Marku 4:38 - O Mikanda Ikola

³⁸ Muene-phe, ku dizulu dia bote, ua zeka ku phetu, uaii ku kilu. Anga eza ku mu tonesa, exi: Mesene, kífua ki ki ku kuatela kima? Tuanda kufua!

Marku 4:38 ပူးပေါင်းရင်းမြစ်များ

Izaía 63:15

Ividila tundé ku maúluʼoko, u tale kunu tundé bhu kididi kié kiangene bhu ua tunga. Muanu ué Ngana uala kuebhi, ni ikalakalu ia uzonda ué? o kulenduka kua muẋima ué ni jihenda jé ji kale ni eme!

Izaía 64:12

Kifua, Jihova tata, mu ima iosuʼiii, hanji u di xibhʼé muene? Uilʼé muene hudí, anga u tu tatesa kiosuʼiki?

Kuditenda 3:8

Bhu suske dia ku dikola, hé ngi ta mutendu, maji muene musambu uami u ngi xitila-u dibhitu.

Matesu 22:16

Anga a tumikisa kua muène jixibulu jâ, ni akua Helode, exi: Mesene, etu tuejiia kuma Eie u mukua kidi, u longa njila ia Nzambi sé makutu, sé uôma; ku tena kulenga pholo ia muthu.

Matesu 8:25

Maxibulu anga eza kua muène, a mu tonesa, exi: Ngana, tu bhulule, tu fua!

Marku 4:37

Ku musanza anga ku balumuka kitembu kia suina, mabhuku ma kala mu ku di lukula mu bote, o iene i sota kuizala ni menha.

Marku 4:39

Muene anga u tona, u kidika o kitembu, he u ambela o menha, uixi: Batamenu mu dixibhe! Kitembu anga ki batama, kuma ku kala kutululuka kua nzungule.

Luka 8:24

Maxibulu anga eza bhua zeka muène, hé a mu tonesa, exi: Mesene, mesene! Tu fua! Muène anga u tona, u bazela o mulenge, ni njinda ia menha, anga ma batama. Anga ku kala kutululuka kuavulu.

Nzuá 4:6

Bhene bhu kixima kia Jakobo. Jezú kuma ua tundu ni kubhuila mu njila, ua xikama kiki bhu mbanduʼ a kixima. Diene kumbi dia mediia.

Jihebeleu 2:17

Uila kiki, Jezú kia mu fuama mu ima ioso o kusokela ni jiphange jê, phala a tene kukala Nganga iâ ia Dikota, ia lenduka, ia fiiele, mu sedivisu iê kua Nzambi. Mu kienʼ iki nʼ a kale kiluuluilu kia ituxi ia mundu.

Jihebeleu 4:15

O Nganga ietu ia Dikota u tena kuivua o malamba metu. Mukonda o Nganga ia Dikota muenʼiú, a mu thendalele mu ima ioso kala etu-ene, maji sé ngó ku ta kituxi.

I Phetele 5:7

Héle ienu ioso xilenu-iu Nzambi, kuma muène ua mi kuatela muanu.