Marku 6:21 - O Mikanda Ikola

²¹ Ku bhiẋila-phe bhu kizuua kia tokala kia Helode kutenesa mivu, u bhangesa kizokola kia jitata je, ni jikabhitangu, ni adiakimi a Ngalileia.

Marku 6:21 ပူးပေါင်းရင်းမြစ်များ

Dimatekenu 27:41

Izaú anga u zemba Jakobo, mukonda dia dibesá diodio dia mu zediuisa na-diu tatʼâ; Izaú anga u amba ku muxima uê, uixi: Izuua ia thambi ia phaietu ia zukama; phange iami Jakobo, kiene kiua ki ngi mu jibha.

Dimatekenu 40:20

Mu kubhiẋila-phe bhu kizuua kia katatu, kizuua kia Falaó kubhanga mivu ia ku mu vuala kuê, u bhanga fesa ia jiselevende jê joso; anga u bhetula mútue ua kopelu ia dikota ni padelu ia dikota mu, axaxi ka jiselevende jê.

Estere 2:18

Muenexi anga u bhanga fesa ia dikota ia jifixiiadi jê ni akua mbèle iê; i kala fesa ia fuma ia Estere. Mu sengu joso anga u a bhana hanji kithangana kia kunhoha, o mundu u a uanena maujitu ma kutubhula ni kuidikiza o fuma ia muenexi.

Estere 3:7

Bhu mbeje ia kamoxi, iene mbeje ia Nisane, ku muvu ua kuinhi ni kaiadi ua Asuuelu kukala ku ungana, a kuata kuta Pudi, kifua kuta josorte bhu pholo ia Hamane izuua ioso, kuiza kizuua kiene, kuiza mbeje kiene, katé bhu mbeje ia kuinhi ni kaiadi iene mbeje ia Adale.

Hozeia 7:5

O bhu kizuua kia fesa ia sobha ietu, jingana ja di katesa ni vinhu, ià nuina enhoso kumoxi mu kilunga kia jisemenhi.

Luka 3:1

Ku muvu ua kakuinhi ni itanu ua utuminu ua Tibéliu Sézalu, kioso ki ala Pônsio Pilatu nguvulu ia Judeia, ni Helode sobha ia Ngalieleia, ni pangiʼê Filipe sobha ia Ituleia ni ixi ia Talakonite kumoxi, o Lusanha uala sobha ia Abilene;

Jipoxolo 25:23

Ki kuakie, Ngilipa ni Mbelenise eza ni kukemba kuavulu. A bokona mu sala, ni jikomanande, ni makota ʼathu mu mbongeʼomo. Festu bheniobho anga u tuma Phaulu eze.

I Phetele 4:3

Kuma o thembu ia bhiti-ku ia soko kiá ia kubhanga ioso ia uabhela kubhanga o matumbu, kejiia Nzambi. Mukonda mu thembuʼomo enu uenu mua kexi mu kuenda mu jiphànda, ni mu jihânji ja xitu, ni mu uhôlua, ni mu ufusa, ni mu jifesa ja kukodiua, ni mu isunji iaiibha ia kubheza o iteka.

Dijingunuinu 11:10

Athu a tungu mu ngongo a di bhana jiphèmbele, a kala mu kuolela, mukonda dia kúfua kua mbangi jiiadʼiji. O mu kutana kuâ, a di tumikisa maujitu, mukonda exi polofeta jiiadʼiji ja kexile ku a tatesa kiavulu ene oso a tungu mu ngongo.