Marku 7:15 - O Mikanda Ikola

¹⁵ Kana kima ku kanga dia muthu ki tena ku mu bokona ni ki mu kasanesa; maji o ima-phe i tunda moxi dia muthu, iene i kasanesa o muthu. [

Marku 7:15 ပူးပေါင်းရင်းမြစ်များ

Jisabhu 4:23

Ku ioso ia fuama ku langa, langa o muẋima ué, kuma mu muẋima muene muala o dimatekenu dia matundilu moso ma muenhu.

Matesu 12:34

Enu mu muiji ua madiuta! Mu tena kiebhi, ki mua iibhʼiki, o kuzuela ima iambote? Mbata kioso kiezala mu muẋima, kiene ki zuela o dikanu.

Matesu 15:16

Jezú-phe, uixi: Ni enu uenu, kífua hanji mua kambe ku kʼijiia?

Marku 7:14

Jezú anga u ixana dingi o kifuẋi, he ua ambela, uixi: Ivenu enu oso kioso ki nga-nda kuzuela nda mu ijiie:

Marku 7:16

Uoso uala ni matui ma kuívua, evue.]

Jipoxolo 10:28

Anga ua ambela, uixi: Enu mua kʼ ijiia kuma muthu uala Judé, a mu kidika o kukuata ukamba ni mukua ʼxi iengi, mba kubokona ngó mʼ onzo iê ni kubhongoloka-nê kumoxi. Maji eme-phe Nzambi ua ngʼ idikiza kuma ki ngâmbe dingi muthu kuiibha mba kuxila.

Loma 14:17

Kuma o Utuminu ua Nzambi ki ua kudia ni kunua, maji ua kuiuka, ni kutululuka, ni kusanguluka ku bhana o Nzumbi Ikôla.

I Kolindo 10:25

Ioso ia sumbisa bhu soki, diê-nu ngó, kana kuibhula kima mukonda dia kitongoluelu.

Tito 1:15

Uazele, ima ioso i mu zela. Kua iâ phe a bolo, a kambe kuxikana, kana-ku kima kia zele, mukonda ni kilunji kiâ, ni muẋima uâ moxi, ua bolo.

Jihebeleu 13:9

Ki mu ehele ku mi sendumuna ku maulongelu mengi mʼeza-ku, ma vulu o matelu ni a mi katule mu njila ia kidi. Kima kia uabha o muẋima ku kuata kididi mu kiadi kia Nzambi, kana mu kutumaka ijila ia kutungula makudia. Kuma oso a tumaka o ijila ienʼiii, ka tena kubhanduluka-ku kima.

Jihebeleu 9:10

Iene ioso íii ia tange ngó makudia, ni makunua, ni nzungule ia jifesa ja ku di zelesa. Ilekelelu ia xitu i sedivila ngó kathangana katé Nzambi kia kà bhangulula o ima ioso.