Marku 8:18 - O Mikanda Ikola

¹⁸ Mesu sai, ki mu mono? Matui sai, ki muʼivu? Ki mu lembalala?

Marku 8:18 ပူးပေါင်းရင်းမြစ်များ

Jisálamu 69:23

Mesuʼâ a kale ni kavunda, mbé a lémbue kumona; o miongo iâ i kale jinge ni kuteketa a lémbue kuenda.

Izaía 44:18

Kejiia kima, kene ku tongolola; kuma ua a xiti mesu, a lémbue kumona, ni miẋima iâ ue, a lémbue o kuijiia.

Jelemiia 5:21

Kindala ivenu-kiu-ze, enu mu mundu ua tekuka, mua kamba o muẋima, muedi mesu muala-nâ, maji mu tokoka o kumona, o matui mualanâ, maji mu tokoka o kuívua.

Izekiiele 12:2

Monʼa muthu, eie ua tungu mu kaxi ka dibhata dia ximika, diala ni mesu a kumona maji kumona lémbue, diala ni mátui a kuívua maji kuívua lémbue; mukonda diala dibhata dia xinuka.

Marku 4:12

Phala kia tala a tale, maji a kambe kumona; ki evua, evue, maji a xite mu thulu; a fule kubiluluka kua Nzambi, o kituxi kiá nʼa ki loloke.

Nzuá 12:40

Nzambi muene ua a fuisa mesu, iú ua a kolesa o miẋima; kuiengesa kuila ka mone ni mesu, nʼ a tongolole ni muẋima, nʼ a lunguluke dingi, eme ni ngʼ a sake.

Loma 11:8

Kala kia ki soneka mu Mikanda Ikôla, exi: Nzambi ua a kolesa o miẋima ni ilunji iâ. Katé ni lelu mesu mâ ma lémbua o kumona, o matui ma lémbua kuiva.

Matendelelu 29:4

maji-phe Jihova ka mi bhana o muxima ua kutetuluka, ni mesu phala kumona, ni mátui phala kuívua katé mu kizuua kia lelu.

II Tesalonika 2:5

Manhi enu ki mu lembalala? Ki nga kexile hanji kuenhoko, imʼ iii nga mi tangela-iu.

II Phetele 1:12

Mukonda dia kienhiki, ki nga-nda kueha o ku mi lembalesa jinga imʼiii, sumbala muaʼijiia, enu mua kolo kiá mu kidi ki mua tambula.