Marku 5:41 - O Mikanda Ikola

⁴¹ Anga u kuata o mona mu lukuaku, u mu ambela, uixi: Talita, kumi! Uambe, mu ku ki jimbulula: Kilumba, nga ku tumu kubalumuka!

Marku 5:41 ပူးပေါင်းရင်းမြစ်များ

Dimatekenu 1:3

Nzambi anga u zuela, uixi: Kuma kúkie; kuma anga ku zela, ku kala mukengeji.

Jisálamu 33:9

Kuma muene uazuela ngó, ioso ia di bhange; Kia tumina dingi, ima ioso ia tukuluka.

Marku 1:31

Muene anga uiza, u mu kuata lukuaku, u mu bhetula; o febele anga i mu xa, he u kala mu ku a sedivila.

Marku 1:41

Jezú-phe, kuma henda ia mu kuata, ua sunununa lúkuaku lué, hé u mu babata, uixi: Nga mesena! Ngi ki bhanga muene; disanze!

Marku 5:40

Anga a mu olela uoua. Muene-phe u a tubhula bhu kanga ene oso, u katula ngo tata ni mama avu kamona ka, ni io oso ueza-nâ, anga u bokona muala o mona.

Marku 5:42

Kithanganʼokio o kilumba u balumuka, he u enda, kuma uala kia mu kuinhi dia muvu niʼiadi. Enhoso kithanganʼokio anga a diuana kisuma kia dikota.

Loma 4:17

Kala ki ambe o Mikanda Ikôla, iexi: Eie nga ku bhange u tata ia ifuẋi iavulu. Kala kiki, o polomesa a i kuatesa kuala Nzambi, ió a mu xikana kuala Mbalahamu—Nzambi, mukua kuphaphumuna athu afu kiá, hé u bhangesa kukala ku muenhu o ima kiluua i kala-ku, anga i di bhanga muene.

Filipe 3:21

Muène, o mukutu uetu uasebuluka ua kalunga, ua kà u bhana kidifua kiòbhe, phala u di fangane ku mukutu uê Muène ua kubenha, kabasa o kutena kuê kuala na-ku, kuasoko mú tolola ima ioso ni i mu belesela muène.