Marku 4:28 - O Mikanda Ikola

²⁸ O mavu a di imina ene, ku dianga o kixina, kuiza o disa, he ku kaiela o jimbundu jadisanze ku disa.

Marku 4:28 ပူးပေါင်းရင်းမြစ်များ

Dimatekenu 2:9

Jihova Nzambi anga u sabhukisa mu mavu mbutu ioso ia miẋi ia uabha ku mesu, ia uabha ue ku i dia; mu kaẋi ka díbhia mu kala ue ni muẋi ua muenhu, ni muẋi ua kuijiia kiauabha ni kiaiibha.

Jisálamu 1:3

Muthu ió u kala mukuâ ni muxi uòphaphe bhu mbanduʼa honga ia menha, uenda ni kulukula jinga ibundu bhu thembu iê, o difue diê ki di lela ni di laúka; o kioso kia bhanga, ki tunda ni kubhanduluka.

Jisabhu 4:18

Maji o njila ia athu a iuka-phe i di bhanga mukua ni mukengeji ua kimene, uia ni ku di bandekeza mu kuzela katé kuma ki ku zubha o kúkia.

Ndongixi 3:1

Ima ioso iala ni kithangana kiê kia i xindila Nzambi; iene ioso i bhita kulu dia mundʼuku iala ni thembu iê.

Ndongixi 3:11

Ima ioso Nzambi ua i bhange ni kuuabha bhu thembu iê; iú ua zangula o mundu uene, iú ua u te mu muẋima uâ, maji o muthu ua lémbua kuijiia o kikalakalu kioso kia bhange Nzambi, tundé ku dimatekenu katé ku dizubhilu.

Izaía 61:11

Mbata mukuâ ni kikala o mavu a sabhukisa o ngolôngo iê, kala ue o honga ki i fuafuesa ioso ia kuna-mu, kiene ue Ngana Nzambi kia-nda kusabhukisa o kuiuka ni diximanu phala o mbutu ioso ia athu.

Hozeia 6:3

Jihova-phe tu mu ijiie, tuende ni kujijila jinga ku mu ijiia; mukonda iú uiza, o kuxindumuka kuê mukuâ ni ukielu ua kizuua; ua-nda ku tu zungila mukuâ ni mvula, kala mvula ia isanga i kaiela ku mvula ia kudinji, ienda ni kutekela oxi.

Matesu 13:26

O kia sabhuka jimbutu, hé ji mateka kuima, ku moneka dingi ni jimbundu ja iangu.

Marku 4:27

Anga u zeka, u balumuka, ngoloxi ni kimene, o mbutu-phe kioso ki i sabhuka, ki i kula, muene ka kʼijiia.

Marku 4:29

O kibundu-phe ki kia-nda kúbhia, kithanganʼokio u sunga kibhôlola, kuma thembu ia bhixila ia tokala o kumuna.

Filipe 1:6

Kuma ngedi ni kudielela kima kiki, kuila: O Nzambi, ua mi andekela o kikalakalu kiambotʼiki mu mienhu ienu, uanda ku mi zubhila-kiu katé bhu kizuua kia Jezú Kristu.

Kolose 1:10

Phala mu kale mù kuenda kioso kiandala Ngana, ni kubhanga jinga ioso ia mu uabhela kiambote muène. Muandù kuima ibundu mu ikalakalu iambote, hé muenda ni kukula mu kuijiia kua Nzambi.