Marku 7:21 - O Mikanda Ikola

²¹ Kuma moxi, ku miẋima ia athu, kuene ku tunda ilunji iaiibha: Maundu-mbu, mauíii, ijibha, jiphanda, unjènje, makutu,

Marku 7:21 ပူးပေါင်းရင်းမြစ်များ

Dimatekenu 6:5

Ngana anga u mona kuma o kubhuma ni kubhukumuka kua muthu kua di vuala mu ngongo, o ilunji ioso ia ku xinganeka kua muxima uê, ia ibha ithangana ioso.

Dimatekenu 8:21

Ngana anga uívua dizumba diambote; Ngana anga uamba ku muxima uê, uixi: Ki ngi tona dingi, ixi ku i ta mázui mukonda dia muthu, kuma ilunji ioso ia ixinganeku ia muthu, iaiibha tunde mu undenge uê; ki ngi tena dingi ue o kubuikisa mienhu ioso, kala ki nga bhangʼiki.

Jobe 14:4

Nanhi u katula kima kia zele, mu dixidilu? Ki bhuala muthu!

Jobe 25:4

Muthu-phe u kala kiebhi ni kuiuka bhu pholo ia Nzambi? Ió a mu vuala ku (monʼa) muhatu, u kala kiebhi ni kuzela?

Jisálamu 119:36

Muẋima uami u zuame ku umbangi ué, ki u zuame ku ima ia luimbi.

Jisálamu 14:1

Kiôua u kí amba ku muẋima uê, uixi: Kana-ku Nzambi. Athu ene oso muene ala ifusa, a bhanga imbamba ia isunji, ki bhuala ngó muthu u bhanga mbote.

Jisálamu 14:3

Ene oso a baluka, ene oso muene abolo; ki bhuala u bhanga mbote, né umoxi ngó.

Jisálamu 53:1

O kiôua ua ki ambe ku muẋima uê, uixi: Kana-ku Nzambi! Athu ala muene ifusa, a bhanga isunji iaiibha; ki bhuala ngó u bhanga mbote.

Jisálamu 53:3

Ene oso a dianguka, ene oso muene abolo; ki bhuala u bhanga mbote, ki bhuala, né umoxi ngó.

Jisabhu 15:25

Jihova hinu ua-nda ku muanga onzo ia akua-izala; maji o jimbambe ja undundu ua mutudi ua muhatu u ji soma kiambote.

Jisabhu 4:23

Ku ioso ia fuama ku langa, langa o muẋima ué, kuma mu muẋima muene muala o dimatekenu dia matundilu moso ma muenhu.

Izaía 59:13

Tuedi ni kulueza, ni ku ta makutu mu ku bilukila Jihova, ni ku ta dikunda kua Nzambi ietu, tuexi ni kuzuela kua ungumba ni kubhukumuka, ni kuimita ni kulusa maka ma mangonha ku muẋima.

Izaía 59:7

Inama iâ i lenga mu ku bhanga phulu, a sakalela mu kubhubhisa manhinga ma muthu ua kambe kikuma; o ilunji iâ i funha ikuma mu ikuma; kubuika ni kubhondalala kuenhé mu njila jâ.

Jelemiia 16:12

Enu-phe mua beta ku zanga, o jitata jenu ndenge; mbata, talesa hanji muthu ni muthu mudienu kia kuata ku kaiela kia mu tumu o muẋima uê ua kubhukumuka, mbé o kufula ku ngi bhana eme o mátui.

Jelemiia 17:9

O muẋima ua muthu u bhomba kinéne, ima ioso ndenge, ua bhukumuka kiavulu: mukuahi u tena ku uijiia?

Jelemiia 4:14

Sukula o muẋima ué ku usuéia, eie u Jeluzaleme, nda u tene kubhuluka; katé bhebhi u jijila momʼué o ixinganeku ié ia ibha?

Izekiiele 38:10

O Jihova Nzambi uambe kiki: O mu kizuuʼomo kia kà bhita kuila o ku muẋima ué ua kà kala ni ixinganeku, hé ua kà funha kima kia ibha.

Matesu 15:19

Mbata mu muẋima muene mu tunda ixinganeku iaiibha; makujibha, jiphànda, maundumbu, mauii, maumbangi ma makutu, makuxinga.

Matesu 9:4

Jezú kuma uejiia mabanzelu mâ, uixi: Phala-hi muala mu xinganeka kiaiibha mu miẋima ienu?

Marku 7:20

Uixi: Kioso ki tunda moxiʼ a muthu, kiene ki kasanesa o muthu.

Marku 7:22

Maluimbi, úsueia, ufumbe, ufusa, dixinga, jindaka, kutatela, ukumbu, uoua.

Luka 16:15

Jezú-phe anga ua ambela, uixi: Enuenu mu akua kudiuabhesa bhu pholo ia athu, Nzambi-phe ua mijiia o miẋima. Kuma sai ni kima a ki ximana mu ʼaxaxe ka athu, kua Nzambi-phe ufusa.

Jipoxolo 5:4

O ki ia kexile, ki oxi ié eʼmuène? O ki ua i sumbisa, kitadi ki kia kexile kié eie-muène hanji? Kimʼ iki-phe kia kuiza kiebhi ku muẋima? Eie o makutuʼ ama, ku ma tela athu, kana! Ua ma tela Nzambi!

Jipoxolo 8:22

Diela kindala o kubhuma kué kuku, u sambele Ngana, sumba ki ua fikile ku muẋima u ku lolola-kiu.

Loma 7:5

Kuma ki tua kexile mù laiela mu kikexilu kia xitu, jihanji ja ituxi, mukonda dia Kitumu, ja suinine dingi kiavulu mu idiandu ietu, phala ji kale luvualu lu tu bhekela kalunga.

Loma 7:8

Maji o ituxi-phe ia katula nguzu ku Kitumu, íii ia ngi vunza moxi o maluimbi moso. Kuma bhua kambe Kitumu, o ituxi iafu.

Kolose 3:5

Uila kiki, o jihânji jenu ja mu ngongo jala kukalakala moxi dienu, jibhenu-ju: ni undumbu, ni ufusa, ni hânji jaiibha, ni vondadi jabolo, ni luimbi, ku ma o luimbi lua soko ni kukaiela iteka.

Tito 3:3

Kuma mʼokulu etu-ene tua kexile, tua tobho, tua xibhaka, tua di nganala, tua bhikila maluimbi ma vula matelu, ni jihânji joso, tuende ni phulu ni dixinga, tua iibha, tua di zemba mudietu.

Tiiaku 2:4

Mu kubhanga kiki, enu muala kuia ni kuditungula mudienu muene, enu muala kuia ni kuxinganeka akuenu ni ilunji iaiibha.