Marku 7:34 - O Mikanda Ikola

³⁴ Bhenhobho anga u talesa ku diulu, u di tula muenhu, uixi: Efata, kífua uambe, uixi: Xitunuka!

Marku 7:34 ပူးပေါင်းရင်းမြစ်များ

Makatukilu 2:23

Mu kubhanga-phe izuua iavulu, muenexiʼa Ijitu u fua; anʼa Izalaiele anga a kema mukonda dia ubhika uavulu, a dikola, o kudikola kuâ anga ku banda kua Nzambi, mukonda dia ubhika uavulu.

Izaía 53:3

Kia kexi, a mu di tunu, muene o muthu a beta o ku mu tènda ni ku mu sebulula mu athu oso; mukua misusu; muthu uejidila o kutala hadi; uedi kala ió athu a mu bhana jinga dikunda ni ku mu suekela o pholo; kia kexile a mu ehelela, ki bhuala dingi muthu ua mu suu.

Marku 1:41

Jezú-phe, kuma henda ia mu kuata, ua sunununa lúkuaku lué, hé u mu babata, uixi: Nga mesena! Ngi ki bhanga muene; disanze!

Marku 15:34

Mu ola ia kavua. Jezú anga u di kola ni dízui dia suina: Eloi, Eloi, lama sabachthani! Uambe, mu ku ki lombolola: Nzambi iami, Nambi iami, ua ngʼehelela-hi-á?

Marku 5:41

Anga u kuata o mona mu lukuaku, u mu ambela, uixi: Talita, kumi! Uambe, mu ku ki jimbulula: Kilumba, nga ku tumu kubalumuka!

Marku 6:41

Muene anga u tambula o mbolo jitanu ni mbiji jiiadi, u bhetula mesu ku diulu, he u sakidila Nzambi. U bhasujula o jimbolo, anga u ji bhana jixibulu phala ku a uanena. Ni jimbiji ua a uanena-ju ene oso.

Marku 7:35

Mátui-mê anga ma xitunuka, o dimi die di zoza mu kithangana kienhókio, anga u zuela, u batula kiambote.

Marku 8:12

Muene anga u di tula muenhu ni mukondo ua muẋima, uixi; Phala-hi o muiji uenhú ua bhindamena kisuma? Ngi tanga o kidi, kana-ku kisuma kia bhana ku muiji uenhú.

Luka 18:42

Jezú u mu ambela, uixi: Tambulaku o kumona. O kuxikana kuê kua ku bhana ku di sanza.

Luka 19:41

Mu kuia mu kubhiẋila, u mona o mbanza, anga u i dila, uixi:

Luka 7:14

Anga u bhixila hé u kuata ku ditumba. O ió oso a di ambata, anga emana. Uixi-phe: Eie kaiala, nga ku ambela: Balumuka!

Nzuá 11:33

Jezú bhenhobho, kia mono Madiia kudila, ni Jijudé jí dila, eza-nê kumoxi, u kumba ku muẋima uê, malamba a mu kuata,

Nzuá 11:35

Jezú anga u dila.

Nzuá 11:38

Jezú anga u kala mù kumba dingi luamukuá ku muẋima uê, anga uia katé bhu mbila. O mbila iene iala mu dibánda, ia a xiti-ku ditadi.

Nzuá 11:41

Anga a katula-ku o ditadi. Jezú anga u bhetula mesu bhulu, uixi: Tata, nga ku sakidila kuma eie ua ngʼ ivu.

Nzuá 11:43

Kia zubha o kuzuela kiki, ua di kola ni dízui dia suina, uixi: Lázalu, tunda ku kanga!

Nzuá 17:1

Kia zubha kuzuela ima iíi, Jezú u bhetula mesu bhulu, uixi: Tata, kumbi dieza-bhu kiá. Jingisa Monʼ é, o Monʼ é nʼ a ku jingise eie.

Jipoxolo 9:34

Phetele anga u mu ambela, uixi: Eneia, Jezú Kristu ua ku sake. Balumuka, u bhange o hama ié. Muène kithanganʼ okio u balumuka.

Jipoxolo 9:40

Phetele-phe ua tumu ku a tundisa ene oso, anga u fukama, u samba. Anga u lunguluka kuala o kimbi, uixi: Tabita, balumuka! Muêne anga u tona o mesu, o kia mono Phetele, u bhetuka, hé u xikama.

Jihebeleu 4:15

O Nganga ietu ia Dikota u tena kuivua o malamba metu. Mukonda o Nganga ia Dikota muenʼiú, a mu thendalele mu ima ioso kala etu-ene, maji sé ngó ku ta kituxi.