Marku 5:35 - O Mikanda Ikola

³⁵ Kioso-phe Jezú kia kexile hanji mu zuela, ku dibhata dia dikota dia dilombe ku tunda athu, exi: Na Jailu, monʼê uafu kia. O mesene u mu talesela-hi ngo hadi?

Marku 5:35 ပူးပေါင်းရင်းမြစ်များ

Matesu 26:10

Jezú-phe kuma ua kʼijiia, ua ambela, uixi: Muhatu mu mu tateselahi? Muène ua ngi bhange kima kiambote.

Matesu 26:18

Kuala muène: Ndenu mu mbonge, kua nganji, mua kà mu ambele, muixi: Mesene uixi kiki: Thembu iami ia ngi bhiẋilu. O Phasu ngi i bhitisila mʼonzo ié ni jixibulu jami.

Matesu 9:18

Kia kexile hanji mu ku a zuelela imʼ iii, bhenhobho bhu tula kota dia muthu, u mu sambela, uixi: Monʼ ami ua muhatu ua-fu muene kindalʼ iki! Izá-phe u mu tule lúkuaku, a kale dingi ni muenhu.

Marku 10:17

Mu kutunda bhenhobho, kutula mu njila, kuiza muthu ni kulenga u mu fukamena, he u mu ibhula, uixi: Mesene ia mbote, eme ngi bhanga kiebhi, phala ngi lundule o muenhu ki uàbhua?

Marku 5:22

Anga ku mu sanga muthu ua tokala ku makota ma dilombe dijina diê Jailu, o kia mu mono, iu ua di bhale bhu inama ie.

Luka 8:49

Kioso ki ala hanji mù zuela kiki, bhu tula muthu ua tundu ku bhata dia dikota dia dilombe, uixi: Na Jailu, monʼé uafu kiá. Mesene ku mu talese ngó hadi.

Nzuá 11:21

Marta anga uambela Jezú, uixi: Ngana, eie se ua kexile-bhu, phangeʼ ami hinu kafu.

Nzuá 11:25

Jezú ua mu ambela, uixi: Eme ngi difukunukinu ni muenhu. Uoso u ngi xikana eme, né uafu, u kala dingi ni muenhu.

Nzuá 11:28

Marta kia zubha kuzuela kiki, uia hanji, anga u ixanena bhu mbandu Madiia, phangʼiê, uixi: Mesene ueza! Ua kuixana.

Nzuá 11:32

Madiia-phe kia bhixila bhoso bhala Jezú, kia mu mono, u fukama bhu inama iê, uixi: Ngana, eie se ua kexile-bhu, phangʼ iami hinu kàfu!

Nzuá 11:39

Jezú uixi: Katulenu-ku o ditadi! Marta, phangʼ ia difundu, uixi: Ngana, muène kiki ua mu nuha kiá kiaiibha! Kuma tunde kia mu fundu, ua bhange-mu kiá izuua iuana.

Nzuá 5:25

Kidi, kidi, ngi mi ambela: Kumbi dí diza, o diene dia bhixila kiá, dia afi kuívua o dízui dia Monʼ a Nzambi. Oso-phe a dʼivua, a phaphumuka hé a laia.