Elija bhenhobho u zukama ku kifuẋi kioso hé u ambela, uixi: Kumbi kuxi di mua-ndu lémbua kutenguina bhu kaẋi ka ixinganeku iiadi? O Ngana se muene Nzambi, mu kaiedienu! Maji ki ki kala o Bahale mua mu mono kuma muene ua tokala, mu kaiedienu. Kifuẋi-phe a di xibhʼâ, ka mu vutuila kima.
Bheneʼobho muene uixi: Ndé muene, uambela mundu iú, o kuívua muivenunu, anga mu tokoka o kuijiia; o kumona mu monenunu muene, anga mu tokoka o kutongolola.
Kienhiki, o Maka ma Nzambi mua ma selula ni kífua kienu ki mua tambula ku jitata jenu, ni ku ki sambukisa ku alulu ni ku alaula. Sai ue dingi ima iavulu i mu bhanga, ia difu kiki.
Bhu ʼaxaxiʼabha, kia di bhongolola o kifuẋi kia jimidi ja athu, katé kia kala mu ku di diota, Jezú u kuata kuambela o jixibulu jê, uixi: Alukenu o kithûthume, kia ulongelu ua jifalizeu, mukonda dia umbomboku-mbodi uâ.
Felipe anga u lengela ku dikalu, hé u mu ivua uala mu tanga mu divulu dia polofeta Izaia. Anga Felipe u mu ambela, uixi: Eie ki uala kutanga kia ku jimbulukila?