Marku 8:31 - O Mikanda Ikola

³¹ Anga u kuata ku a longa kuma o Monʼa Muthu u bhinga u bhita ku jiphaxi javulu; ni ku mu di tuna kuala adiakime a Jijudé, ni makota ma jinganga ni jimesene jene mu longa o Kitumu kia Nzambi. A-nda ku mu jibha, nʼa fukunuke mu kizuua kia katatu.

Marku 8:31 ပူးပေါင်းရင်းမြစ်များ

Jisálamu 118:22

O ditadi dia ditunu jimesene ja kutunga, dia di bhange diene o mútue ua kuatesa bhu thungi.

Izaía 53:3

Kia kexi, a mu di tunu, muene o muthu a beta o ku mu tènda ni ku mu sebulula mu athu oso; mukua misusu; muthu uejidila o kutala hadi; uedi kala ió athu a mu bhana jinga dikunda ni ku mu suekela o pholo; kia kexile a mu ehelela, ki bhuala dingi muthu ua mu suu.

Hozeia 6:2

Bhu bhita izuua iiadi, o ki i bhua u tu bhana dingi muenhu; mu kizuua kia katatu u tu fukununa, anga tu kala jinga kiá bhu pholo iê-muène.

Jona 1:17

Jihova-phe ua iudika kiá kuila bhu kale mbiji iadikota phala kuminha Jona; anga Jona u bhanga makumbi atatu ni mausuku atatu mu mala dia mbiji.

Matesu 12:40

Mbata mukuâ ni kia kexile Jona makumbi ma tatu ni mausuku ma tatu mu mala a kimbiji, ni Monʼa Muthu ue ua kà bhanga makumbi ma tatu ni mausuku ma tatu koxi a mavu.

Matesu 21:42

Kuala Jezú: Enu mbebhu mu Madivulu ma kôla kiluua mu tanga-mu kuila: O ditadi dia ditunu jimesene, diene dia kuatesa bhu thungi, kienhiki kia tundu kua Nzambi, ku mesu metu kisúma?

Matesu 27:63

Ngana, etu tua lembalala kuma mukua makutuʼó, kia kexile hanji ku muenhu, ua tangele, uixi: Izuua itatu ki i bhita, nga kà fukunuka.

Marku 12:10

Enu kiluua mu tanga makʼama, mòsoneke mu Mikanda Ikola, kuila: O ditadi dia di tunu jimesene, diene dia kuatesa bhu thungi;

Luka 17:25

Maji kua mu bhingi hanji-phe kubhita ku jiphaxi javulu, ni ku mu di tuna kuala o muiji iú ua lelu.

Luka 24:26

Kifua ki kia tokalele muene kuila Kristu nʼa bhite ni jingonjuʼojo, ni a tambule kiua o Ungana uê uoso kua Nzambi?

Luka 24:44

Anga ua ambela, uixi: Ene o makʼ ami u nga mi ambelele ki nga kexile hanji ni enu, kuma ima ioso ia bhingi i bhita, iòsoneke mu Kitumu kia Mozé, ni mu madivulu a Jipolofeta, ni mu Jisalamu, ia ngi tokala eme.

Nzuá 12:48

Uoso ua ngi di tunu, ua kambe kutambulula o maka mami, sai uoso u mu êlesa. Maka mami moso u nga tange, ene a ka mu êlesa mu kizuua kia kà suka-ku.

Nzuá 2:19

Jezú ua kumbulula, uixi: Bulenu o Tembulu iíi, eme ngi i tunga dingi mu izuua itatu!

Jipoxolo 7:35

Xitevá uamba dingi uixi: Mozé imoxi iii, a mu ditunine kuala anʼ a Izalaiele, exi: Eie nanhi ua ku bhange kukala u dikota dia ku tu fundisa etu? Muene Mozé a mu tumu kuala Nzambi kukala dikota, ni mukudi, ku lukuaku lua anju ia mu tukulukila mu kisasa.

I Kolindo 15:4

Kuma Muène a mu fundile, mu kizuua kia katatu anga u fukunuka kala kia ki soneka mu Mikanda;

I Samuuele 10:19

Enu-phe kizuua kia lelu mua ditunu Nzambi ienu uene ku mi kudila mu mavuua menu moso ni mu malamba menu; mua mu ambela, muixi: Kana, tu bhane sobha i tu tumina. Kiki-phe di tienu ku minono bhu pholo ia Jihova, mu di tungule kala kioso ki mua di kaiejela mu miji ienu ni mu jimidi jenu.

I Samuuele 8:7

Jihova anga u ambela Samuuele, uixi: A evue; dízui dia mundu ku di tènde, mu ioso ia ku ambela; kuma ki eie a ku ditunu, a ngi ditunu Eme, mbé ki ngi kale dingi ngi sobha iâ.