Marku 7:37 - O Mikanda Ikola

³⁷ Anga a diuana dingi kiavulu, exi: Muene o ima ioso u i bhanga kiambote! U bhangesa kuila o mixilu evua, o mabubu a zuela!

Marku 7:37 ပူးပေါင်းရင်းမြစ်များ

Dimatekenu 1:31

Nzambi anga u mona ima ioso ia iudika, kuma ia uabha muene kiavulu. Anga ku kala ngoloxi ni kimene, kizuua kia kasamanu.

Jisálamu 139:14

Nga sakidila Ngana, kuma ki kôla ki ua ngi iudika, ki kuata uoma! Ikalakalu ié, Ngana, madiuanu! kia ngi tetulukila muene kiambote.

Izaía 29:18

Mu kizuua kiná-phe o mixilu ia kʼèvua maka mu divulu, o ifofo ia kà ma muena mua vundu ni mu kitombe.

Matesu 9:32

Enhá kia zubha ku tunda, a mu bhekela dibubu dia saluka ni dimonho.

Marku 1:27

Ene oso anga a diuana, a kuata ku dibhudisa mudia, exi: Kueza-hi? Ulongelu uengi, kuambe! Muene u tumina ni ungana, kate ni jinzumbi jaxidi ji mu tumaka.

Marku 2:12

Muéne anga u balumuka, kithanganʼokio, u zangula muanza, anga u tubhuka bhu pholo ia ene oso. Ene oso anga a diuana, hé a ximana Nzambi, exi: Kienhiki kiluua tu ki mona.

Marku 4:41

Uôma anga u a kuata kiavulu, a di ambela mudia, exi: Mukua-hi muene u kala kiki, u bhinga ni kitembu ni mabhuku ma mu belesela?

Marku 5:42

Kithanganʼokio o kilumba u balumuka, he u enda, kuma uala kia mu kuinhi dia muvu niʼiadi. Enhoso kithanganʼokio anga a diuana kisuma kia dikota.

Marku 6:51

Anga u bhixila ku bote, u di longa momo. Kitembu anga ki batuka! Ene ku miẋima ia anga a diuana kiavulu, a kala mu teketa.

Marku 7:36

Muene anga u a tendelela kuma ka ki tangele muthu; ene-phe a suina ni ku ki fumanesa.

Marku 8:1

Mu izuua muenhomo, kukala dingi kifuẋi kia dikota, anga a kamba kudia. Muene anga u ixana jixibulu je ua ambela, uixi:

Luka 23:41

Etu mu kidi, o hadi ietu ia tu tokala muene, mukonda a tu bhange kia fuama mu ikuma ietu, muthu iú-phe, ka bha nge kima kiaiibha!

Jipoxolo 14:11

O mundu kia mono kia bhange Phaulu, anga a kola, mu mbimbi ia Likaonia, exi: Jinzambi ja tu tukulukila mu idifanganu ia athu!