Marku 2:27 - O Mikanda Ikola

²⁷ Anga Jezú ua ambela, uixi: O sabhalu a i bhangela o muthu; muthu ka mu bhangela o sabhalu.

Marku 2:27 ပူးပေါင်းရင်းမြစ်များ

Makatukilu 23:12

Izuua isamanu i u kalakala o thonga ié ioso, kia kasambuadi-phe u ki nhoha; phala ni ngombe ié ni bulu ié i nhohe; phala ue ni monʼa kahatu kê ni nzuángiza a sunge nguzu ióbhe.

Izaía 58:13

Se kinama kié u ki vutula ku sabhalu, ufula kubhanga o vondadi ié eʼmuène mu kizuua kiami kikôla, o sabhalu anga u ixana mbote kuma kizuua kiangene kiakolesa Jihova, kia ujitu, o kiene anga u ki xila, hé u fula kukaiela jinjila jé eʼmuène,

Izekiiele 20:12

Nga a bhana ue o jisabhalu jami, mbé ji kale kijimbuete bhu kaxi kami ni ene; phala a tene kuijiia kuila emiʼeme ngi Jihova ngi tena ku a zelesa.

Izekiiele 20:20

Endenu ni kukolesa o jisabhalu jami, mbé ji kale kijimbuete bhu kaxi kʼenu nʼEme, phala mu kʼijiie kuila Eme ngi Jihova, Nzambi ienu.

Marku 2:28

Uila kiki, o Monʼa Muthu uala ue Ngana kate ni ia sabhalu.

Luka 6:9

Jezú anga ua ambela, uixi: Nga mʼ ibhudisa hanji, mba kia tokala mu Sábhalu kubhanga o mbote, inga kubhanga phulu? O kubhana muenhu, inga o ku u katula?

Nzuá 7:23

Se muthu u tambula o kusaia mu kizuua kia Sábhalu, mukonda dia uôma ua kutondala o Kitumu kia Mozé, phala-hi mua ngi kuatela njinda, mukonda Eme nga bhana muthu ku di sanza mu kizuua kia Sábhalu?

II Kolindo 4:15

Kuma ima iene ioso iii ia bhitila mukonda dienu. Mu kienhiki o kiadi kia Nzambi ki kale mu kusambuka dingi ku athu avulu, o athu enhá na kale mu vudisa dingi o misambu ia kusakidila, mu kufumanesa Nzambi.

Matendelelu 5:12

Aiuka kizuua kia sabhalu, ki ku kale kizuua kikôla, kala kia ku lekelela Jihova Nzambi ié.

Matendelelu 5:14

Maji o kizuua kia kasambuadi kiangene kia Jihova, Nzambi ié; mu kizuua kiki kana kukalakala-mu, né eʼmuène, né monʼé ua diiala mba ua muhatu, né selevende ié ia diiala mba ia muhatu, mba ngombe ié, mba kabulu ké, mba kibhaku kioso-kioso kia ku tokala, mba musonhi ua ku tula ku lumbu lué; mbé o selevende ié ia diiala ni ia muhatu anhohe-ku ue kala ki ua nhoha eie.

Kolose 2:16

Uila kiki, kana muthu a mi kuatese jiphata, ja kudia ku mu dia, mba ja kunua, mba ja kizuua kia fesa, ia izuua ikôla, mba kia mbeji iathethama, mba kizuua kia sabhalu.