Marku 6:15 - O Mikanda Ikola

¹⁵ Amukuá-phe exi: Elija. Amukuá exi: Polofeta, mukua ni jipolofeta jòkulu.

Marku 6:15 ပူးပေါင်းရင်းမြစ်များ

Malakiia 4:5

Talesenu, kuma eme ngi mi tumikisa polofeta Elija, kiosuʼiki kiluua kiza kizuua kiókio kia Dikota, kia Ngana, kizuua ki bheka uôma.

Matesu 16:14

Kuala ene: Amoxi exi: Nzuá dia Batizu; amoxi, exi: Elija; amukuá exi: Jelemiia, mba muthu ku jipolofeta.

Matesu 21:11

Kuala mundu, exi: Muène polofeta, Jezú mukua Nazalé ku Ngalileia.

Marku 6:16

Helode-phe kia kʼivu, uixi: Nzuá dia Batizu nga mu batuile o mutue, muene ua fukununa!

Marku 8:28

Maxibulu a mu tangela, exi: Amoxi-mu a mu kuila exi Eie Nzuá dia Batizu; amoxi, Elija; amoxi exi, Muthu ku jipolofeta.

Luka 1:17

Muène u kala mukunji ua Nzambi, ua kà soka ni polofeta Elija mu nguzu ni kutena, nʼa kà bhangesa kuila o ana ni jitata a dʼivua, o ió abhukumuka a kà vutukila mu njila ia kuiuka, nʼa tena kubhangesa kuila o kifuẋi kia diembu dia Izalaiele ki di iudika mu kuxikamena o kuiza kua Ngana.

Luka 7:16

Uôma anga u a kuata ene oso, a kala mu tondela Nzambi, exi: Mueza polofeta ia dikota mu ʼaxaxe ketu! Nzambi a tane-ku! Ua zungila o kifuẋi kiê!

Luka 7:39

Falizeu-phe ua mu ixanene, kia ki mono, uedi ni muẋima uê, uixi: Muenhú se ua kexile polofeta, ueji kuijiia mbutu ia muhatu uoso ua mu mu kuata kiki, kuma mukua-ituxi.

Luka 9:19

Ene a mu vutuila, exi: Amoxi-mu a mu kuila kuma eie Nzuá dia Batizu. Amukuá kuma eie Elija. O amukuá a mu kuila kuma ku jipolofeta jòkulu kua fukunuka muthu.

Luka 9:8

Amukuá exi: Elija ua tukuluka! Amukuá exi: Ku jipolofeta jòkulu, kua fukunuka muthu!

Nzuá 1:21

Ene anga a mu ibhudisa dingi, exi: Tuila-phe kiebhi? Manhi eie Elija? Uixi: Kana! Ki eme. Exi: Eie polofetʼoio tuene ku mu kinga? Uixi: Kana.

Nzuá 1:25

Anga a mu ibhudisa dingi, exi: Ihi-phe ia ku bhangesa kubatizala, se eie, ki eie u Kristu, ki eie Elija, ki eie u polofetʼoio tuene ku mu kinga?

Nzuá 6:14

Athu kia zubha kumona o kidiuanu kia bhange Jezú, exi: Kidi kiene! Iú muene polofeta a kexi ku mu kinga mu ngongo!

Nzuá 7:40

Athu amukuá mu kifuẋi, ki evu makʼ ama, exi: Muenhó polofeta, kidi kiene!

Nzuá 9:17

Bhenhobho jifalizeu anga ambela dingi o kifofo, exi: Eie uambe kiebhi, kua ió ua ku jikula o mesu? Uixi: Muène, polofeta.