Marku 4:19 - O Mikanda Ikola

¹⁹ o jihele ja mundu iu, ni músendu ua jimbongo ni maluimbi ma ima iengi, ma bokona, anga ma bhaka o maka mua vundu, he ma tokoka kuima ibundu.

Marku 4:19 ပူးပေါင်းရင်းမြစ်များ

Jisabhu 23:4

Kana ku di huha kiavulu mu kusota ku kala u mvuama; kilunji kié kioso ku ki te mu kusoto ngó umvama inda katula-ku o muẋima.

Jisabhu 23:5

Kifua mesu mé ma jijila kutalesa ima ia kingoho? jimbongo-ze jene ni mabhabha, jituka kala holokoko anga ji di leka bhulu.

Ndongixi 4:8

Kuala muthu uala ngó ubhekèlele uê, kala dingi ni mukuá iadi, kidi muene, ka moneka mona mba ngó phange ia muhatu; maji muenhú, kia kuata o kukalakala, ka zumbuka, mba mesuʼê a mu suka mu kutala o jimbongo; mba ngó uila, uixi: Ki ngalʼiki, nga mu kalakalela nanhi, eme nga fulu o kubhana muenhu uami o jimbote joso ja u tokala? Kuma kienhiki ue kingoho ni nduezu mu kukalakala.

Izaía 5:2

Ua di kondoluesa kikanzo, matadi ua ma sengulula-mu, iú ua phaphe-mu mivide ia mbutu iambote; o muʼaxaxi ka díbhia dia muvide ua tungu-mu inzu ia matala, iú ua iudika-mu ue ditangi dia kuketela vinhu; iú uene kudielela kuila muvide uima ji-uva jauabha, maji uene ua bhana ikola-kola.

Izaía 5:4

Ihi dingi i nga tokalele kubhanga mu díbhia diami dia mivide, iii nga kambe ku i bhanga? Kia bhiti-phe kiebhi, nga dielelele kuila uima ji-úva jauabha, ni kuà keza mu bhana ikola-kola?

Matesu 13:22

A mu kuua mu minha, muenhú uívua maka, maji o luímbi lua mu ngongo-phe ni kusênduka kua jimbongo, kubhaka o maka mu a vundu, anga u tokoka kuima ibundu.

Matesu 19:23

Jezú anga u ambela jixibulu jê, uixi: Ngi mi ambela kidi, mukua itadi ki mu bhonza, o kubokona mu Utuminu ua Diulu.

Matesu 3:10

Kumbʼ idi dikuua a di tula kiá bhu kixina kia miẋi. Muẋi uoso u kamba kuima ibundu iambote, a u koka, hé a u ta mu túbhia.

Marku 4:18

Sai amukuá a a kuu mu minha, enhá ki evua maka,

Luka 10:41

Ngana-phe ua mu vutuila, uixi: Marta, Marta, eie ua lalama, kuma ua tandanganha ni ima iavulu.

Luka 21:34

Mu ku zubha, Jezú uixi: Alukenu-phe, ki mu di jimbe! Miẋima ienu ni i biluke ia neme ni kúdia jifesa, ni kunua uhôlua, ni makubhindama ma muenhu iú, kizuua kiókio ni ki mi tukumuise kala mubhetu.

Nzuá 15:2

Thangu ioso iala mo muami, maji i kamba kubhana ibundu, muène u i batula. Maji o thangu ioso i bhana ibundu, u i solala, hé u i zelesa, ni i bete o kubhana.

Loma 12:2

Ki mu kaiele o funza ia mu ngongo mumu, maji ehelenu Nzambi a mi kitule kiengi, katé kilunji kienu kieza ku ubhe. Phala mu tongolole ioso o vondadi ia Nzembi, iauabha, ia ujitu, iatenena, i mu uabhela kiambote.

Efezo 2:2

Mu thembuʼ omo enu muene mu mua kexile mù kuendela kala ki tuma ngana ioio iavu o utuminu uê mu dimbinza muene o nzumbi kindala iala moxi dia ana abhukumuka, a kamba kutumaka Nzambi.

Efezo 6:12

Kuma o kulua kuetu ki kua ku di lua ni athu mu xitu, maji tu lua ni ifuẋi ia jinzumbi ja phulu ku ididi ia diulu, tu lua ni atumini, tu lua ni akutende, tu lua ni enexi a kithangana kia kitombeʼ ʼiki mu ngongo.

Filipe 4:6

Ki mu kale ni hele ia kima, ki mu ile bhidibhidi, maji ima ioso-phe iiza-ku, mu ila ni kusamba ni kudionda, kumoxi ni kusakidila, mu ende ni kubhinga kua Nzambi ioso i mua mesena.

I Timote 6:17

Oso ala jimvuama mu ngongʼumu, a tendelele, ka di kake, ka dielele o jimbongo ja makutuʼiji, ki ji tena kubhandulula kima. Maji a dielele Nzambi, Ió ua tena ku tu bhana kumona kia nzungule o ima ioso ia kuzediua phala o mbote ietu.

II Timote 4:10

Mukonda Demase ua ngi xi, iú uaii ku Tesalonika, mukonda dia kuzola mundu uenhú. Kelesende uaii ku Ngalásia, Titu ku Ndalamaxia.

II Phetele 1:8

Kuma imʼiii se mu kala na-iu, anga i vula, i mi bhangesa ki mu kala ni usonde, ki mu kambe kuima ibundu ia ibhangelu iambote mu kuijiia kua Ngana ietu Jezú Kristu.

Juda 1:12

Enʼ iâ a di bhanga dilebhu phala enu, ki mu kala kudia-nâ mu fesa jenu ja ukamba, ni kukodiua kuâ ku kuatesa jisonhi. A kala mu ku di dikila, ni kudisuua ngó ene. Edi kala matuta ma kambe menha, ma phephuluka ni kitembu, ki ma bhana mvula ia kima. A di bhange mixi ia tokoka o kuima, né bhu mvula ia kudinji, ki i moneka kibundu. A di fuangana mixi iòvuze ni jindanji, ia fuila-ku kiá muene.