Marku 6:20 - O Mikanda Ikola

²⁰ Mukonda Helode muene ua kexile ni uoma ua Nzuá, mbata ua mu ijiia kuma muthu ua iuka, muthu ua ngene ukola, iu ua mu bhake bhua kondama. O ki a mu ivua jinga kuzuela, u tandanganha, ni kia kubhanga ka ki mono. Suke kiene, maji u kala ni vondadi ia ku mu ivua.

Marku 6:20 ပူးပေါင်းရင်းမြစ်များ

I Jisobha 21:20

Anga Akabe uambela Elija, uixi: Kiebhi nguma iami, ua ngi bongo kiá? Kuala muene: Nga ku bongo muene! Mbata eie ua di sumbisa kiá mu kubhanga kiaiibha ku mesu ma Ngana.

II Jisobha 13:14

Anga Ilizeu u kala mu kata, o uhaxi ue ueniú uene uafu na-u. O Jehouaji-phe, sobha ia Izalaiele, u kulumuka kua muene mu ku mu hindula; u didila mu pholo iê, uixi: Tatʼetuʼé, tatʼetue, makalu ma Izalaiele, ni athu é a sambelà-mu!

II Jisobha 6:21

O sobha ia Izalaiele kioso kia a mono, uambela Ilizeu, uixi: Ngʼa jibha kiá, ngʼa jibha kiá, Tatʼetu?

II Malunda 24:2

Jouaji anga u bhanga ima ia kuiuka bhu pholo ia Jihova, mu izuua ioso ia nganga Joiada.

II Malunda 26:5

Mukonda ua di bhana mu kusota Nzambi mu izuua ia Zakadiia, muthu ua kexile mbâmba mu iusukila ia Nzambi; o mu izuua mua sota jinga Jihova, Ngana Nzambi ue ua mu zediuisa.

Makatukilu 11:3

Jihova anga u bhana o mundu uê ngalasa ku mesu a akua Ijitu. Ni Mozé ua di bhange kilamba kia dikota mʼoxi ia Ijitu, a mu xila ni ku mesu a akua mbèle ia Falaó, ni ku mesu a mundu uoso kiá.

Izekiiele 33:32

Eie-phe kiá ua di bhange u kamuimbu kâ ka jihenda, kamuimbu ka ió uoso uala ni mbimbi ia tululuka, uejiia ue o kuxika kiambote; mukonda o maka mé a evua muene, maji ka xikina ku a bhanga.

Daniiele 4:18

Kiene ki nganjiua ku nzojʼiki, eme, sobha Nabukodonozolo. Eie-phe, Beltexazale, jimbulula o dijingunuinu diê; kuma jinjimu joso mu utuminu uami a di lémbua, ka tena ku ngʼijidisa o dijingunuinu dia dilomboluelu diê; maji eie uasoko-bhu; mbata momué muala nzumbi ia jinzambi jikôla.

Daniiele 4:27

Kala kiki, sobha, tata, xikina kaiula kamiʼaka, sota kubhanga kia iuka, u di bhuise ituxi, bhanga henda ku jingadiama, u di bhuise o phulu, kifua o kiki nga ki ambe sumba hanji kua ku xiala thembu ia ku di-bhola hanji ku mátui.

Daniiele 5:17

Daniiele-phe u kumbulula bhu pholo ia sobha, uixi: Maujitu méʼomo ma kale phala eie, hé uedi ufuta, futa muthu uengi! Maji o mixinda ia kisoneku ku i tanga ngi ku tangela-iu, anga ngi ku bhana o dijimbuluilu diê.

Matesu 14:5

O kiejile ku mu jibha, ua kexile ni uôma ua mundu, mukonda o Jijundé a mu xikana kuma polofeta.

Matesu 21:26

O ki tuila, tuexi: Ku athu, tuala ni uôma ua mundu, mukonda ene oso a tambulula Nzuá kuma polofeta.

Marku 11:18

O makota ma jinganga ni jimesene ja kulonga o Kitumu a kʼívua, anga a kala mu ku mu kanena kioso kia mu jibha, mukonda a mu kuatela uoma, mbata o mundu uoso a mu diuana ulongelu ue.

Marku 4:16

Oso a a kuua bhu ndanji ue, kiene; enhá ki evua maka, kithanganʼokio a ma tambulula ni ngalasa.

Nzuá 5:35

Nzuá ua kexile mukuâ ni kandeia ka uama, ka muika; enu-phe kia mi uabhelele kusanguluka kathangana mu mukengeji uê.

Jipoxolo 2:12

Ene oso anga a diuana, a kuata phata mudiâ, kuma ni kia kuxinganeka ka ki mono, hé a di ambela mudiâ, exi: O ima iosuʼ iíi, ia lombolola kiebhi?

Jipoxolo 5:24

Kiki kabhitangu ka Tembulu ni jinganga ja makota, kia zubha kuívua hundu iíi, a kumbikinha. Kuma kejiia kioso kia bhiti ni Jipoxolo! A kala mu banza mba kienʼiki kianda kusoka kiebhi!