Marku 4:32 - O Mikanda Ikola

³² O kia lu kuua, lu sabhuka, anga lu kala kota mu ku kula, idima ioso ndenge. Lu bhana jithangu, o jinjila ji bhita bhulu anga ji tula mu jithangu je, anga jibhanga ikalanga mu kilembeketa kie.

Marku 4:32 ပူးပေါင်းရင်းမြစ်များ

Jisálamu 104:12

Mu jimbandu ni jinjila ji bhita bhulu, muene mu bhata diâ; ji didila jimbimbi jâ mu jithangu.

Jisálamu 91:1

Ió ua tunga mu kibúta kia kondama kia Suke-ku, iú ua xikama mu kilembeketa kia Muteni-a-ioso,

Jisabhu 4:18

Maji o njila ia athu a iuka-phe i di bhanga mukua ni mukengeji ua kimene, uia ni ku di bandekeza mu kuzela katé kuma ki ku zubha o kúkia.

Mukumbi ua Mikumbi 2:3

Mukuá ni muxi ua masá mu kaẋi ka mixi ia ditutu, kiene ue kazola kami mu kaẋi ka minzangala ia mala; kizúzumbia kié ngi kinda kiavulu, mu kilembeketa kié muene mu ngi xikama; o kibundu kié mu kanu diami ku ngi toualela kuahi!

Izaía 11:9

Ka kà bhanga-mu kiaiibha mba phulu ioso-ioso, mu mulundu uami uoso, u nga kôlesa; mukonda oxi ioso ia kèzala ni kuijiia Nzambi, kala o menha kiezalesa kalunga.

Izaía 32:2

Dikuenze muenhó ua kà kala disuamenu kiza o kitembu, dilengelu kiza o kalêmba, mukua ni jingiji ja menha mu mikáu ia kukuta, uila ue kala kilembeketa kia ditadi dionéne mu ixi ia kikáku, mua kambe o menha.

Kuditenda 4:20

O na tudilu dia kubhuima kuetu a tu ûndila-nê kua Jihova, a mu kuatela mu madiela mâ; o muene-phe, muene tua mu edile, tuixi; né kiá ki tu bhinga ku xalela muʼaxaxe ka akua jixi, tua kà kala mu kilembeketa kia muene.

Izekiiele 17:23

Ku mulundu ua di-leka ua Izalaiele kuene ku nga kà u kuna, hé ua kà sabhuka jithangu, u bhana ibundu anga u di-bhanga musédulu ua matunda; o jinjila, ja idifua ioso ia mabhabha, ja kà tunga moxi diê, mu kilembeketa kia jithangu jê muene mu ja kà tunga.

Matesu 13:32

O luene kidi kiene, lua suku-ku mu kutola ku jimbutu joso; ki lua-nda kukula-phe, idima ioso i kala ndenge, muiza muẋi ua kuila jinjila ji bhita bhulu jenda ni kutula mu jithangu jê.

Marku 4:31

Ua di fangana ni lumbundu lua mbutu ia mustarda, kia lu kuua mu mavu, sumbala luala ndengiʼèlele ku jimbutu joso mu ngongo.

Marku 4:33

Anga u a tela maka mu ifika iavulu kala iíi, kioso kia tena ene kuívua.