Marku 8:11 - O Mikanda Ikola

¹¹ Jifalizeu anga eza a kuata-nê jiphata. A bhindamena kuila u idikiza kisuma phala kulondekesa kuila o kutena kue kua tundu muene ku diulu, kua Nzambi.

Marku 8:11 ပူးပေါင်းရင်းမြစ်များ

Makatukilu 17:2

Bhenhobho o povo anga a di kuata ni Mozé, exi: Tu bhane menha, phala tu nue. Mozé anga u a ambela, uixi: Mua di kuatela-hi ni eme? Phala-hi mu bhumina Jihova?

Makatukilu 17:7

Kididi kienhokio anga u ki luka uixi: Masahe, a ki luka ue Medibah, mukonda dia mvunda ia anʼa Izalaiele, mukonda ue a bhumina Jihova, exi: O ki tualʼiki, tuila Jihova tuala-nê, inga kana?

Malakiia 3:15

O kiki-phe tua mono kuma akua izala a beta kuzediua; ni ió abhukumuka, a beta kutunga ni kumona; xi, ene ela a lokalala Jihova, a laia muene, ki kuizé kima.

Matesu 12:38

Amoxi-moxi ku asoneki ene mu longa o Kitumu, ni ku jifalizeu, anga a mu kumbulula, exi: Mesene tua mesena tu mona kisumua ki u bhanga.

Matesu 19:3

Jifalizeu anga jiza kua muène, phala ku mu londa, exi: Manhi mu Kitumu kietu ki kôla diiala kusenga muhatuʼê mukonda dia kikuma kiosokioso?

Matesu 21:23

Kia zubha kubhixila mu Tembulu, jinganga ja makota ni adiakimi ku mundu eza, a mu sanga iu longa, exi: Eie ungana uahi u uala na-u phala kubhanga imbambʼiii? Ungana iú nanhi ua ku bhana-u?

Matesu 22:15

Jifalizeu anga jiia, ji di longesa kioso kia mu kuatela mu kuzuela kuê.

Matesu 22:18

Jezú-phe, kuma uejiia unguma uâ, uixi: Mu ngi bhombela-hi, mu akua mangonha?

Matesu 22:23

Kizuua kienhókio anga kuiza jisaduzeu, ene mu kuila kana-ku difukunukinu.

Marku 12:15

Muène-phe kuma uejiia o makutuʼa, uixi: Mu ngi bhombela-hi, phala ku ngi kuata mu kizuelu kiami eme-muène? Ngi tambuisienu denádia, ngi di mone.

Marku 2:16

Asoneki-phe ni jifalizeu, kia mu mono kúdia kumoxi ni akua ituxi ni akua kutambula lubhaku, ambela jixibulu jé, exi: Muéne u tena kiebhi kúdia ni kúnua kumoxi ni akua kutambula lubhaku ni akua ituxi?

Marku 9:16

Muene ua ebhula, uixi: Mua kuata-nâ jiphata jahi?

Luka 10:25

Anga bhu balumuka mesene ia Kitumu, anga uambela Jezú, phala ku mu fikisa, uixi: Mesene, ngi bhanga kiebhi mù lundula o muenhu ki uábhua?

Luka 11:16

Amukuá mu ku mu fikisa, a mu bhinga ku a londekeza kisumua ki tunda mu diulu, mbé a londekese kuila o kutena kuê kua tundu kua Nzambi.

Nzuá 4:48

Jezú anga u mu ambela, uixi: Enu o kuxikana kuenu, kikale mu mona isunji ia makota ni madiuanu.

Nzuá 6:30

Exi: Eie-phe u bhanga kisuma kiahi, phala tu ki mone, ni tu ku xikane? Eie ua-ndu kalakala-hi?

Nzuá 7:48

Manhi, mua mono kuila mu makota ni mu jifalizeu, sai-mu muthu ua mu xikana?

Nzuá 8:6

Ene a zuela kiki mu ku mu londa, phala a mone kia ku mu ta mulonga. Jezú-phe u ngongama bhoxi, hé u kuata kusoneka ni mulembu mu mavu.

Jipoxolo 5:9

Phetele ua mu vutuila, uixi: Mukonda diahi eie ni muadi ué mua di longesa kubhumina o Nzumbi ia Ngana? Ivua bhu kanga o mixindu ia minzangala ió endele kufûnda munumiʼ é, eie ue anda ku ku ambata.

I Kolindo 10:9

Kana ue kubhumina kulola o kulenduka kua Ngana, kala kia mu bhumina ene amoxi-mu, anga a fua ku jinhoka.

Matendelelu 6:16

O Jihova Nzambi ienu kana ku mu lokalala, kala ki mua mu lokalela bhu Masá.