Marku 4:27 - O Mikanda Ikola

²⁷ Anga u zeka, u balumuka, ngoloxi ni kimene, o mbutu-phe kioso ki i sabhuka, ki i kula, muene ka kʼijiia.

Marku 4:27 ပူးပေါင်းရင်းမြစ်များ

Ndongixi 11:5

Kala eie ki ua kambe kuijiia o njila ia kitembu, mba kioso ki di bhanga o ifuba mu vumu dia muhatu uala mu mikutu iiadi, kiene ue ki ua kambe eie kuijiia o ikalakalu ia Nzambi, Mubhangi a ima ioso.

Ndongixi 8:17

kiene ki nga mono o ibhangelu ioso ia Nzambi, eme nga tale kuila o ibhangelu ioso bhoxiʼabha muthu ka tena ku i tongolola; né-mbe o muthu u kalakala muene kia vulu phala o ku ijiia, né ngó, ka tena ku i tongolola; o njimu né uila uixi ngi sota ku ijiia, ki kiene ue ki mu bhekesa o ku ijiia.

Marku 4:26

Ngana Jezú uixi: Kienhiki o Utuminu ua Nzambi uedi kala muthu u ta mbutu mu mavu.

Marku 4:28

O mavu a di imina ene, ku dianga o kixina, kuiza o disa, he ku kaiela o jimbundu jadisanze ku disa.

II Tesalonika 1:3

Etu tua tokala tu sakidila jinga Nzambi mukonda dienu, enu jiphange! Mukonda kia tu fuama muene ku ki bhanga, kuma o kuxikana kuenu kua mu kula dingi kiengi, ni henda ienu i mua di kuatela mudienu iavulu dingi.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.