Marku 6:41 - O Mikanda Ikola

⁴¹ Muene anga u tambula o mbolo jitanu ni mbiji jiiadi, u bhetula mesu ku diulu, he u sakidila Nzambi. U bhasujula o jimbolo, anga u ji bhana jixibulu phala ku a uanena. Ni jimbiji ua a uanena-ju ene oso.

Marku 6:41 ပူးပေါင်းရင်းမြစ်များ

Matesu 14:19

Muène anga u tuma mundu kuxikama bhu iangu. Hé u katula o mbolo jitanu, ni mbiji jiiadi, u tala ku diulu, u sakidila Nzambi, anga u kuata kubhasujula o jimbolo ni ku ji bhana jixibulu, ene hé a kala mu ji uanena o mundu.

Matesu 15:36

Anga u zangula sambuadi dia mbolo, ni tumbiji, hé u sakidila Nzambi, u ji bhasujula, anga u ji bhana ku jixibulu, o jixibulu anga ji bhana o kifuẋi.

Matesu 26:26

O kia kala mù kúdia, Jezú u katula mbolo, u sakidila Nzambi, hé u i bukujula, anga u i uanena jixibulu, uixi: Amenu, mu die. Uene o mukutu uami.

Marku 14:22

O kia kala mu kudia, Jezú u katula mbolo, o kia zubha kusakidila Nzambi, u i bhasujula, anga u a uanena, uixi: Dienu! Iú uene mukutu uami.

Marku 6:40

Ene he a xikama ku misambu, kala kibuka hama, kala kibuka makuinhi atanu.

Marku 6:42

Ene oso anga a dia, he ekuta.

Marku 7:34

Bhenhobho anga u talesa ku diulu, u di tula muenhu, uixi: Efata, kífua uambe, uixi: Xitunuka!

Marku 8:19

Ki nga uanena o mbolo jitanu, ku midi jitanu, ibhasu mua i nona ngalu jikuẋi? Exi: Kuinhi dia ngalu ni kiiadi.

Luka 24:30

Kia zubha-phe kuxikama ni ene ku meza, muène u tambula o mbolo, hé u sakidila Nzambi. Anga u i bukula, u a bhana-iu.

Luka 9:16

Jezú anga u tambula o jimbolo jitanu ni mbiji jiiadi, u zambula mesu ku diulu, hé u sakidila Nzambi. Anga u ji bula-bula kumoxi ni jimbiji, hé u ji bhana jixibulu, mu ku uanena o kifuẋi.

Nzuá 11:41

Anga a katula-ku o ditadi. Jezú anga u bhetula mesu bhulu, uixi: Tata, nga ku sakidila kuma eie ua ngʼ ivu.

Nzuá 17:1

Kia zubha kuzuela ima iíi, Jezú u bhetula mesu bhulu, uixi: Tata, kumbi dieza-bhu kiá. Jingisa Monʼ é, o Monʼ é nʼ a ku jingise eie.

Nzuá 6:11

Jezú anga u tambula o jimbolo, u sakidila Nzambi, anga u a uanena, oso a xikama. Ua a uanena ue o mbiji anga a dia kioso kia tena, katé ki ekuta.

Nzuá 6:23

sumbala ki kuákie kuejile jibáluku jamukuá ja tundu mu Tibeliiade, anga ji bhixila bhu kididi bha dile o jimbolo, kia zubha Ngana kusakidila

Jipoxolo 27:35

Phaulu kia zuela kiki, ua tambula o mbolo anga u sakidila Nzambi ku mesu ma ene oso, anga u bukula-ku u kuata mu kudia.

Loma 14:6

Uoso u xila o kizuua, kuma ua ki mono kia beta kota, Ngana muène a mu ẋidila-kiu. O ió udia ima ioso, ua dila Ngana, kuma ua sakidila Nzambi ua mu bhana o kudia. O ua kambe kudia ima imoxi-mu, ua ki bhangela o kubhana ujitu kua Ngana, anga u sakidila Nzambi.

I Kolindo 10:31

Uila kiki, kixi mu kudia, kixi mu kunua, mba mu kubhanga kima kiosokioso, iene ioso i kale ia kuximanesa Nzambi.

Matendelelu 8:10

Kioso ki mua kà dia hé mua kèkuta, mua kà ximana Jihova Nzambi ienu, mukonda dia ixi iambote ia mi bhana.

Kolose 3:17

Kala kiki, ioso-ioso-phe i muila, kixi mù zuela, kixi mu kubhanga, iene ioso bhangenu-iu mu dijina dia Ngana Jezú, hé mu sakidila jinga Nzambi Tata kua muène.

I Samuuele 9:13

Mua-nda kuila mu tukuluka ngó mu nzunga, mu takana-nê kindala kioso kiluua a banda ku thala mu kúdia; kuma akua bhata ka xikina luua kúdia katé muene kia benzela o sata; kiene kiua ki adia, oso a a kuvitala. Bandenu kiá, kiki kiene o kithangana kia kutakana-nê.