Marku 6:6 - O Mikanda Ikola

⁶ Anga u diuana mukonda dia kuxibhaka kua. Jezú anga u nhunga kia ngo mu jisanzala ni kulonga.

Marku 6:6 ပူးပေါင်းရင်းမြစ်များ

Izaía 59:16

O kia mono kana-ku muthu mukua kilunji, ua diuana-kiu kuila ki bhuala muthu ua di-tambulula ulemba; kienhiki lukuaku luê-muène lua mu bhekela ubhulukilu, kuiuka kua-muene kuene kua mu imika.

Jelemiia 2:11

Kua kexi kiá kifuxi, ki tolokala jinzambi jê, kia di kalela kiua jene ki jinzambi? Maji-phe o mundu uami a tolokala o fuma iâ (o kimuenhu kiâ), iá a tambula kima ki ki bhandulula kima.

Matesu 4:23

Jezu anga u nhunga Ngalileia ioso ni kulonga mu malombe mâ, ni kuta Maka ma utuminu ua Nzambi, ni ku saka jihaxi ni inema muʼ axaxi ka mundu.

Matesu 8:10

Jezú kia zubha ku kʼ ivua, ua diuana, anga u ambela iá oso a mu kaiela, uixi: Kidi kiene, kuxikana kala kiki, ki nga ku sange luua, né mu Izalaiele!

Matesu 9:35

Jezú anga u nhunga mu jimbonge joso ni mu jisanzala, ni kulonga mu malombe, ni kuta Maka ma Utuminu uê, ni kusaka jihaxi joso ku makukata mâ ni ku mauhaxi mâ moso.

Marku 1:39

Anga uia ku Ngalileia ioso ni kutanga maka ma Njimbu Iambote mu malombe má, ni kutundisa o madimonho.

Marku 10:1

Kubalumuka bhenhobho, Jezú uiza bhu mbambe ia Judeia, ku sambua dia Njoloda; ifuẋi anga i mu bhongolokela dingi; muene anga u kala mu longa kala ki ene o kífua kiê.

Luka 13:22

Jezú anga u bhita mu jimbanza ni ku mabhata mu kulonga, mu njila ia kuia ku Jeluzaleme.

Luka 4:31

Jezú anga u kulumuka mu Kafanau, sanzala ia Ngalileia, anga u kala mù longa izuua ia sabhalu.

Luka 4:44

Anga Jezú u kala kienhiki mù longa mu malombe ma Ngalileia.

Nzuá 9:30

Muène u a vutuila, uixi: Kidiuanu, ki mua kambe ku mu ijiia kuoso kua tundu, sumbala ua ngi jikula o mesu!

Jipoxolo 10:38

Muejiia ue o maka ma Jezú dia Nazalé, kioso Nzambi kia mu undu ni Nzumbi Ikôla, iú ua mu bhana ni kutena. Muène anga u nhunga ku mbandu joso ni kubhanga o mbote, ni kusaka oso a a tatesa kuala Diabhu, kuma Nzambi uala-nê.