Marku 8:33 - O Mikanda Ikola

³³ Muene-phe kia sakuka, u tala ku jixibulu, he u bazela Phatele, uixi: Ndé kunha, Satana! Mukonda eie kua suu ima ia Nzambi, ua suu ngo ima ia athu.

Marku 8:33 ပူးပေါင်းရင်းမြစ်များ

II Samuuele 19:22

Maji Davidi-phe, uixi: Etu tualʼadi ni kima kiahi, enu mu anʼa Zeluia tata! phala kizuua kia lelu mu ngi kale mu akua jimvunda ja ku ngi funhisa? Manhi kizuua kia lelu ki tokala a ki jibha muthu uoso-uoso mua Izalaiele? Eme manhi nga kambe ku kʼijiia kuma kizuua kia lelu nga tambula dingi ungana ua Izalaiele?

Jobe 2:10

Maji muene u mu vutuila, uixi: Kala ki zuela dilaji dioso-dioso, kiene ki ua mu zuela eie; mbé tu tambula ngó jimbote kua Nzambi o ia ibha kana? Mu ima ioso ienhiʼii Jobe ka tela-mu kituxi ni mizumbu iê.

Jisálamu 141:5

Uoso uaiukʼó, kia ngi beta, ngʼila kuma ua ngi bhange mbote; o kia ngi bazela, ki kala kala maji ma ngi uaie, ma ngi tula muene kiambote mu mútue; ió né a jijila uthu uengi, eme ngi kolokota ni kusamba.

Ijila 19:17

Mukuenu ku mu bhakele unguma ku muxima; inda ku fule ku mu bazela, se ua mu mono kutondala; kima kiaiibha ki ua mono kua mukuenu ku di xibhe na-kiu.

Matesu 15:23

Maji Jezú-phe ka mu kumbulula kima. Jixibulu anga jiza, ji mu dionda, exi: Mu kaie, aiê; kuma ua tu nhenganana ni kudikola.

Matesu 16:23

Bhenhobho Jezú-phe u sakuka, u ambela Phetele, uixi: Bhita ku dima diami Satana! Eie ua di bhange u ditadi dia kidibhukanu, ua-lu sota ku ngi bhalesa mu njila iami! Kuma o ima ia Nzambi ki iene i ua bhake muẋima, ni ku i xinganeka, maji o ima ia athu!

Matesu 4:10

Jezú u mu vutuila, uixi: Tunda bhabha Satana! Mukonda kiosoneke kuma: Mu kubheza kikale u bheza Jihova, Nzambi ié, mune ngó u mu tumaka.

Marku 3:34

Muéne bhenhobho ua tonginina oso a mu kondoloka ni kuxikama, uixi: Talesenu mamʼetu ni jiphange jami!

Marku 3:5

Muene ua exi suí, ene oso, ni dilamba ni njinda, mukonda kia mu iibhila o kukola kua kua muẋima, mbata nguâ-uâ ku tongolola, nʼejiie. Anga u ambela o diiala: Sunununa lukuaku. Muene kia lu sunununa, lukuaku lue lua disanze kala lua mukua.

Luka 22:61

Bhenhobho Ngana anga u biluka, hé u ta mesu kua Phetele ni ku mu tonginina. Phetele anga u lembalala o maka ma Jezú, kia mu ambela, uixi: Dikolombolo ki dia-ndu kokola lelu, katé eie ua ngi di tunu lutatu.

Luka 4:8

Jezú anga u mu vutuila, uixi: Kiosoneke mu Mikanda ia Ngana kuma: Ngana dia Nzambi ié, muène ngó u mu bheza, muène ngó u mu bhikila.

Luka 9:55

Muène-phe u sakuka, hé u a bazela, uixi: Ki mua uijiia o muẋima uoso u muala na-u. Mbata Monʼa Muthu keza mù buidisa mienhu ia athu, maji ueza mu ku i bhulula.

I Kolindo 5:5

Enu muthu u kala kiki mu bhakuidienu Satana, phala a mu buikise o mukutu uê, maji o nzumbi iê phala i bhuluke mu kizuua kia Ngana Jezú.

Filipe 3:19

O dizubhilu diâ kutexika mu infernu; nzambi iâ o imbamba ioso inda o mukutu uâ. Thathe iâ, o imbamba i kuatesa jisonhi; a xinganeka ngó ima ia bhoxi.

I Timote 5:20

Oso a ta ituxi, a bazele bhu pholo ia ene oso, phala akuâ a kale ni uôma.

Tito 1:13

Umbangi uenhú ua tange o musésedi uâ, ua kidi. Mukonda dia kiki, eie a bazele ni kutema, phala, a disanze mu kuxikana.

I Phetele 4:1

Ki tualʼiki-phe kuma Kristu mu xitu ua tale hadi, enu uenu kuatenu kilunji kimoxi ni kia muène, mu kutala hadi uila kia i tale muène. Kuma ió uoso ua tale hadi mu xitu, ua zumbuka kiá ku ituxi.

I Nzuá 2:15

Kana kuzola o mundu, mba o ima iene ku mundu. Kuma enu se mu zola o mundu, Nzambi Tata ki mua mu zolo.

Dijingunuinu 3:19

Oso u nga zola, ngʼa bazela, ngʼa beta. Phaphumuka-phe, u diele o ituxi ié.