bhuoso bhua kà tukuluka o fuma iê, enu uenu mua kà tana ni ngalasa iavulu.

II Phetele 1:14

Kuma nga kʼijiia kuila kindala kuanda ku ngi bhinga kuzula o mukutu iú ua kalunga, uila kia ngʼidikiza-kiu ni kulomboloka kuoso, kuala Ngana ietu, Jezú Kristu.

I Nzuá 3:16

Bhene bhu tu ijidila ki kala o henda! Mukonda Kristu ua tu bhela o muenhu uê bhu kididi. Mu kiki, etu uetu tua fuama tu bhana o mienhu ietu, mukonda dia jiphange jetu.

Dijingunuinu 2:10

Ku kale ni uôma ua jiphaxi ji ua-nda kubhita na-ju. Talesenu, amoxi mudienu, Diabhu ua-nda ku mi ta muʼaleia phala ku mi lola. Mu tala hadi mu kuinhi dia izuua. Kala-phe u fiiele katé bhʼufilu, eme ngi ku bhana o kitundu kia muenhu.