Marku 5:7 - O Mikanda Ikola

⁷ anga u di kola ni dízui dia suina, uixi: Eme nga kuata-hi ni eie, u Jezú, u Monʼa Nzambi, ua suka ku ukota? Nga ku bhingi mu dijina dia Nzambi, kana ku ngi talesa hadi.

Marku 5:7 ပူးပေါင်းရင်းမြစ်များ

Dimatekenu 3:15

Nga-nda kuta unguma bhu kaẋi ké eie ni muhatu, ni bhu kaẋi ka mbutu ié-eie ni mbutu iê-muène; muene ua kà ku bula o mutue, eie ua kà mu numata o kasende.

I Jisobha 22:16

Maji o sobha u mu ambela, uixi: Lukuẋi lu nga-nda ku kulokesa, kuila u ngi tangela ngó kikale o kidi, mu dijina dia Ngana?

Hozeia 14:8

Ifalaíme ua kʼèla, uixi: Eme bhu ngalʼabha o iteka nga kuata na-iu kima kiahi? Eme-phe ngi mu suua, o kia zulʼokio ngi ki ivua muene. Mbata eme nga di bhange kala ngi mufuáia ua buingita mu thembu joso, o ibundu ié u i sanga jinga momuami.

Matesu 16:16

Kuala Ximá Phetele: Eie u Kristu, Monʼa Nzambi ia muenhu.

Matesu 26:63

Jezú-phe ua di xibhê. Nganga ia dikota anga u mu ambela, uixi: Nga ku lokesa mu dijina dia Nzambi ia muenhu, tu tangele mba eie u Kristu, Monʼa Nzambi.

Matesu 4:3

Diabhu, anga uiza, u mu ambela, uixi: Eie se u Monʼ a Nzambi, tuma matadiʼ ama ma kituke jimbolo.

Matesu 8:29

Talesa-phe, ene a di kola, exi: Eie tua kukala nʼ ihi, u Monʼ a Nzambi? Kífua ueza kunu mu ku tu talesa hadi, o thembu kiluua ngó i bhiẋila?

Marku 1:24

Etu tua kuata-hi ni eie Ngana, u Jezú dia Nzalae? Kífua eie ueza ku tu muanga? Eme nga ku ijiia muene kiambote! Eie u Muthu Ukola a ku tumikisa kuala Nzambi.

Marku 14:61

Muene-phe ua di xibhe, nguê kukumbulula. Nganga ia dikota anga u mu kumuna dingi, uixi: Kífua eiemuene u Kristu, Monʼa Ngana Nzambi ukola?

Marku 3:11

Ni oso ala ni jinzumbi ja xidi, kia mu mona, a di bhala bhu pholo ie ni kudikola, exi: Eie, Ngana, u Monʼa Nzambi!

Marku 5:6

O kia mono Jezú mu ikanga, ueza ni kulenga, he u fukama, u mu bheza;

Marku 5:8

Muene ua zuela kiki, mukonda o Jezú ua dianga ku mu ambela, uixi: Tunda mu mukutu ua muthu, eie u nzumbi iaxidi.

Luka 1:32

Muène uandu kala kota dia muthu, a kà mu ixana Monʼa Nzambi ia Diulu. O Ngana Nzambi ua kà mu bhanga Sobha, kala kia kexile tatʼâ Davidi mu xahulu.

Luka 4:34

Aiuê! Etu tua kuata-hi ni eie, Jezú dia Nazalé? Kífua ueza ku tu muanga? Eme nga kuijiia kiambote, u muthu ukôla, a ku tumikisa kuala Nzambi!

Luka 6:35

Zolenu-phe o jinguma jenu, a bhangienu o mbote. Sobhesenu, sé ngó kukakula muthu mba mu kinga ku mi vutuila ki mua sobhesa. O kisakidilu kienu anga ki kala kia dikota, hé mu kala mu anʼa Nzambi ia Diulu. Mukonda muène mukua kulendukila athu a kambe kusakidila, a bhukumuka.

Luka 8:28

O kia mono Jezú, ua te nzongo, anga u fukama bhu pholo iê, u di kola ni dízui dia suina, uixi: Ihi i nga kuata ni eie, Jezú, Monʼa Nzambi ua Suka ku Ukota? Nga ku diondo, kana ku ngi zukutisa!

Nzuá 20:31

Maji imʼiíi-phe iòsoneke, phala enu ni mu xikane, kuma Jezú muène Kristu, Monʼ a Nzambi. Mbé o ki mu mu xikana, mu kale ni muenhu ki uábhua.

Jipoxolo 16:17

Anga u kaiela Phaulu ni etu, ni kudikola, uixi: Mala iá jiselevende ja Nzambi u kôla. Ene a tu tangela o njila ia kubhuluka.

Jipoxolo 19:13

Kukala-phe ilalu ia Jijudé, a kexi mu kuila a tunda kididi eza kididi, kuma ene imbanda ia kukambêla, a teza kutumbula dijina dia Ngana Jezú, ku thandu dia ió ala ni jinzumbi jaiibha, exi: Nga mi kambelêla mu dijina dia Jezú, ió a mu tange kuala Phaulu, kuila mu tunda.

Jipoxolo 8:36

O ki aia ni kuenda mu njila, a sanga kididi bhuala menha. Ngolambole, uixi: Talesa, menha iá! Ohi ki fudisa o ku ngi batizala? [

Loma 16:20

O Nzambi, otho ia paze ietu, kindala uanda ku titidila Satana bhoxi dia inama ienu. O kiadi kia ngana ietu Jezú Kristu, ki kale ni enu oso.

Jihebeleu 2:14

O ana-phe, kala kia exana muène, a kala athu a nomona ku xitu ni manhinga. Uila kiki, Jezú muène ua di bhange kala ene, mu kutambula o kidifuanganu kia muthu, phala mu kubhita ni kalunga a tene kutolola ió uoso ua kuata o nguzu ia kalunga, muène Diabhu.

Jihebeleu 7:1

O Melekizedeke muenʼiú, ua kexi sobha ia mbanza ia Saleme, nganga ia Nzambi ua suka ku ukota. U takana ni Mbalahamu kioso kia kexi kuvutuka ku ita ia jisobha, Melekizedeke anga u mu bhana dibesá.

Tiiaku 2:19

Eie ua xikana kuila sai-ku ngó Nzambi imoxi? Kia uabha! Ni madimonho ue a ki xikana, a teketa ni uôma.

II Phetele 2:4

Kuma Nzambi kia kambele kuehela ji-anju ja tele kituxi, maji ua ji kaiesa katé mu ifernu, iú ua ji kuikila ku malubhambu mu makungu ma usuku katé bhu kizuua kia kufundisa.

I Nzuá 3:8

Uoso u jijila kuta ituxi, ua tokala kua Diabhu, kuma o Diabhu mukua ituxi tundé ku dimatekenu dia mundu. Kiene kia bhekelele Monʼa Nzambi kutukuluka, phala a muange o ikalakalu iene mu bhanga Diabhu.

Juda 1:6

Xinganekenu ue kuila ni ji-anju ja kambele kubhaka o ukota uâ, ja xi o kididi kia a tokala, Nzambi ua ji kuika bhoxi dia usuku, ku malubhambu ma kolela-ku katé bhu kufundisa kua Kizuua kiná kia dikota.

Dijingunuinu 12:12

Kala kiki, ku madiulu-phe tanenu-ku, ni enu oso mua tunga momo! Lamba dienu mu ngongo ni ku musanza! Mukonda Diabhu ua mi tulukila ni njinda iavulu, kuma muène uejiia kuila o thembu iê ia butu kia.