Marku 3:17 - O Mikanda Ikola

¹⁷ Ni Tiiaku, monʼa Zebedeu, ni Nzuá pange Tiiaku; enhá ua a luka dingi dijina dia Beneleje, dijina dia kuila: Anʼa Kinuminu kia Nzaji;

Marku 3:17 ပူးပေါင်းရင်းမြစ်များ

Izaía 58:1

Dikole ni dízui dia suina, ku dixibhe, zangumuna dízui dié kala koloneta, uidikize athu ami o kikuma kiâ, o dibhata dia Jakobo ue idika-diu o ituxi iâ.

Jelemiia 23:29

Jihova ua ki tange, uixi: O maka mami manhi kasoko ni túbhia, kʼedi kala malatelu i sasujula ditadi?

Matesu 4:21

Ki ende-ku dingi ka dikanga, u sanga jiphange jiiadi jamukuá, Tiiaku dia Zebedeu, ni ndenge iê Nzuá, ala mu bote ni tatʼ â Zebedeu, ala mu banda o manda mâ; muène anga u a exana.

Marku 10:35

Kienhokio Tiiaku ni Nzuá, anʼa Zebedeu, anga a mu zukama, exi: Mesene, tua mesena u tu bhanga kioso ki tu ku bhinga.

Marku 14:33

Anga u katula Phetele, ni Tiiaku, ni Nzuá, phala a kale-nê bhenhobho. Kithangana kienhokio Jezú anga u kala ni mukondo, u tata kiavulu.

Marku 3:16

O kuinhi ni kiiadi enhá: Ximá, a mu luku dingi dijina dia Phetele;

Marku 3:18

ni Mandele, ni Felipe, ni Matulu, ni Matesu, ni Tomé, ni Tiiaku dia Lufeu, ni Tadeu ni Ximá mukua Kanana

Marku 5:37

Muene kʼehela dingi muthu ku mu kaiela, kikale ngo Phetele, ni Tiiaku, ni Nzuá phange ia Tiiaku.

Marku 9:2

Kia bhiti izuua isamanu, Jezú u katula Phatele ni Tiiaku ni Nzuá, anga uia-nâ ku mulundu ua di leka, ubheka ua. Muene anga u kituluka bhu pholo ia.

Luka 9:54

O jixibulu jê, Tiiaku ni Nzuá-phe, kia ki mono, exi: Ngana eie uandala tu tuma túbhia tu láuka ku diulu mu ku a buidisa?

Nzuá 21:2

Ua a tukulukila kiki; Ximá Phetele, ni Tomé, a mu ixana Akua-ndumba (Dídimu), ni Natanaiele mukua Kaná mu Ngalileia, ni anʼ a Zebedeu, ni xibulu jamukuá jiiadi ja Jezú, ji kala bhuamoxi.

Jipoxolo 12:1

Kiki bhu thembu ieneʼ oio, sobha Helode u sununa maku mê mu kutatesa o athu ku Ngeleja.

Jihebeleu 4:12

Kuma o kizuelu kia Nzambi kima kia muenhu, ki ala ni kutena. Kia beta kutua o xibhata ia mazu a iadi ndenge. O kubatula kuê, ki sesa ni muenhu, ni nzumbi, ni masokuelu, ni uongo ua ifuba. Ki tungula ni jivondadi, ni mabanzelu ma miẋima ia athu.

Dijingunuinu 10:11

Anga a ngʼambela, exi: Eie hanji kua ku xala dingi lumoxi kujimbuila madiembu mavulu, ni ifuẋi, ni madimi, ni jisobha, o Njimbu Iambote ia Nzambi.