Marku 3:21 - O Mikanda Ikola

²¹ O jindandu jé kia zubha ku kʼivua, aia ku mu kuata, mukonda, exi: Ua tekuka.

Marku 3:21 ပူးပေါင်းရင်းမြစ်များ

II Jisobha 9:11

O Jehu kioso kia tundu ku kanga kuala o jiselevende ja ngana iê, a mu kumbulula, exi: Kiebhi? Ioso ialʼé muene kiambote? O dilaji didi uejile kokué, ihi kia mu bheka? Muene ua a vutuila, uixi: O muthu iú enu mua muʼijila kiambote ni uzuelelu uê.

Jelemiia 29:26

Jihova ua ku lumbu unganga bhu kididi kia nganga Joiada, phala ni u kale u katúmua ka inzu ia Jihova ku muthu uoso u sota ku ki tundisa, ni ku di bhanga polofeta, eie u mu te muʼaleia ni bhu ditaka.

Hozeia 9:7

Kuma izuua ia ku a zungila ia bhiẋila, izuua ia kuvutula phonzo ieza-bhu; o Izalaiele ua-nda ku di muena-kiu hé u kʼijiia, kuila o polofeta iê ua di bhange kiôua, o mukua kuzambula u xingila makutu; mukonda ua di vudisila o ikuma iê, kiene uê kia kà mu vudixila o luma.

Marku 3:31

Mamʼá ni jiphange jé anga eza, emana bhu kanga, hé a tuma ku mu ixana.

Nzuá 10:20

Amukuá, exi: Muène uala ni dimonho! Ua saluka! Phala-hi muala ku mu ívua ioso ia mu zuela.

Jipoxolo 26:24

Kia kala muène mu kufunda kiki, Festu u di kola, uixi: Eie Phaulu, ua saluka! O kuijiia kuavulu, kua ku bhekela kusaluka!

II Kolindo 5:13

Kuma o ki tu kala tua tekuka, tua tekukila Nzambi; maji o ki tu kala tu athu a kilunji, enu-enu tua mi kalela na-kiu.