Marku 6:11 - O Mikanda Ikola

¹¹ Bhuoso-phe bhua kamba ku mi tambulula, ni ku mʼívua, ki mu tunda-bhu mu a kukumuina fufuta ia mi naminina ku inama, mu ku a bhana umbangi ua kuela kua. Kidi kiene ngi mi ambela, kuma akua Sodoma ni Ngomola a ka beta ku a lendukila mu kizuua kia kufundisa, akua kididi kiokio kana.

Marku 6:11 ပူးပေါင်းရင်းမြစ်များ

Nehemiia 5:13

Eme uami ngi kukumuna homba iami, ngixi: Kienhiki Nzambi kia kukumuna muthu uoso mʼonzo iê ni ku kikalakalu kiê u fula kutumaka kizuelu kiki, u mu kukumuna kienhiki anga u xala hatu! Kuala kionge kioso: AMÉM! Anga a ximana Ngana; kifuxi kioso ka zuela dingi kima, anga a bhanga kala kiambe o kizuelu kiki.

Matesu 12:36

Ngi mi ambela-phe kuma, maka moso ma ulalu ma tanga athu, a kà ma bhela konda mu kizuua kia kufundisa.

Marku 6:10

Uixi dingi: Dioso dibhata di mua tula, inzo ioso i mu bokona, muene mu mu kala, kate ki mu katuka.

Luka 9:5

Oso-phe a kamba ku mi tambulula, ki mu katuka mu mabhatʼomo, mua kà a kukumuina o mavu a mi naminina ku inama ienu, mu ku a bhakela umbangi.

Jipoxolo 18:6

Ene-phe a lungulukila Phaulu, hé a ẋinuka ni ku mu xinga. Muène anga ua a kukumuina izuatu iê, uixi: Enu se mu texika, o manhinga menu ma kala ku thandu dienu! Eme nga zele, tunde kiki ngi di lunga kiá ni akua matumbu.

Loma 2:16

Kiene ue ki kia kà kala mu kizuua kia kà fundisa Nzambi ikutu ioso ia sueka athu, kua Jezú Kristu, kala ki ngambe mu Njimbu Iambote i ngene mù tula.

Loma 2:5

Maji eie-phe mu kukola kuê kua muẋima ni kuxibhaka, mu kubhanga kiki, eie ua kuata ku di lundila dingi njinda katé bhu kizuua kia njinda, kia kà tukuluka o kufundisa kualuka kua Nzambi.

II Phetele 2:6

Ni jimbànza ja Sodoma ni Ngomola Nzambi ua ji bhange uthôkua, ua jʼêlesa ni ji kale ngó jingundu, mbé ji kale kijimbuete kua ió oso enda ni kubhuma.

II Phetele 2:9

Kienhiki Nzambi uejiia kukudila akua uôma uê muʼ axaxi ka kudianguka, o akua ikuma u a bhaka katé bhu Kizuua kia Kufundisa, kuma a xikamena kaxtiku.

II Phetele 3:7

O maulu kiki ala-ku, ni oxi-phe, mu kizuelu kiene kimoxi kia Nzambi, ia xikamena tubhia. A i bhake katé bhu Kizuua kia Kufundisa, kia kubuikisa athu abhumu.

I Nzuá 4:17

O henda iatenena mo muetu se tuala naiu ia soko, i bhuisa uôma mu Kizuua kia kufundisa. Mukonda kioso ki ala muène Kristu, etu ue kiene ki tuala mu ngongʼumu.

Juda 1:7

Lembalalenu ue akua Sodoma ni Ngomola, ni jimbanza ja zukamene na-ju, kioso kia bhange uila kia bhangele o ji-anjuʼ ojo, a kala mù di ehelela ku undumbu, a kala mù balukila ʼxitu jengi. Enʼ iá a a tubhula kuma a kale kijimbuete, ni kuxixima mu tubhia ki tu xikina kujima.